نۇرسۇلتان نازارباەۆ قازاقستان مەن رەسەي وڭىرارالىق ىنتىماقتاستىعى XIII فورۋمى اياسىندا رەسەي فەدەراتسياسىنىڭ پرەزيدەنتى ۆلاديمير پۋتينمەن كەزدەستى. بۇل تۋرالى اقوردانىڭ ءباسپاسوز قىزمەتىنە سىلتەمە جاساعان ەگەمەن-اقپارات حابارلادى.
كەزدەسۋ بارىسىندا مەملەكەتتەر باسشىلارى كەڭ اۋقىمدى ماسەلەلەردى, سونىڭ ىشىندە ەكىجاقتى ىنتىماقتاستىقتىڭ دامۋىنىڭ باستى باعىتتارىن تالقىلادى.
بۇدان بولەك, الەمدىك جانە وڭىرلىك كۇن تارتىبىندەگى وزەكتى جايتتار قاراستىرىلدى.
قازاقستان پرەزيدەنتى رەسەيدەگى جۋىرداعى سايلاۋدىڭ تابىستى ءوتۋى ەلدە جۇرگىزىلىپ جاتقان ءتيىمدى جۇمىستاردىڭ ناتيجەسى ەكەنىن ايتتى.
– سوچيدە وتكەن فورۋمدا قول جەتكىزىلگەن كەلىسىمدەردى ورىنداۋ ءۇشىن ەلدەرىمىزدىڭ ۇكىمەتتەرى جەمىستى جۇمىس جۇرگىزدى. بۇگىنگى فورۋمدا ەكى ەلدىڭ 900 بيزنەسمەنى كەزدەسەتىن بولادى. سونداي-اق, قازاقستان مەن رەسەيدىڭ كورشىلەس وڭىرلەرىنىڭ باسشىلارى كەلىسسوز جۇرگىزىپ, ناتيجەسىندە قازىردىڭ وزىندە ناقتى ۋاعدالاستىقتارعا قول جەتكىزىلدى. مۇنىڭ ءبارى ەكىجاقتى قارىم-قاتىناستىڭ جوعارى دەڭگەيدە ەكەنىن دالەلدەيدى, – دەدى مەملەكەت باسشىسى.
ۆ.پۋتين كورسەتىلگەن قوناقجايلىق ءۇشىن ريزاشىلىق ءبىلدىرىپ, قازاقستان مەن رەسەي قارىم-قاتىناسى ستراتەگيالىق سەرىكتەستىك پەن وداقتاستىققا نەگىزدەلگەنىن اتاپ ءوتتى.
– ءبىز بارلىق باعىت بويىنشا ءوزارا ءىس-قيمىل جاسايمىز. ءسىزدىڭ باستاماڭىزبەن وتكىزىلىپ وتىرعان وڭىرارالىق فورۋمعا قازاقستانمەن بىرلەسىپ تىعىز جۇمىس جۇرگىزەتىن رەسەيدىڭ 400 بيزنەسمەنى قاتىسادى. بۇگىنگى فورۋمنىڭ تاقىرىبى ءوڭىردىڭ كولىك-لوگيستيكا ينفراقۇرىلىمىن دامىتۋ ءۇشىن ماڭىزدى ءارى پايدالى بولماق, – دەدى رەسەي كوشباسشىسى.
ەگەمەن-اقپارات