ەلىمىزدە سوتتالعان ازاماتتار ەندى Skype ارقىلى سويلەسە الاتىن بولدى. بۇل تۋرالى استانادا ىشكى ىستەر ءمينيسترىنىڭ ورىنباسارى ءراشيد جاقىپوۆ ءمالىم ەتتى.
بۇل قاماۋداعى ازاماتتاردىڭ جانۇياسىمەن ۇزبەي تىلدەسىپ تۇرۋى, حات-حابار الماسۋى ءۇشىن ەڭ ءتيىمدى ءتاسىلدىڭ ءبىرى. قازىرگى ۋاقىتتا مينيسترلىك جوبانىڭ بىرنەشە نۇسقاسىن قاراستىرۋدا. – كەزدەسۋگە تەك ەكى ادامنان عانا كەلەدى, ال مۇندا بارلىق وتباسىمەن كورىسۋگە مۇمكىندىك بار. ەش شىعىن بولمايدى – دەيدى ۆيتسە-مينيستر. – قازىرگى تاڭدا ءتيىمدى تەحنولوگيالاردى پايدالانىپ, زاڭعا وزگەرىستەر ەنگىزۋ قاجەت. مەنىڭشە, بەينەكونفەرەنتسيا – الەۋمەتتىك بايلانىستان اجىراماۋدىڭ وتە ءتيىمدى جولى.
ايمان مۇقىشەۆا