رەسەي مەن ساۋد ارابياسى مۇناي رىنوگىنداعى باعانى تۇراقتاندىرۋ جونىندە كەلىسىم جاسادى. G20 سامميتىندەگى كەلىسىمنەن كەيىن Brent ماركالى مۇنايدىڭ باعاسى 5%-عا جۋىق كوتەرىلدى.
«ءبىزدىڭ بىرلەسە ارەكەت ەتۋىمىز رىنوكتاعى باعانى تۇراقتاندىرۋ ىسىندە شەشۋشى ماڭىزعا يە بولۋى ءتيىس» دەيدى رەسەي ەنەرگەتيكا ءمينيسترى الەكساندر نوۆاك. وپەك-ءتىڭ 2-ماۋسىمدا ۆەنادا وتكەن سامميتىندە ۇيىم مۇشەلەرى ءوندىرىس كولەمىن ازايتۋعا كەلىسە الماعان-دى. وعان مۇناي ءوندىرىسىن شەكتەگىسى كەلمەيتىن يراننىڭ پوزيتسياسى سەبەپ بولعان ەدى. قاراشا ايىندا ۆەنادا وتەتىن وپەك-ءتىڭ سامميتىندە نەگىزگى ماسەلە مۇناي باعاسى بولماق.