2015 جىلعى 5 قازان, استانا قالاسى
«ءبىلىم الۋشىلاردى ءبىلىم بەرۋ ۇيىمدارىنىڭ ۇلگىلەرى بويىنشا اۋىستىرۋ جانە
قايتا قابىلداۋ قاعيدالارىن بەكىتۋ تۋرالى» قازاقستان رەسپۋبليكاسى ءبىلىم جانە
عىلىم ءمينيسترىنىڭ 2015 جىلعى 20 قاڭتارداعى № 19 بۇيرىعىنا وزگەرىستەر مەن تولىقتىرۋ ەنگىزۋ تۋرالى
بۇيىرامىن:
1. «ءبىلىم الۋشىلاردى ءبىلىم بەرۋ ۇيىمدارىنىڭ ۇلگىلەرى بويىنشا اۋىستىرۋ جانە قايتا قابىلداۋ قاعيدالارىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2015 جىلعى 20 قاڭتارداعى
№ 19 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10297 بولىپ تىركەلگەن, «ەگەمەن قازاقستان» گازەتىنىڭ 2015 جىلعى 12 ناۋرىزداعى № 47 (28525) سانىندا جاريالانعان) مىناداي وزگەرىستەر مەن تولىقتىرۋ ەنگىزىلسىن:
تاقىرىبى مىناداي رەداكتسيادا جازىلسىن:
«ءبىلىم الۋشىلاردى ءبىلىم بەرۋ ۇيىمدارىنىڭ تۇرلەرى بويىنشا اۋىستىرۋ جانە قايتا قابىلداۋ قاعيدالارىن بەكىتۋ تۋرالى»;
كورسەتىلگەن بۇيرىقپەن بەكىتىلگەن ءبىلىم الۋشىلاردى ءبىلىم بەرۋ ۇيىمدارىنىڭ ۇلگىلەرى بويىنشا اۋىستىرۋ جانە قايتا قابىلداۋ قاعيدالارىندا:
تاقىرىبى مىناداي رەداكتسيادا جازىلسىن:
«ءبىلىم الۋشىلاردى ءبىلىم بەرۋ ۇيىمدارىنىڭ تۇرلەرى بويىنشا اۋىستىرۋ جانە قايتا قابىلداۋ قاعيدالارى»;
1-تارماق مىناداي رەداكتسيادا جازىلسىن:
«1. ءبىلىم الۋشىلاردى ءبىلىم بەرۋ ۇيىمدارىنىڭ تۇرلەرى بويىنشا اۋىستىرۋ جانە قايتا قابىلداۋ قاعيدالارى (بۇدان ءارى – قاعيدالار) «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 5-بابىنىڭ 16) تارماقشاسىنا سايكەس ازىرلەنگەن جانە مەنشىك نىسانىنا جانە ۆەدومستۆولىق باعىنىستىلىعىنا قاراماستان ءبىلىم الۋشىلاردى تەحنيكالىق جانە كاسىپتىك, ورتا بىلىمنەن كەيىنگى, جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنا اۋىستىرۋدىڭ جانە قايتا قابىلداۋدىڭ ءتارتىبىن ايقىندايدى.»;
6-تارماق مىناداي رەداكتسيادا جازىلسىن:
«6. ءبىلىم الۋشى شەتەلدىك ءبىلىم بەرۋ ۇيىمىنان اۋىستىرىلعان نەمەسە قايتا قابىلدانعان كەزدە مەڭگەرىلگەن وقۋ باعدارلامالارى تۋرالى قۇجات (اكادەميالىق انىقتاما نەمەسە ترانسكريپت), سونداي-اق قازاقستان رەسپۋبليكاسى ءبىلىم جانە عىلىم ءمينيسترىنىڭ 2008 جىلعى 10 قاڭتارداعى №8 بۇيرىعىمەن بەكىتىلگەن, نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №5135 بولىپ تىركەلگەن ءبىلىم تۋرالى قۇجاتتاردى تانۋ جانە نوستريفيكاتسيالاۋ ەرەجەسىندە بەلگىلەنگەن تارتىپپەن قازاقستان رەسپۋبليكاسىندا نوستريفيكاتسيالاۋ راسىمىنەن ءوتۋى ءتيىس ءبىلىم بەرۋدىڭ الدىڭعى دەڭگەيىن اياقتاعانى تۋرالى قۇجات ۇسىنىلادى.
شەتەلدىك جوو-دان اۋىستىرۋ نەمەسە قايتا قابىلداۋ كەزىندە قازاقستان رەسپۋبليكاسىندا جالپى ورتا (ورتا جالپى) نەمەسە تەحنيكالىق جانە كاسىپتىك ءبىلىم العان تۇلعالار دا بالى بەلگىلەنگەن ءوتۋ بالىنان تومەن ەمەس ۇلتتىق بىرىڭعاي تەستىلەۋدىڭ (بۇدان ءارى – ۇبت) نەمەسە كەشەندى تەستىلەۋدىڭ (بۇدان ءارى - كت) سەرتيفيكاتىن ۇسىنادى.
ۇبت مەن كت-عا قاتىسپاعان نەمەسە ءوتۋ بالىن الماعان تۇلعالار بۇيرىق شىققانعا دەيىن كت تاپسىرادى.
كت-عا قاتىسۋ ءۇشىن وتىنىشتەردى قابىلداۋدى جوعارى وقۋ ورىندارىنىڭ قابىلداۋ كوميسسيالارى 5-12 تامىزدا جانە 5-12 قاڭتاردا جۇرگىزەدى.
كەشەندى تەستىلەۋ 20-24 تامىزدا جانە 20-24 قاڭتاردا وتكىزىلەدى.»;
2-تاراۋدىڭ اتاۋى مىناداي رەداكتسيادا جازىلسىن:
«2. ءبىلىم الۋشىلاردى ءبىلىم بەرۋ ۇيىمدارىنىڭ تۇرلەرى بويىنشا اۋىستىرۋ جانە قايتا قابىلداۋ قاعيدالارى.»;
22-تارماق مىناداي رەداكتسيادا جازىلسىن:
«22. ەگەر جوعارى وقۋ ورىندارىنىڭ (بۇدان ءارى – جوو) ءبىلىم الۋشىلارى جەكە وقۋ جوسپارىنا سايكەس مەڭگەرىپ جاتقان باعدارلاماسىنىڭ ءبىرىنشى اكادەميالىق كەزەڭىن تولىق اياقتاسا, ولار وقۋدان شىعارىلعاننان كەيىن اۋىسا الادى نەمەسە قايتا قابىلدانا الادى.
وقۋ اقىسىن تولەمەگەنى ءۇشىن وقۋدان شىعارىلعان اقىلى نەگىزدە وقيتىن ءبىلىم الۋشى قارىزىن وتەگەن جاعدايدا, وقۋدان شىعارىلعان كۇننەن باستاپ ءتورت اپتانىڭ ىشىندە وقۋعا قايتا قابىلدانا الادى.
بۇل رەتتە ءبىلىم الۋشى وقۋدان شىعارىلعان مەرزىمىنە قاراماستان كەز كەلگەن وقىتۋ نىسانىنا, كەز كەلگەن ماماندىققا جانە كەز كەلگەن جوعارى وقۋ ورنىنا اۋىسا نەمەسە قايتا قابىلدانا الادى.»;
24-تارماقتىڭ ەكىنشى بولىگى مىناداي رەداكتسيادا جازىلسىن:
«ءبىلىم الۋ كەزەڭىندە قازاقستان رەسپۋبليكاسىنىڭ قارۋلى كۇشتەرى قاتارىندا اسكەري مىندەتىن وتەۋگە شاقىرىلعان ءبىلىم الۋشىلار ءتيىستى وقۋ كۋرسىنا قايتا قابىلدانادى.»;
25-تارماق مىناداي رەداكتسيادا جازىلسىن:
«25. مەڭگەرىلگەن كرەديتتەردى قايتا ەسەپتەۋ ءبىلىم بەرۋ باعدارلامالارىن, مەڭگەرىلگەن پاندەر تىزبەسىنىڭ مازمۇنىن, ولاردىڭ كولەمىن, الىنعان ءبىلىمدى, بىلىكتى, داعدىلار مەن قۇزىرەتتەردى, سونداي-اق وقىتۋ ناتيجەلەرىن سالىستىرۋ نەگىزىندە جۇرگىزىلەدى.»;
26-تارماق مىناداي رەداكتسيادا جازىلسىن:
«26. وقۋ پاندەرى بويىنشا مەڭگەرىلگەن كرەديتتەردى قايتا تاپسىرۋ كەزىندە قورىتىندى باقىلاۋ نىسانىنداعى ايىرماشىلىق ەسكەرىلمەيدى.
قازاقستان رەسپۋبليكاسى ءبىلىم جانە عىلىم ءمينيسترىنىڭ 2011 جىلعى 20 ساۋىردەگى №152 بۇيرىعىمەن بەكىتىلگەن, نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №6976 بولىپ تىركەلگەن وقىتۋدىڭ كرەديتتىك تەحنولوگياسى بويىنشا وقۋ پروتسەسىن ۇيىمداستىرۋدىڭ قاعيدالارىنا سايكەس سىناق ەڭ تومەنگى D (1,0; 50-54%) جانە ەڭ جوعارعى A (4,0; 95-100%) ارالىعىنداعى دياپازوندا ءتورت بالدىق جۇيە بويىنشا ساندىق ەكۆيۆالەنتكە سايكەس ءبىلىم الۋشىنىڭ وقۋ جەتىستىكتەرىن باعالاۋدىڭ ارىپتىك جۇيەسىنە تەڭەستىرىلەدى.»;
27-تارماق مىناداي رەداكتسيادا جازىلسىن:
«27. ءبىلىم الۋشىلاردى كۋرستان-كۋرسقا اۋىستىرۋ وقۋ جىلىنىڭ قورىتىندىلارى بويىنشا (ارالىق اتتەستاتتاۋ) جازعى سەمەستر ناتيجەلەرىن جانە الىنعان ورتاشا ۇلگەرىم بالدارىن (GPA - Grade Point Average) ەسكەرە وتىرىپ جۇزەگە اسىرىلادى.»;
30-تارماق مىناداي رەداكتسيادا جازىلسىن:
«30. بەلگىلەنگەن اۋىسۋ بالىنا قول جەتكىزگەن جانە كەلەسى كۋرسقا اۋىستىرىلعان ءبىلىم بەرۋ گرانتى نەمەسە مەملەكەتتىك ءبىلىم بەرۋ تاپسىرىسى (بۇدان ءارى – مەملەكەتتىك تاپسىرىس) بويىنشا ءبىلىم الۋشىلار اكادەميالىق قارىزى بار بولعان جاعدايدا ءبىلىم بەرۋ گرانتىن نەمەسە مەملەكەتتىك تاپسىرىس ورنىن ساقتاي وتىرىپ, ونى اقىلى نەگىزدە جويادى.
ءبىلىم بەرۋ گرانتى بويىنشا ءبىلىم الۋشى ءبىر جوعارى وقۋ ورنىنان ەكىنشىسىنە ءبىر كۋرسقا تومەن اقىلى نەگىزدە عانا اۋىسۋى مۇمكىن.»;
35-تارماقتا;
4) تارماقشا مىناداي رەداكتسيادا جازىلسىن:
«4) فاكۋلتەت دەكانى (ينستيتۋت ديرەكتورى), وفيس-تىركەۋشى, اكادەميالىق ماسەلەلەرگە جەتەكشىلىك جاسايتىن بولىمشە باسشىسى, وقۋ ءىسى جونىندەگى پرورەكتور, جوو باسشىسى قويعان بۇرىشتامالارعا سايكەس ءبىلىم الۋشىنى اۋىستىرۋ تۋرالى بۇيرىق شىعارادى.»;
مىناداي مازمۇنداعى 35-1 تارماقپەن تولىقتىرىلسىن:
«35-1. ءبىلىم الۋشىلار قاتارىنا قايتا قابىلداۋ اقىلى نەگىزدە عانا جۇزەگە اسىرىلادى.
قايتا قابىلداۋ ءراسىمىن جوعارى وقۋ ورنى دەربەس انىقتايدى. بۇل رەتتە ءبىلىم الۋشى ءوزىنىڭ وقۋىن جالعاستىرعىسى كەلگەن جوو باسشىسىنىڭ اتىنا قايتا قابىلداۋ تۋرالى ءوتىنىش بەرەدى. قايتا قابىلدانۋ تۋرالى وتىنىشكە انىقتاما (تۇپنۇسقا) قوسا بەرىلەدى.»;
38 جانە 39-تارماقتار مىناداي رەداكتسيادا جازىلسىن:
«38. ءبىلىم الۋشىنى ءبىر جوو-دان ەكىنشىسىنە ءبىلىم بەرۋ گرانتى نەگىزىندە اۋىستىرۋ كەزىندە قابىلداۋشى جوو-نىڭ باسشىسى ءبىلىم الۋشىنى قابىلداۋ تۋرالى بۇيرىقتىڭ كوشىرمەسىن ونىڭ اتىنا جازىلعان ءبىلىم بەرۋ گرانتى كۋالىگىنىڭ كوشىرمەسىمەن بىرگە ءبىلىم بەرۋ سالاسىنداعى ۋاكىلەتتى ورگانعا جانە ءتيىستى بيۋدجەتتىك باعدارلاما اكىمشىسىنە جوو-نىڭ قارجىلاندىرۋ كولەمىن تۇزەتۋ ءۇشىن ۇسىنادى.
39. وقۋ كەزەڭىندە پايدا بولعان اۋرۋ ناتيجەسىندە بەرىلگەن ماماندىقتا وقۋعا تىيىم سالىنعانى تۋرالى دارىگەرلىك-كونسۋلتاتيۆتىك كوميسسيانىڭ قورىتىندىسى بار ءبىلىم بەرۋ گرانتى بويىنشا ءبىلىم الۋشى ءبىر ماماندىقتان ەكىنشىسىنە ءبىلىم بەرۋ تاپسىرىسى بويىنشا بوس ورىنعا اۋىسادى.».
2. جوعارى جانە جوعارى وقۋ ورنىنان كەيىنگى ءبىلىم, حالىقارالىق ىنتىماقتاستىق دەپارتامەنتى (س.م.ومىرباەۆ) زاڭنامادا بەلگىلەنگەن تارتiپپەن:
1) وسى بۇيرىقتىڭ قازاقستان رەسپۋبليكاسى ادiلەت مينيسترلiگiندە مەملەكەتتiك تiركەلۋىن;
2) قازاقستان رەسپۋبليكاسى ادiلەت مينيسترلiگiندە مەملەكەتتىك تىركەۋدەن وتكەننەن كەيىن وسى بۇيرىقتىڭ كوشىرمەسىن كۇنتىزبەلىك ون كۇن ىشىندە مەرزىمدى باسپا باسىلىمدارىنا جانە «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ رەسمي ينتەرنەت-رەسۋرسىندا ورنالاستىرۋدى قامتاماسىز ەتسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ءبىلىم جانە عىلىم ۆيتسە-ءمينيسترى ت.و.بالىقباەۆقا جۇكتەلسىن.
5. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ءبىلىم جانە عىلىم ءمينيسترى ا.ءسارىنجىپوۆ
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 3 قاراشاداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12229 بولىپ ەنگىزىلدى.