جۇلدەلەر جيىنتىعى
(10 تامىزداعى مالىمەت بويىنشا)
№ قۇرامالار التىن كۇمىس قولا بارلىعى 1 اقش 9 8 9 26 2 قىتاي 8 3 6 17 3 ۆەنگريا 4 1 1 6 4 اۆستراليا 4 0 5 9 5 رەسەي 3 6 3 12 6 يتاليا 3 4 2 9 7 كورەيا 3 2 1 6 8 جاپونيا 3 1 10 14 9 فرانتسيا 2 3 1 6 10 تايلاند 2 1 1 4 11 ۇلىبريتانيا 1 3 2 6 12 گەرمانيا 1 2 0 3 12 شۆەتسيا 1 2 0 3 14 برازيليا 1 1 0 2 15 قىتاي تايپەيى 1 0 2 3 16 بەلگيا 1 0 1 2 16 گرەكيا 1 0 1 2 16 نيدەرلاند 1 0 1 2 19 ارگەنتينا 1 0 0 1 19 كولۋمبيا 1 0 0 1 19 حورۆاتيا 1 0 0 1 19 كوسوۆو 1 0 0 1 19 سلوۆەنيا 1 0 0 1 19 ۆەتنام 1 0 0 1 25 يندونەزيا 0 2 0 2 25 جاڭا زەلانديا 0 2 0 2 25 كحدر 0 2 0 2 25 وڭتۇستىك افريكا 0 2 0 2 29 كانادا 0 1 4 5 30 قازاقستان 0 1 3 4 31 ۋكراينا 0 1 1 2 32 ازەربايجان 0 1 0 1 32 دانيا 0 1 0 1 32 مالايزيا 0 1 0 1 32 موڭعوليا 0 1 0 1 32 فيليپپين 0 1 0 1 32 سلوۆاكيا 0 1 0 1 32 تۇركيا 0 1 0 1 39 وزبەكستان 0 0 2 2 40 يسپانيا 0 0 1 1 40 گرۋزيا 0 0 1 1 40 يزرايل 0 0 1 1 40 قىرعىزستان 0 0 1 1 40 پولشا 0 0 1 1 40 پورتۋگاليا 0 0 1 1 40 شۆەيتساريا 0 0 1 1 40 بىرىككەن اراب امىرلىكتەرى 0 0 1 1 ءالىمحان ۇلى مەن لەۆيت – گولوۆكينگە ۇلگى امەريكانىڭ Associated Press اگەنتتىگىنىڭ ءتىلشىسى گرەگ بيچەم قازاقستاندىق بوكسشىلار جانىبەك ءالىمحان ۇلى مەن ۆاسيلي لەۆيتتىڭ ريو رينگىندەگى بۇرناعى كۇنگى شايقاستارىن تالداپ بەردى. «مەن بۇل تۋرالى ۇرىس كەزىندە دە جازعانمىن: ورتا سالماقتاعى قازاقستاندىق جانىبەك ءالىمحان ۇلىنىڭ سوققىلارى سۇمدىق كۇشتى. ول ءوزىنىڭ بريتانيالىق قارسىلاسى ەنتوني فوۋلەردى تالقانداپ تاستادى. تاعى اۋىر سالماقتى ۆاسيلي لەۆيت تە بار. مەن گەننادي گولوۆكيننىڭ وسى جىگىتتەردىڭ وليمپيالىق ويىندارداعى ۇرىستارىن ارنايى قاراپ شىققانى دۇرىس بولار ەدى دەپ ويلايمىن», – دەپ جازدى بيچەم ءوزىنىڭ تۆيتتەرىندە. ايتىلىپ وتىرعان جەكپە-جەكتەردە 75 كگ سالماقتاعى جانىبەك ءالىمحان ۇلى اعىلشىن ەنتوني فوۋلەردى ەكىنشىراۋندتىڭ باسىندا نوكداۋنعا جىبەرگەن ەدى. ال ۆاسيلي لەۆيت (91 كگ) قىتايلىق فەنگكاي يۋمەن ۇرىسىن ءۇشىنشى راۋند باستالماي جاتىپ اياقتادى. ەكى راۋندتان كەيىن ونىڭ قارسىلاسى ايقاستى جالعاستىرۋدان باس تارتتى. مايكل فەلپس – ويىنداردىڭ 21 دۇركىن چەمپيونى امەريكالىق مايكل فەلپس ريو-دە-جانەيرودا 200 مەترگە ەركىن ءجۇزۋ ەستافەتاسىندا ءوزىنىڭ 21-ءشى التىن مەدالىن الىپ, وسىندا ءوزى جاڭارتقان رەكوردقا تاعى دا وزگەرىس ەنگىزدى. ول مۇنىڭ الدىندا ەكى رەت ءوزىنىڭ 2012 جىلى لوندوندا جاساعان رەكوردىنان اسىپ تۇسكەن ەدى. الدىمەن جارىستىڭ ءبىرىنشى كۇنى 4ح100 ەستافەتاسىنا كرول ادىسىمەن قاتىسىپ, كوماندالاستارىمەن بىرگە چەمپيون اتانعان. سودان كەيىن 8 تامىزدا 200 مەترگە باتتەرفلياي ادىسىمەن جۇزۋدە الدىنا جان سالمادى. وسى قاشىقتىقتى فەلپس 1 مينۋت 53,36 سەكۋندتا باعىندىردى. كۇمىس مەدالدى جاپون ماساتو ساكاي الدى. قولا مەدالدىڭ يەگەرى اتاعى ۆەنگر تاماش كەندەراشيگە بۇيىردى. لوندون وليمپياداسى چەمپيونى دوپينگپەن ۇستالدى بۇدان 4 جىل بۇرىن لوندون وليمپياداسىندا چەمپيون اتانعان پولياك اۋىر اتلەتى ادريان زەلينسكي ريودا دوپينگ پايدالانعانى ءۇشىن قولعا ءتۇسىپ قالدى. تەكسەرىس ونىڭ اعزاسىندا ناندرولون بار ەكەنىن انىقتادى. «نە بولعانىن ءوزىم دە تۇسىنبەي تۇرمىن, – دەدى اتلەتتىڭ ءوزى. – قۇددى ءتۇس كورگەن سياقتىمىن. باسقا ايتار ءسوزىم جوق. مەن 10 جىل ءوز ەلىم ءۇشىن جاتتىقتىم, 20 جىلدى جاتتىعۋمەن وتكىزدىم, بىراق ەشقاشان دوپينگ پايدالانعان جوق ەدىم. مىنە, كۇتپەگەن جەردەن مىناداي داقپىرت شىعىپ جاتىر». سپورتشى ريوعا كەلەر الدىندا ءۇش رەت تەكسەرىلگەنىن, بارىندە قورىتىندى دۇرىس بولىپ كەلىپ, وليمپيادا كەزىندە عانا ونىڭ وڭ ناتيجە كورسەتكەنىن اتاپ ءوتتى. زەلينسكي لوندون وليمپياداسىنان كەيىن 2014 جىلى ەۋروپانىڭ دا ۇزدىگى اتانعان بولاتىن. مىسىرلىق قىزدار ۆولەيبولدى حيدجابپەن وينادى وليمپيالىق ويىنداردا مىسىردىڭ جاعاجاي ۆولەيبولى قۇراماسىنىڭ قىزدارى نەمىس قۇربىلارىنان 0:2 ەسەبىمەن ۇتىلىپ قالدى. بىراق باستى ماسەلە مۇندا ەمەس. ول مىسىر بويجەتكەندەرىنىڭ الاڭعا حيدجاب سەكىلدى كيىم كيىپ شىققاندارىندا بولىپ وتىر. قۇرامانىڭ دوا ءال-گوباشي جانە نادا ميۆاد دەپ اتالاتىن ەكى قىزى كەزەكتى ماتچقا يسلام ايەلدەرىنىڭ جاعاجايدا تىنىعۋلارى ءۇشىن ارنايى تىگىلگەن كيىم – بۋركيني كيىپ كەلدى. بالكىم, ولاردىڭ گەرمانيا قىزدارىنان جەڭىلىپ قالۋلارىنا تار شالبارمەن, ۇزىن جەڭدى جەيدەمەن ويناۋدىڭ قولايسىزدىعى دا اسەر ەتكەن شىعار. ولار وسىنداي كيىممەن وليمپيالىق ويىندار سايىستارىنا قاتىسقان مىسىرلىق العاشقى قىزدار بولدى. جۋرناليستەر مىنگەن اۆتوبۋسقا وق اتىلدى ريو-دە-جانەيرودا سالونىندا جۋرناليستەر وتىرعان اۆتوبۋسقا الدەكىمدەر شابۋىل جاساعان. كورگەندەردىڭ ايتۋلارىنشا, وليمپيالىق نىسانداردى ارالاپ كەلە جاتقان كولىككە قاراي ەكى رەت وق اتىلعان. سول كەزدە بۇقارالىق اۆتوبۋس باسكەتبول زالىنان ەندى شىعىپ كەلە جاتقان. ناتيجەسىندە سىنعان تەرەزە اينەكتەرىنىڭ سىنىقتارى تيگەن ەكى ادام جاراقات العان. «بىزگە قاراي وق اتىلدى. ءبىز تاپانشادان اتىلعان وقتىڭ داۋسىن ەستىدىك», دەدى بۇرىن اسكەري-تەڭىز كۇشتەرى ارمياسىندا كاپيتان بولعان امەريكالىق جۋرناليست لي ميكاەلسون. دامير قوجامقۇل كىتاپحاناشىلار ءۇن قوستى اقتوبە وبلىستىق ن.بايعانين اتىنداعى بالالار كىتاپحاناسىنىڭ كىتاپحاناشىلارى «ريو-2016» وليمپياداسىنا قاتىسۋشىلارعا ءوز تىلەكتەرىن ءبىلدىردى. قاشاندا ەل ماقتانىشتارىن وزگەلەرگە ناسيحاتتاۋدا ۇلكەن شارۋا اتقارىپ جۇرەتىن كىتاپحاناشىلار بۇل جولى دا قاراپ قالعان جوق. مەكتەپ وقۋشىلارى جازعى دەمالىستا بولعاندىقتان, بالالاردى جيناپ, ءىس-شارا وتكىزۋ وڭاي ەمەس. سوعان قاراماستان, وبلىستىق بالالار كىتاپحاناسىنىڭ كىتاپحاناشىلارى جۋرنال-كروسسينگ ۇيىمداستىرىپ, ساياباقتا كەشكىلىك دەمالىپ وتىرعان قالا تۇرعىندارى مەن قوناقتارعا سپورتشىلارىمىز تۋرالى مالىمەتتەر مەن ولار تۋرالى جازىلعان باسىلىمدار تاراتتى. كوزى ناشار كورەتىن قارتتارعا وليمپياداعا قاتىسۋشى جاستار تۋرالى جازىلعان مالىمەتتەر مەن اقپاراتتاردى وقىپ بەردى. ولار, سونداي-اق, «ريو-2016» وليمپياداسىنا قاتىسۋشىلارعا جالىندى سالەم جولدادى. «ريو-2016 وليمپياداسىنا قاتىسۋشىلارعا سالەم!» دەپ جازىلعان پلاكاتتى الىپ, ساياباقتار مەن قالا تۇرعىندارى ءجيى جۇرەتىن كوشەلەردى ارالادى. – بۇگىندە انالارىمىز تاقىمىن قىسىپ, اكەلەرىمىز نامىسىن قايراپ وتىرعان شىعار. ۇلت ابىرويىن قورعايتىن ءاربىر قازاق سپورتشىسى ءۇشىن ءبارىمىز دە جاۋاپتى ەكەنىمىزدى سەزىنۋىمىز كەرەك. سول سەبەپتى ءبىزدىڭ ۇجىم كىتاپحاناعا كەلگەن ءاربىر وقىرمانعا, كوشەدەگى قاراپايىم حالىققا سپورتشىلارىمىز ءۇشىن جانكۇيەر بولۋدىڭ ماڭىزى تۋرالى ۇنەمى ايتىپ وتىرادى, – دەيدى كىتاپحانا ديرەكتورى گۇلجاينار قالدينا. جاز مەزگىلىن كىتاپحاناشىلار تولىق قازاق سپورتىنا ارناپ وتىر. ولار وليمپيادا باستالعانشا لاگەرلەر مەن بالاباقشالاردا, سپورت مەكتەپتەرى مەن ۇيىرمەلەردە بالالار اراسىندا سپورتتىق جارىستار وتكىزىپ كەلدى. جەڭىمپاز بولعان بالالاردىڭ كەۋدەسىنە مەدال تاعىپ, بولاشاقتا مىقتى سپورتشى بولۋعا ۇندەدى. اينۇر نەرميەۆا اقتوبە