قازاقستاندىق اسا اۋىر سالماقتاعى بوكسشى يۆان دىچكونىڭ 1/8 فينالداعى قارسىلاسى بەلگىلى بولدى. ول ازەربايجاندىق ماگومەدراسۋل مەدجيدوۆپەن كەزدەسەدى.
بۇل جەكپە-جەك استانا ۋاقىتىمەن ساعات 4.45-تە باستالادى. مەدجيدوۆ وليمپيادادا ءبىر كەزدەسۋىن وتكىزدى. ول 1/16 فينالدا ماروككولىق مۇحاممەد ءاردجاۋيدى جەڭگەن. ال دىچكو جەرەبە بويىنشا جارىستى 1/8 فينالدان باستايدى. بۇعان دەيىن ەكەۋى ەكى رەت كەزدەسكەن بولاتىن. بىرىنشىسىندە 2011 جىلى باكۋدە وتكەن الەم چەمپيوناتىندا مەدجيدوۆ جارتىلاي فينالدا جەڭگەن. ەكىنشىسىندە 2013 جىلى الماتىدا وتكەن الەم چەمپيوناتى فينالىندا دىچكو نوكۋاتقا ءتۇسىپ قالعان. سول كەزدە ازەربايجاندىق بوكسشى دىچكونى نوۋاكتقا جىبەرىپ, جەڭگەن ەدى.
بۇل جىگىتتىڭ سوققىلارى جامان. شارشى الاڭدا ونىڭ سوققىلارىنىڭ «ءدامىن» تاتقان بوكسشىلاردىڭ ايتۋىنشا, نوكاۋتتان كەيىن ادام بىردەن ەسەڭگىرەپ, جاتقان جەرىنەن تۇرا الماۋى دا مۇمكىن. وتانداسىمىز وسىنىڭ ءبارىن جاقسى بىلەدى. ول ەسە قايتاراتىن كەزدىڭ كەلگەنىن دە تۇسىنەدى.
داستان كەنجالين
فوتو: kfb.kz