[caption id="attachment_54598" align="aligncenter" width="560"] inform.kz[/caption]
وڭتۇستىك قازاقستان وبلىسىنداعى «مۇناي» جشس مۇناي بازاسىندا بەنزين قۇيىلعان تسيستەرنالار مەن سورعى ستانتسياسى ورتەندى.
Bnews.kz-ءتىڭ مالىمەتىنشە, وقيعا ورنىنا جەتكەن ءورت سوندىرۋشىلەر جالىننىڭ كورشىلەس رەزەرۆۋارلارعا تارالۋىنا جول بەرمەس ءۇشىن كوبىك شاشقان.
«وقو-داعى «مۇناي» جشس مۇناي بازاسىندا وتقا ورانعان بەنزين تولى 12 تسيستەرنا مەن سورعى ستانتسياسىن ءسوندىرۋ جۇمىستارى ءجۇرىپ جاتىر. 100-گە تارتا ءورت ءسوندىرۋشى مەن 20-دان اسا تەحنيكا جۇمىلدىرىلعان. 11:57-گە قاراي وقيعا ورنىنا ءورت ءسوندىرۋ پويىزى اتتاندى. ءورت سوندىرۋشىلەر ءتىلسىز جاۋدى اۋىزدىقتاۋ ءۇشىن كوبىك شاشىپ جاتىر», – دەپ مالىمدەدى ىشكى ىستەر مينيسترلىگى توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ.
توتەنشە جاعدايلار كوميتەتىنىڭ وكىلى قازىرگى ۋاقىتتا ەكى تسيستەرنانىڭ سوندىرىلگەنىن حابارلادى.
[caption id="attachment_54602" align="aligncenter" width="560"] inform.kz[/caption]
ايدار ورىسباەۆ