قازاقستان پرەزيدەنتى تۇركيادا قارۋلى ءتوڭكەرىس جاساۋ ارەكەتى بولۋىنا بايلانىستى پرەزيدەنت رەجەپ تايپ ەردوعانعا جەدەلحات جولدادى, دەپ حابارلادى پرەزيدەنتتىڭ ءباسپاسوز قىزمەتى.
جەدەلحاتتا ەلباسىنىڭ جەكەلەگەن تەرىس پيعىلدى كۇشتەردىڭ تۇركيادا قارۋلى توڭكەرىس جاساۋ ارەكەتى تۋرالى حاباردى ۇلكەن الاڭداۋشىلىقپەن قابىلداعانى اتاپ وتىلگەن.
«قايعىلى وقيعا سالدارىنان بارلىق قازا بولعاندار مەن زارداپ شەككەندەر وتباسىلارىنىڭ قايعىسىنا ورتاقتاسا وتىرىپ, كوڭىل ايتامىز. باۋىرلاس تۇرىك حالقىن بىرلىككە جانە بولعان وقيعاعا قاتىستى توزىمدىلىك تانىتۋعا شاقىرامىز. جاعدايدىڭ تەزىرەك رەتكە كەلەتىنىنە سەنىمدىمىز. تۇرىك حالقى مەملەكەتتىڭ دەموكراتيالىق جولمەن سايلانعان قازىرگى باسشىلىعىمەن بىرگە بارلىق سىن-قاتەرلەرگە توتەپ بەرىپ, دەموكراتيا جانە وركەندەۋ جولىنداعى تۇراقتى دامۋىن جالعاستىراتىنىنا ەش كۇمان كەلتىرمەيمىز», – دەلىنگەن جەدەلحاتتا.
نۇرسۇلتان نازارباەۆ بارشا قازاقستان حالقىنىڭ جانە جەكە ءوزىنىڭ اتىنان ر.ەردوعانعا تىلەكتەستىگىن ءبىلدىرىپ, دوستاس ەلدەردىڭ جارقىن بولاشاعىنا سەنىمدىلىگىن جەتكىزدى.
ايدار ورىسباەۆ