[caption id="attachment_51857" align="aligncenter" width="560"] فوتو: novinite.ru[/caption]
يراكتىڭ باتىسىنداعى ءار-رۋتبا قالاسىندا لاڭكەستەردىڭ شابۋىلىنان 25 اسكەري قىزمەتكەر قازا تاپتى. ولاردىڭ ءبارى قاۋىپسىزدىك كۇشتەرىنىڭ قىزمەتكەرلەرى. rg.ru سايتىنىڭ اقپارىنا سايكەس, جانكەشتىلەر جارىلعىش زات ورناتىلعان ەكى كولىكتى جارعان.
ال قالا مەرى ۇكىمەت اسكەرىنىڭ «يراك پەن لەۆانت لاڭكەستىك توبىنىڭ» ارەكەتىنە تويتارىس بەرگەنىن مالىمدەدى.
ايتا كەتەيىك, يراك قارۋلى كۇشتەر مەن فەدەرالدى پوليتسياسى حالىقارالىق كواليتسيا مەن ەرىكتى-جاساقشىلاردىڭ كومەگىمەن سوڭعى بىرنەشە ايدا انبار پروۆينتسياسىندا بىرقاتار ەلدى مەكەندەردى ەكسترەميستىك ۇيىمداردان ازات ەتكەن بولاتىن. ولاردىڭ اراسىندا ءار-رۋتبانىڭ اكىمشىلىك ورتالىعى رامادي مەن سودىرلاردىڭ نەگىزگى شوعىرلانعان جەرى ءال-فاللۋدجا قالالارى بار.
وسىعان بايلانىستى اتالعان لاڭكەستىك توپ ەل استاناسى باعداد قالاسىندا بىرنەشە جارىلىس ۇيىمداستىرىپ, سالدارىنان ەكى جۇزگە جۋىق بەيبىت حالىق قازا تاپقان. سونىمەن قاتار, جۇزدەن استامى ءتۇرلى دەڭگەيدە جاراقات العان.
ايان ءابدۋالي