[caption id="attachment_51817" align="aligncenter" width="560"] فوتو: denver.craigslist.org[/caption]
اقش-تىڭ كولورادو شتاتىندا دجەيمس دجونسون ەسىمدى ازامات كەبين-كريك قالاشىعىن 350 مىڭ دوللارعا ساتپاقشى. denver.craigslist.org سايتىنىڭ مالىمەتى بويىنشا, بۇل قاراجاتقا ول ساياحاتتاپ قايتۋدى جوسپارلاپ وتىر.
وسىدان بىرنەشە جىل بۇرىن بۇل مەكەندى ساتىپ الۋعا ەشكىمنىڭ باتىلى بارماپتى. دەگەنمەن, دجەيمس دجونسوننىڭ ايتۋىنشا, سول كەزدەرى كوپشىلىك قىزىعاتىن ورىنداردىڭ ءبىرى بولعان ەكەن. جۇبايى ەكەۋى كاسىپتەرىن جۇرگىزىپتى. ال قازىر ولار بايەرس قالاشىعىندا تۇرىپ جاتىر.
[caption id="attachment_51818" align="aligncenter" width="560"] فوتو: denver.craigslist.org[/caption]
1970-جىلدارى كەبين-كريكتە جايسىز وقيعا بولعان ەكەن. كىسى ءولىمى بولعاننان كەيىن ەلەس-قالا دەپ اتالىپ كەتىپتى.
[caption id="attachment_51819" align="aligncenter" width="560"] فوتو: denver.craigslist.org[/caption]
«العاشىندا تۋريستىك ورتالىق اشپاق ەدىك. وقىس وقيعادان سوڭ كەبين-كريككە كەلۋشىلەردىڭ قاتارى كۇرت ازايدى. ۋاقىت وتە كەلە شاعىن عيماراتتار قاڭىراپ بوس قالدى. بىرنەشە جىلدان بەرى ايتارلىقتاي وزگەرىس بولعان ەمەس», – دەدى دجەيمس دجونسون.
[caption id="attachment_51820" align="aligncenter" width="560"] فوتو: denver.craigslist.org[/caption]
كەبين-كريكتىڭ جالپى اۋدانى 20 مىڭ شارشى مەتردى قۇرايدى. قالاشىقتا ەسكى اۆتوسەرۆيس, 8 بولمەلى قوناق ءۇي, 8 ورىندىق اۆتوتۇراق, ەكى ۇيشىك, ءدامحانا بار.
ايتا كەتەيىك, وسىعان دەيىن اقش-تىڭ وڭتۇستىك داكوتا شتاتىندا وسىعان ۇقساس سۋەتت قالاشىعى 250 مىڭ دوللارعا ساۋداعا قويىلعان. ال 2012 جىلى بۋفورد قالاشىعى 900 مىڭ دوللارعا ساتىلعان بولاتىن.
ايان ءابدۋالي