الماتىدا لاڭكەستىك قاۋىپتىلىكتىڭ «قىزىل» دەڭگەيى بەلگىلەندى

[caption id="attachment_51810" align="aligncenter" width="560"] فوتو: otyrar.kz[/caption] inform.kz-ءتىڭ حابارلاۋىنشا, بۇگىن, استانا ۋاقىتىمەن ساعات 12:20-دا قالا اۋماعىندا تەرروريستىك قاۋىپتىلىكتىڭ «قىزىل» دەڭگەيى بەلگىلەندى. «وسىعان بايلانىستى, قالا تۇرعىندارى مەن قوناقتارىن اتالعان دەڭگەيدە قاراستىرىلعان تالاپتاردى ساقتاۋعا شاقىرامىز», – دەلىنگەن حابارلامادا. ايتا كەتەيىك, «قىزىل» دەڭگەيلى قاۋىپ ورناعان كەزدە جەكە زاتتارى مەن ترانسپورت قۇرالدارىن تەكسەرۋگە جانە قوزعالىستى ۋاقىتشا شەكتەۋگە نەمەسە توقتاتۋعا مۇمكىندىك بەرەدى. سونىمەن قاتار, ەش كەدەرگىسىز تۇرعىن ۇيلەرگە جانە باسقا دا عيماراتتارعا كىرە بەرۋگە رۇقسات بار. تەلەكوممۋنيكاتسيالىق جۇيە كانالدارى ارقىلى بەرىلەتىن اقپارات پەن كەلىسسوزدەردى باقىلاۋ ءتارىزدى شارالار دا قابىلدانادى. بارلىق ارنايى قىزمەتتىڭ اسكەري دايىندىعى كۇشەيتىلىپ, اۋەجايلاردى, تەڭىز پورتتارىن, مەتروپوليتەن نىساندارىن, تەمىر جولداردى, اۆتوبەكەتتەردى ارنايى قۇرالدارمەن تەكسەرۋ كەزىندەگى رەجىمدەردىڭ قاتاڭداتىلۋى ءتارىزدى شارالار جۇرگىزىلەدى. ايان ءابدۋالي