[caption id="attachment_51759" align="aligncenter" width="560"] فوتو: aif.ru[/caption]
قىتايدىڭ وڭتۇستىگىندەگى فۋتسزيان پروۆينتسياسىندا «نەپارتاك» داۋىلىنان وپات بولعاندار سانى 83 ادامعا جەتتى. ريا «نوۆوستي» اقپارات اگەنتتىگىنىڭ حابارلاۋىنشا, 19 ادام ءىز-ءتۇزسىز جوعالىپ كەتكەن. قازا تاپقانداردىڭ باسىم كوپشىلىگى مينتسين ۋەزدىنىڭ تۇرعىندارى. مالىمەتتەرگە سايكەس, بۇل ماڭايدا 73 تۇرعىن وپات بولعان.
جويقىن داۋىل سالدارىنان 650 مىڭنان استام تۇرعىن زارداپ شەككەن. قازىرگى تاڭدا 500 مىڭى قاۋىپسىز ايماققا كوشىرىلدى. تابيعات اپاتىنان بارلىعى 900 ميلليون يۋان (135 ميلليون دوللاردان استام) شىعىن كەلگەن.
وسىعان دەيىن 69 ادامنىڭ قازا تاپقانى حابارلانعان بولاتىن. تاسس اقپارات اگەنتتىگىنىڭ اقپارى بويىنشا, 10 مىڭعا جۋىق تۇرعىن ءۇي قيراپ قالسا, 20 مىڭ گەكتار ەگىن القابىن سۋ شايىپ كەتكەن. سونىمەن قاتار, جەرگىلىكتى بيلىك 233 كاسىپورىننىڭ جۇمىسىن ۋاقىتشا توقتاتتى.
ايان ءابدۋالي