[caption id="attachment_50677" align="aligncenter" width="560"] فوتو: vk.com[/caption]
ەۋروپا چەمپيوناتىنىڭ فينالىندا سىنعا تۇسكەن پورتۋگاليا مەن فرانتسيا قۇرامالارى سەن-دەني قالاسىندا كەزدەستى.
پورتۋگاليا – فرانتسيا 1:0 (0:0, 0:0, 0:0)
ستاديون: «ستاد-دە-فرانس».
تورەشى: مارك كلاتتەنبۋرگ.
پورتۋگاليا: رۋي پاتريسيۋ, سەدريك, پەپە, جوزە فونتە, رافاەل گەررەيرۋ, ۆيليام كارۆاليۋ, ادريەن سيلۆا (جواۋ موۋتينيۋ 66), رەناتۋ سانشەش (ەدەر 79), جواۋ ماريۋ, لۋيش ناني, كريشتيانۋ رونالدۋ (ريكاردۋ كۋارەجما 25).
فرانتسيا: ۋگو لوريس, باكاري سانيا, لوران كوسەلني, ساميۋەل ۋمتيتي, پاتريس ەۆرا, بلەز ماتيۋيدي, پول پوگبا, مۋسسا سيسسوكو (انتوني مارسيال 110), ديميتري پايە (كينگسلي كومان 58), انتۋان گريزمانن, وليۆە جيرۋ (اندرە-پەر-جينياك 78).
گول: ەدەر 109.
ەسكەرتۋ العاندار: سەدريك 34, جواۋ ماريۋ 62, رافاەل گەررەيرۋ 95, ريكاردۋ كارۆاليۋ 98 جوزە فونتە 119 رۋي پاتريسيۋ 120 – ساميۋەل يۋمتيتي 80, بلەز ماتيۋيدي 97, لوران كوسەلني 107, پول پوگبا 115.
ءدۇبىرلى دودانىنىڭ توپتىق كەزەڭىندە بارلىق ءۇش ويىنىن تەڭ اياقتاعان پورتۋگاليا قۇراماسىن چەمپيون اتانادى دەپ پورتۋگالداردان باسقا ەشكىم ويلاماعان بولسا كەرەك. فينالدىق كەزدەسۋگە دەيىن سىلبىر ونەر كورسەتكەن پورتۋگالدار ەۋروپا چەمپيوناتىنىڭ باستى فاۆوريت كومانداسىن جەڭىپ, العاشقى كۋبوكتارىنا قول جەتكىزدى.
[caption id="attachment_50680" align="aligncenter" width="560"] فوتو: vk.com[/caption]
كەزدەسۋ پورتۋگالدار ءۇشىن اسا ءساتتى باستالا قويمادى. فرانتسۋزداردىڭ ويىن باستالا سالا قاۋىپتى شابۋىلدارىنا تەك قاقپاشى رۋي پاتريسيۋ عانا قارسى تۇرا الدى. ال كوماندانىڭ ءۇمىت ارتىپ وتىرعان باستى جۇلدىزى كريشتيانۋ رونالدۋ ديميتري پايمەن دوپقا تالاس كەزىندە جاراقات الىپ, 25-مينۋتتا الاڭنان شىعىپ كەتكەنى اۋىر سوققى بولىپ ءتيدى. دەگەنمەن, فەرناندۋ سانتۋش شاكىرتتەرى جۇمىلعان جۇدىرىقتاي قارسىلاستارىنىڭ پارمەنىنە لايىقتى تۇردە توسقاۋىل بولا ءبىلدى. انتۋان گريزمانن, مۋسسا سيسسوكو سىندى دارىندى فۋتبولشىلاردىڭ بىرقاتار قاۋىپتى سوققىلارىن دەر كەزىندە قايتارىپ ۇلگەردى.
[caption id="attachment_50681" align="aligncenter" width="560"] فوتو: ua-football.com[/caption]
ويىننىڭ نەگىزگى 90 مينۋتى اياقتالعاننان كەيىن ەرەجە بويىنشا, 15 مينۋتتان تۇراتىن 2 تايمدىق ەكسترا-تايم بەرىلدى. 109-مينۋتتا الاڭعا رەناتۋ سانشەشتىڭ ورنىنا شىققان ەدەر قارسىلاسى لوران كوسەلنيدەن ايلاسىن اسىرىپ بارىپ, 25-30 مەتر جەردەن تۋرا كوزدەپ سوققى جاساپ ەدى, ۋگو ءلوريستىڭ قاقپاسىنان ءبىر-اق شىقتى. فرانتسۋزدار وسىدان سوڭ بارىن سالىپ ەسەپتى تەڭەستىرمەك بولعان, الايدا پورتۋگالداردىڭ قورعانىسىنان وتە المادى.
[caption id="attachment_50683" align="aligncenter" width="560"] فوتو: vk.com[/caption]
ال قورعانىستا وتە ساۋاتتى ويناعان پەپە فينالدىق كەزدەسۋدىڭ ۇزدىك ويىنشىسى اتاندى.
ايان ءابدۋالي