رەسەيدىڭ تاۋلى التاي رەسپۋبليكاسىنداعى التاي مەملەكەتتىك ۋنيۆەرسيتەتىنىڭ قابىلداۋ كوميسسياسىنا اتى-ءجونى تولىق رەسەي پرەزيدەنتىمەن اداس بولىپ كەلەتىن ۆلاديمير ۆلاديميروۆيچ پۋتين دەگەن تالاپكەر جالپى كوممۋنيكاتسيا, فيلولوگيا جانە ساياساتتانۋ فاكۋلتەتىندەگى فيلولوگيا جانە جۋرناليستيكا ماماندىعىنا باعىتتالعان قۇجات تاپسىردى.
altapress.ru اگەنتتىگىنىڭ اقپارىنشا, قازىر ابيتۋريەنت ۆلاديمير پۋتين تالاپكەر-فيلولوگتار رەيتينىگىسىندە – توعىزىنشى, ال جۋرناليستەر اراسىندا ون سەگىزىنشى قاتاردى الىپ تۇر.
التاي مەملەكەتتىك ۋنيۆەرسيتەتى باكالاۆرياتقا قۇجات قابىلداۋدى 26 شىلدەگە دەيىن جالعاستىرادى. وقۋعا قابىلدانۋ ءۇشىن توپ وسى مەرزىم ارالىعىندا اتتەستاتتىڭ تۇپنۇسقاسى تاپسىرىلۋى ءتيىس. ازىرگە تالاپكەر پۋتين ورتا ءبىلىمى تۋرالى اتتەستاتتىڭ كوشىرمەسىن عانا وتكىزىپ وتىر ەكەن. ورىس تىلىنەن جوعارى 93 بالل الۋىنا قاراعاندا, ۆلاديمير ءۆلاديميروۆيچتىڭ المۋ-دىڭ ستۋدەنتى اتانۋعا تولىق مۇمكىندىگى بار سياقتى.
مۇرات ايتقوجا.