الماتى-قاراعاندى تراسساسىنىڭ قاراعاندى وبلىسى اۋماعىنداعى بولىگىندە جول-كولىك وقيعاسى ورىن الىپ, التى ادام, سونىڭ ىشىندە ەكى بالا قازا تاپتى.
قاراعاندى وبلىستىق ىشكى ىستەر دەپارتامەنتىنىڭ ءباسپاسوز حاتشىسى باقىتجان قۇدياروۆتىڭ ايتۋىنشا, قايعىلى وقيعا 9 شىلدە كۇنى گۇلشات كەنتىنەن 20 شاقىرىم جەردە ساعات 11:15-تە بولعان.
«الدىن الا مالىمەت بويىنشا, الماتىدان استاناعا قاراي كەلە جاتقان «لەكسۋس» ءاۆتوموبيلى ارتقى دوڭعالاعىنىڭ جارىلىپ كەتۋىنە بايلانىستى اۋدارىلىپ قالعان. قاتتى كەلە جاتقان كولىكتىڭ تىزگىنىنە جۇرگىزۋشى يە بولا الماعان. جول-كولىك وقيعاسى ناتيجەسىندە جۇرگىزۋشى مەن ونىڭ بەس جولاۋشىلىسى تۇگەل وقيعا ورنىندا قازا تاپقان. ولاردىڭ اراسىندا كامەلەتكە جەتپەگەن ەكى بالا بار», - دەدى قۇدياروۆ.
قازىر بولعان وقيعا بويىنشا ساراپتاما تاعايىندالدى. تەكسەرۋ ءجۇرىپ جاتىر. ول كولىك جۇرگىزۋشىنىڭ جولدا ءجۇرۋ ەرەجەسىن بۇزۋى رەتىندە قاراستىرىلۋدا.
قايرات ءابىلدينوۆ.