[caption id="attachment_50590" align="aligncenter" width="560"] فوتو: ria.ru[/caption]
يراكتاعى ەكسترەميستىك شابۋىلعا بايلانىستى سالاح-ەد-دين پروۆينتسياسىندا 3 كۇندىك ازا تۇتۋ كۇنى بولىپ جاريالاندى. بەيسەنبىدەن جۇماعا قاراعان ءتۇنى ايماقتاعى بالاد قالاسىنا بىرنەشە شابۋىل جاسالعان بولاتىن.
ريا «نوۆوستي» اقپارات اگەنتتىگىنىڭ حابارلاۋىنشا, جانكەشتىنىڭ ءبىرى شيىتتەردىڭ قاسيەتتى ورنى سانالاتىن جەردە ءوزىن جارىپ جىبەرگەن. ارتىنشا, لاڭكەستەر باسا-كوكتەپ كىرىپ, بەي-بەرەكەت وت جاۋدىرىپتى. سونىمەن قاتار, ءتارتىپ ساقشىلارى جارىلىس ۇيىمداستىرماق بولعانداردىڭ بىرەۋىن دەر كەزىندە قولعا ءتۇسىرىپ ۇلگەرگەن.
سول سياقتى, بۇل ماڭايدى زىمىرانمەن اتقىلاعان. قاندى شابۋىلداردى «يراك پەن لەۆانت لاڭكەستىك توبى» ءوز موينىنا الدى. سوڭعى مالىمەت بويىنشا, قازا تاپقانداردىڭ سانى 40 ادامعا جەتكەن. تاعى 75 تۇرعىننىڭ جارالانعانى انىقتالدى.
ايتا كەتەيىك, وسىدان بىرنەشە كۇن بۇرىن باعداد قالاسىندا سودىرلاردىڭ ارەكەتىنەن 200-گە جۋىق بەيبىت تۇرعىن قازا تاۋىپ, جۇزدەن استامى زارداپ شەككەن. بيلىك وسىعان بايلانىستى ءۇش كۇندىك ازا تۇتۋ كۇنىن جاريالاعان بولاتىن.
ايان ءابدۋالي