وعان 5 مىڭعا جۋىق قازاقستاندىق تارتىلدى
قازاقستاندا كوكتەمگى اسكەرگە شاقىرۋ ناۋقانى اياقتالدى. قازىردىڭ وزىندە قازاقستان قارۋلى كۇشتەرىنىڭ ۇقك شەكارا قىزمەتىنە, مەملەكەتتىك كۇزەت قىزمەتىنە اسكەرگە الۋ اياقتالدى, ال ىشكى ىستەر مينيسترلىگىنىڭ ۇلتتىق ۇلانىنىڭ قاتارىن تولىقتىرۋ ءالى دە جالعاسۋدا.
18 بەن 27 جاس ارالىعىنداعى اسكەرگە شاقىرۋعا جاتاتىن جاستاردىڭ جالپى سانىنىڭ 5 000-عا جۋىعى قازاقستان قارۋلى كۇشتەرىندە اسكەري قىزمەت وتكەرۋگە جىبەرىلدى. «وڭتۇستىك» وڭىرلىك قولباسشىلىعىنىڭ اسكەرلەرىنە 900-گە جۋىق, «شىعىس» وڭىرلىك قولباسشىلىعىنا – 500-دەن اسا, ال «باتىس» وڭىرلىك قولباسشىلىعىنا – 500-دەن اسا, سونداي-اق, «استانا» وڭىرلىك قولباسشىلىعىنا 30-عا جۋىق جاس قىزمەت وتەۋگە جىبەرىلدى. اەروۇتقىر اسكەرلەرىنە 900-دەن استام, ال وقۋ-جاتتىعۋ ورتالىقتارىنا 800-دەن اسا ادام جىبەرىلدى. اۋە قورعانىسى كۇشتەرىنىڭ اسكەرلەر ساپى 900-دەن اسا اداممەن تولىقتى.
ولاردىڭ ىشىندە جوعارى ءبىلىمىمەن اسكەرگە الىنعاندار سانى 20 ادام, ارناۋلى-ورتا ماماندىق يەسى – 3 000-نان اسا, ورتا ءبىلىمى بار – 2 000-عا جۋىق ادام.
بۇگىنگى كۇنگە دەيىن قارۋلى كۇشتەردىڭ قاتارىنا اسكەرگە شاقىرىلعانداردىڭ بارلىعى وتان الدىنداعى بورىشىن وتەيتىن جەرلەرگە جىبەرىلدى. جاس تولىقتىرۋلاردى جونەلتۋ الدىندا داستۇرگە سايكەس شىعارىپ سالۋلار ۇيىمداستىرىلدى, ال ولاردى مەرزىمدى قىزمەت بارىسىندا اسكەري ءىستىڭ قىر-سىرى مەن جاڭا جاعدايلارعا بەيىمدەۋگە كومەكتەسەتىن كومانديرلەرى, وفيتسەرلەر قارسى الدى.
العاشقى اسكەري دايارلىق باعدارلاماسى اياقتالىسىمەن جاستار اسكەري انت قابىلداپ, سودان كەيىن اسكەري قىزمەتتى اتقارۋ ءۇشىن ءتيىستى لاۋازىمدارعا تاعايىندالادى.
ەستەرىڭىزگە سالا كەتسەك, قازاقستاندا 2016 جىلى كوكتەمدە مەرزىمدى اسكەري قىزمەتكە 14 مىڭ قازاقستاندىقتى شاقىرۋ جوسپارلانعان.
«ەگەمەن-اقپارات»