استانا. 7 ماۋسىم. تۇركيانىڭ ىستانبۇل قالاسىندا جارىلىس بولدى. سالدارىنان 11 ادام قازا تاۋىپ, 36 تۇرعىن زارداپ شەكتى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
«لاڭكەستىك ارەكەتتەن 7 پوليتسيا قىزمەتكەرى, 4 بەيبىت تۇرعىن قازا تاپتى. سونىمەن قاتار, 36 ادام ءتۇرلى دەڭگەيدە جاراقات الدى. دارىگەرلەردىڭ ايتۋىنشا, ۇشەۋىنىڭ جاعدايى تىم اۋىر. ايالداما جانىنداعى جارىلعىش زات ورناتىلعان كولىك جارىلدى», – دەيدى قالا باسشىسى ۆاسيپ شاحين.
ايتا كەتەيىك, وقىس وقيعا ىستانبۇل قالاسىنىڭ ورتالىعىنداعى بەيازىت اۋدانىندا ورىن الدى. جارىلىس اسكەري قىزمەتكەرلەر مىنگەن كولىك ءوتىپ بارا جاتقان ساتتە بولعان. قازىرگى تاڭدا بۇل جەر قورشاۋعا الىنىپ, كولىك قوزعالىسى توقتاتىلدى.
ايان ءابدۋالي.
دەرەك, فوتو: ريا «نوۆوستي».