جارالى ءپىل ادامدارعا كەلىپ جاردەم سۇرادى

زيمبابۆەدە براكونەرلەر اتىپ, جارالاعان ءپىل اراشا سۇراپ, ادامداردىڭ اراسىنا ءوزى كەلگەن. وقيعا ەلدىڭ Bumi Hills Safari Lodge سافاري-پاركى اۋماعىندا ورىن العان. سوندا جايىلىپ جۇرگەن پىلگە مىلتىق اسىنعان بىرەۋلەر كەلىپ, وق جاۋدىرعان. سونىڭ ءبىرى قارنىنا قادالعان كەزدە جانۋار شىرقىراي قاشىپ, جاقىن ماڭداعى ەلدى مەكەنگە جەتكەن. باستاپقىدا ەلىرىپ كەلگەن ءپىلدى كورگەندە, جەرگىلىكتى تۇرعىندار مەن تۋريستەر ازداپ قورقىپ كەتكەن كورىنەدى. بىراق الىپ اڭنىڭ ىشىنەن قان سورعالاپ تۇرعانىن بايقاعان سوڭ ماسەلەنىڭ ءمانىسىن تۇسىنە قويعان. سول جەردە ءبارى جابىلىپ, ءپىلدى جەرگە جىعىپ, ونىڭ جارا­قاتىن قاراعان. ۆەتە­رينارلىق دارىگەر جانۋار­دىڭ ىشىندە تۇرىپ قالعان وقتى سۋىرىپ الىپ, ورنىن تازالاپ, تاڭىپ قوي­عان. بۇدان باسقا, قۇلاقتان دا وق الىنعان. وسىدان كەيىن مامان­دار ءپىلدىڭ جۇرگەن جەرلەرىن ۇدايى باقىلاۋدا ۇستاپ تۇرۋ ءۇشىن ونىڭ دەنەسىنە پەرەداتچيك ورناتىپ, قايتادان ءوزىنىڭ پاركىنە جىبەرگەن. مۇرات ايتقوجا