قوستانايدا «مەنىڭ اكەم – ەڭ جاقسى اكە» اتتى بالالار بايقاۋى ءوتتى. وسى تاقىرىپقا شىعارما جازعان بالالار كۇشتى, مىقتى, قامقور, مەيىرىمدى اكەسى تۋرالى ءاڭگىمەلەيدى. ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتى پسيحولوگيا جانە پەداگوگيكا كافەدراسىنىڭ مەڭگەرۋشىسى, وسى بايقاۋدى ۇيىمداستىرۋشىلاردىڭ ءبىرى ليليا ساركيسياننىڭ 82 شىعارمانى وقىپ شىعۋىنا تۋرا كەلدى.
وبلىس ورتالىعىنداعى №21 مەكتەپتىڭ 3 سىنىپ وقۋشىسى رۋسلان ساعىمباەۆ ءبىرىنشى ورىندى يەلەندى. رۋسلان پاپاسىمەن ىلعي بىرگە جۇرەتىنىن, ۇلداردىڭ قۇپياسىن بولىسەتىندىگىن جانە اقىل-كەڭەس الاتىنىن ايتىپتى. ل.ساركيسياننىڭ ايتۋىنشا, ۇلداردىڭ باسىم كوپشىلىگى ىلعي اكەسىمەن بىرگە بولعىسى كەلەتىندىگىن جازعان.
ءنازيرا جارىمبەتوۆا.
قوستاناي.