استانا. 6 ماۋسىم. ماسكەۋدە رەسەيدىڭ بەلگىلى تەاتر جانە كينوە اكتەرى الەكسەي جاركوۆ 69 جاسىندا ۇزاققا سوزىلعان ناۋقاستان كەيىن قايتىس بولدى. بۇل تۋرالى Lenta.ru اقپارىنا سۇيەنگەن egemen.kz حابارلادى.
«ومىردەن تاڭعالارىق تالانتتى ارتيست, قاراپايىم دا اقجارقىن ادام ءوتتى», – دەلىنگەن رەسەي كينەماتوگرافتار وداعىنىڭ سايتىندا.
اكتەر بيىلعى جىلعى ناۋرىز ايىنىڭ باسىندا ينسۋلت العان. ول 2012 جىلى ۋاقىتشا سال بولىپ قالۋدى باستان كەشكەن. جاركوۆ سوڭعى جىلدارى ماسكەۋ تۇبىندەگى ساياجايىندا تۇرعان.
اكتەردىڭ تۆورچەستۆولىق ءومىربايانىندا 130-دان استام كينوداعى رولدەرى بار. ولاردىڭ اراسىندا «تۇنگى وقيعا», «قىلمىستى تالانت», «يف زىندانىنىڭ تۇتقىنى», «يميتاتاتور» جانە «ۇيىقتاپ جاتقان ءيتتى وياتپاڭدار» دەگەن فيلمدەردى كورەرمەن قاۋىم جاقسى بىلسە كەرەك.
جاركوۆ – رەسەيدىڭ حالىق ءارتيسى, «دوستىق» وردەنىنىڭ يەگەرى.
اكتەر ماسكەۋدە تۋعان, محات مەكتەپ-ستۋدياسىن بىتىرگەن. ول 1971-1988 جىلدارى ەرمولوۆا اتىنداعى تەاتردا جۇمىس ىستەدى, سودان كەيىن چەحوۆ اتىنداعى محت-عا كەلدى. ال 2000 جىلى قايتادان ءبىرىنشى تەاترىنا باردى.
حالىق ءارتيسى سەيسەنبى كۇنى نارو-فومينسكىدەگى مازاردا جەرلەنەدى. رەسمي قوشتاسۋ بولمايدى, تەك جاقىندارى عانا جانازاسىنا جينالادى, دەدى اكتەردىڭ جەسىرى ليۋوۆ جاركوۆا.
تالعات رايىمبەك.
دەرەك, فوتو: Lenta.ru.