استانا. 6 ماۋسىم. ۇلىبريتانيادا ايگىلى دراماتۋرگ پيتەر شەففەر 90 جاسىندا قايتىس بولدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
«ول 15 مامىر كۇنى دوستارىنىڭ ورتاسىندا 90 جاسقا تولعان مەرەيتويىن تويلاعانىنا قۋانىشتى ەدى. ونىڭ بۇل ومىردە جوق ەكەنىنە سەنە الار ەمەسپىن», – دەيدى دراماتۋرگتىڭ اگەنتى رۋپەرت لورد.
پيتەر شەففەر 1926 جىلى ليۆەرپۋل قالاسىندا تۋعان. كەمبريدجدىڭ ترينيتي-كوللەدجىندە ءبىلىم العان. ول 1954 جىلى العاشقى «تۇزدى جەر» اتتى پەساسىن جازعان. ال «امادەي» (Amadeus) پەساسى ارقىلى ونىڭ اتاعى الەمگە تانىلا باستادى. 1984 جىلى وسى تۋىندىنىڭ جەلىسىندە فيلم ءتۇسىرىلدى ءارى وسىعان بايلانىستى «وسكار» جانە «التىن گلوبۋس» سىيلىقتارىن جەڭىپ العان.
سونىمەن قاتار, ول 1958 جىلى جازعان «بەس ساۋساققا ارنالعان جاتتىعۋ» (Five Finger Exercise), 1973 جىلى جازعان «ەكۆۋس» (Equus) سىندى شىعارمالارى ارقىلى دا ۇلكەن جەتىستىكتەرگە جەتكەن.
ايان ءابدۋالي.
دەرەك, فوتو: تاسس.