استانا. 6 ماۋسىم. بۇگىن باس پروكۋراتۋرانىڭ وكىلدەرى وڭتۇستىك قازاقستان وبلىسىنداعى «شىمكەنت پيۆو» سەرىكتەستىگىنىڭ باس ديرەكتورى توقتار تولەشوۆكە قاتىستى قىلمىستىق ءىستىڭ تەرگەلۋ بارىسى جايىندا بريفينگ وتكىزدى. بۇل تۋرالى باس پروكۋراتۋرانىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
بريفينگتە باس پروكۋراتۋرانىڭ دەپارتامەنت باستىعى قۇسايىن يگەمباەۆ پەن ۇلتتىق قاۋىپسىزدىك كوميتەتى ءباسپاسوز قىزمەتىنىڭ وكىلى رۋسلان كاراسيوۆ اتالعان قىلمىستىڭ ءىستىڭ تەرگەلۋ بارىسىن حابارلادى.
«ارنايى پروكۋروردىڭ باسشىلىعىمەن ۆەدومستۆوارالىق تەرگەۋ توبى ترانسۇلتتىق قىلمىستىق توپتى قارجىلاندىرۋ, ۇيىمداسقان قىلمىستىق توپتى باسقارۋ, زاڭسىز ەسىرتكى زاتتارىن ساقتاۋعا كۇدىكتى رەتىندە «شىمكەنت پيۆو» سەرىكتەستىگىنىڭ باس ديرەكتورى توقتار تولەشەۆكە جانە ونىڭ اينالاسىنداعى بىرنەشە ادامعا قاتىستى قىلمىستىق ىستەردى تەرگەۋدە. بۇگىندە تولەشەۆكە اۋىر جانە اسا اۋىر قىلمىستار, سونىڭ ىشىندە ادام ۇرلاۋدى جانە ءولتىرۋدى ۇيىمداستىرۋ, ءتۇرلى دارەجەدەگى دەنە جاراقاتىن كەلتىرۋ, بوتەننىڭ مۇلكىن قاساقانا جويۋ, رەيدەرلىك ءتارىزدى قىلمىستار بويىنشا ايىپ تاعىلۋدا», – دەدى باس پروكۋراتۋرانىڭ دەپارتامەنت باسشىسى قۇسايىن يگەمباەۆ. سونىمەن قاتار, پروكۋرور اتالعان قىلمىستىڭ بولىگىن ۇلتتىق قاۋىپسىزدىك كوميتەتى جۇرگىزىپ جاتقانىن ايتتى.
«تەرگەۋ ورگاندارى تولەشوۆتىڭ بۇرىن بيلىكتى باسىپ الۋعا دايىندىق جۇمىستارىن جۇرگىزگەنى, ال وتكەن جىلدان باستاپ ناقتى قادامدار قابىلداعانى تۋرالى تولىق مالىمەتتەردى انىقتادى. ونىڭ ارەكەت ەتۋ جوسپارى شيەلەنىستى وشاقتار قۇرۋ ارقىلى نارازىلىق اكتسيالارى جانە جاپپاي تارتىپسىزدىكتەر ۇيىمداستىرا وتىرىپ ەلدەگى جاعدايدى تۇراقسىزداندىرۋدى قاراستىرعان. وسىنىڭ اياسىندا بالاما ۇكىمەتتى قالىپتاستىرىپ, ارەكەت ەتۋشى بيلىكتىڭ قۇرىلىمىن وزگەرتۋدى جوسپارلاعان», – دەدى ۇلتتىق قاۋىپسىزدىك كوميتەتى ءباسپاسوز قىزمەتىنىڭ وكىلى رۋسلان كاراسيوۆ:
بريفينگتە سونداي-اق, رۋسلان كاراسيوۆ اتىراۋ, استانا, الماتى, ورال, قىزىلوردا قالالارىندا وتكەن جىلى تولەشوۆتىڭ قارجىلاندىرۋىمەن جەر رەفورماسىنا قارسى نارازىلىق توپتىڭ قۇرىلعانىن جەتكىزدى.
«نارازىلىق اكتسيالارى بۇدان دا ەرتەرەك ءوتۋى ءتيىس بولعانى تولىقتاي انىقتالدى. الايدا, تولەشوۆتىڭ ۇستالۋىنا بايلانىستى ونىڭ مەرزىمدەرىن اكتسيانى تىكەلەي ۇيىمداستىرۋشىلار ءوز بەتتەرىنشە وزگەرتكەن, ولاردىڭ كەيبىرەۋلەرى بۇگىندە قۇرىقتالعان», – دەدى ول.
بۇگىنگى تاڭدا ۇلتتىق قاۋىپسىزدىك كوميتەتىنىڭ ورگاندارى تولەشوۆتىڭ قىلمىستىق ارەكەتتەرiن iسكە اسىرۋ ماقساتىندا پايدالانۋعا جوسپارلاعان ەداۋىر قارۋ-جاراق, وق دارiلەر مەن جارىلعىش زاتتاردى جاسىرعان ورىندى انىقتاپ, ولاردى تاركiلەگەن.
«وتكەن دەمالىستاردا ۇلتتىق قاۋىپسىزدىك كوميتەتىنىڭ قىزمەتكەرلەرi استانا, الماتى جانە شىمكەنت قالالارىندا تولەشوۆتىڭ بiرقاتار سىبايلاس جاقتاستارىن ۇستادى. ولاردىڭ قاتارىندا باس پروكۋرورىنىڭ بۇرىنعى بiرiنشi ورىنباسارى, قازاقستان رەسپۋبليكاسى كونستيتۋتسيالىق كەڭەسiنiڭ بۇرىنعى مۇشەسi, ەكiنشi سىنىپتى ادiلەت كەڭەسشiسi Iلياس باقتىباەۆ, وڭتۇستىك قازاقستان وبلىستىق ىشكى ىستەر دەپارتامەنتىنىڭ ەكس-باسشىسى, گەنەرال-مايور حيبراتۋللا دوسقاليەۆ, اتالعان دەپارتامەنت باسشىسىنىڭ بۇرىنعى بiرiنشi ورىنباسارى, پوليتسيا پولكوۆنيگi ساكەن ايتبەكوۆ, قازاقستان رەسپۋبليكاسى قورعانىس مينيسترلiگi وڭتۇستiك وڭىرلىك قولباسشىلىعىنىڭ 35748 جانە 55652 اسكەري بولiمدەرiنiڭ كومانديرلەرi, پولكوۆنيكتەر بەكزات جۋمين جانە قايرات پەرنەباەۆ بار», – دەدى رۋسلان كاراسيوۆ.
ايتا كەتەيىك, اتالعان تۇلعالار ۇستالىپ, ۋاقىتشا تەرگەۋ يزولياتورىنا قامالعان. ولارعا قاتىستى بۇلتارتپاۋ شارالارىن قولدانۋ ماسەلەسى شەشىلۋدە.
تالعات رايىمبەك.
دەرەك, فوتو: باس پروكۋراتۋرانىڭ ءباسپاسوز قىزمەتى.