اقش-تا فۋتبولدان امەريكا كۋبوگى ءۇشىن جارىس ءوتىپ جاتىر

استانا. 6 ماۋسىم. اقش-تا فۋتبولدان امەريكا كۋبوگى ءتۋرنيرىنىڭ كەزەكتى ماتچتارى وينالدى. بۇل تۋرالى egemen.kz ءتىلشىسى حابارلادى. 5-6 ماۋسىمدا ا, ۆ جانە س توبىنداعى كوماندالار العاشقى كەزدەسۋلەرىن وتكىزدى. ءتۋرنيردىڭ بەتاشار ماتچىندا ا توبىندا كولۋمبيا قۇراماسى اقش كومانداسىن 2:0 ەسەبىمەن جەڭگەننەن كەيىن, كەشە وسى توپتاعى كوستا-ريكا مەن پاراگۆايدىڭ ۇلتتىق قۇرامالارى 0:0 ەسەبىمەن تەڭ تارقاستى.  سول كۇنى ۆ توبىنداعى كوماندالار دا ءبىر-بىرىمەن كەزدەستى. برازيليا مەن ەكۆادور 0:0 ەسەبىمەن تەڭ ويناسا, پەرۋ-گايتي اراسىنداعى ماتچ 1:0 ەسەبىمەن اياقتالدى. بۇگىن س توبىنداعى جاساقتار الاڭعا شىقتى. مەكسيكا ۋرۋگۆاي ەلىنىڭ ويىنشىلارىن 3:1 ەسەبىمەن جەڭدى. ال ۆەنەسۋەلا يامايكانى 1:0 ەسەبىمەن ۇتتى. ەرتەڭ D توبىنداعى قۇرامالار كەزدەسەدى. پاناما بوليۆيامەن, ارگەنتينا چيليمەن وينايدى. بيىلعى امەريكا كۋبوگىنا بىرنەشە ەلدىڭ كوماندالارى ءۇمىتتى.  ولاردىڭ اراسىندا سولتۇستىك جانە ورتالىق امەريكا قۇرلىعىنان قاتىسىپ جاتقان مەكسيكا قۇراماسى دا بار. وڭتۇستىك امەريكادان ارگەنتينا, برازيليا, ۋرۋگۆاي, كولۋمبيا مەن بىلتىرعى كۋبوكتىڭ يەگەرى ءچيليدى باس جۇلدەدەن ءۇمىتتى دەسەك, پەرۋ مەن پاراگۆاي ەلدەرىنىڭ تاعى دا جۇلدە الۋعا مۇمكىندىگى بار. بىلتىر پەرۋ قولا جۇلدەنى, پاراگۆاي ءتورتىنشى ورىن العان. سول سياقتى بوليۆيا مەن ۆەنەسۋەلا, كەشە برازيليامەن تەڭ ويناعان ەكۆادور وڭاي شاعىلاتىن جاڭعاق ەمەس. بۇل كوماندالار نامىسقا تىرىسسا, كوپا امەريكادا كەز-كەلگەن ەلمەن يىق ءتۇيىستىرىپ ويناي الادى. ال ارگەنتينا, برازيليا, ۋرۋگۆاي, كولۋمبيا مەن چيلي تۋرالى اڭگىمە باسقا. وسى جاساقتاردىڭ قۇرامىندا ەۋروپانىڭ اتاقتى كلۋبتارىندا اتوي سالىپ جۇرگەن ويىنشىلار جەتكىلىكتى. بيىلعى سىنعا ارگەنتينا قۇرامىندا ليونەل مەسسي, سەرحيو اگۋەرو, انحەل دي ماريا, حاۆەر پاستورە, گونسالو يگۋاين, ەريك لامەلا, حاۆەر ماسكەرانو, كولۋمبيادا حامەس رودريگەس, حۋان كۋادرادو, كارلوس باككا, ۋرۋگۆايدا ديەگو گودين, لۋيس سۋارەس, ەدينسون كاۆاني, چيليدە الەكسيس سانچەس, ارتۋرو ۆيدال قاتىسادى. سونىمەن بىرگە جانكۇيەرلەر ەكۆادور قۇرامىنداعى كريستيان نوبوا مەن مەكسيكا جاساعىنداعى حاۆەر ەرناندەستىڭ ويىنىن تاماشالاي الدى. بيىلعى دوداعا برازيليالىق نەيمار قاتىسپايدى. ول وليمپياداعا دايىندالىپ جاتىر. دەگەنمەن وعان قاراپ جاتقان «پەنتاكامپەونە» قۇراماسى جوق. برازيليادا حالك, فيليپپە كوۋتينو, كازەميرو, ۆيلليان, دۋگلاس كوستا, داني الۆەس سياقتى دوپتى ۇرشىققا يىرەتىن كوكمايسا الاڭنىڭ «كوكجالدارى» ءوز ەلىنىڭ كومانداسىن توردەن عانا كورگىسى كەلەتىندەرى ءسوزسىز. داستان كەنجالين. دەرەك: egemen.kz فوتو: championat.com ۆيدەو: vkontakte الەۋمەتتىك جەلىسى. // o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e // o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e // o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e // o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e