استانا. 5 ماۋسىم. ءۇندىستاننىڭ دەلي قالاسىنداعى اۋرۋحانالاردا ادام بۇيرەگىن زاڭسىز ساتاتىن توپتاردىڭ بار ەكەنى انىقتالدى. بۇل تۋرالى inform.kz اقپارىنا سۇيەنگەن egemen.kz ءتىلشىسى حابارلادى.
قازىرگى تاڭدا وسى ىسكە قاتىستى Apollo Hospital اۋرۋحاناسىنىڭ ەكى قىزمەتكەرى تۇتقىندالدى. سول سياقتى تاعى ءۇش ادامنىڭ قاتىسى بار ەكەنى انىقتالدى. بەلگىلى بولعانداي, كۇدىكتىلەر وسى ىسپەن اينالىسىپ پايدا تاۋىپ جۇرگەن ەكەن.
پوليتسەيلەر ولاردىڭ تۇرمىسى تومەن ادامداردى بۇيرەگىن ساتۋعا ۇگىتتەگەنىن مالىمدەدى. مالىمەتتەر بويىنشا, ءبىر بۇيرەكتىڭ قۇنى 7,5 مىڭ دوللارعا دەيىن بارعان. ءبىر قىزىعى, دارىگەرلەر بۇل زاڭسىز ارەكەتتەردەن مۇلدەم حابارسىز بولىپتى. سەبەبى, جالعان وپەراتسياعا قاتىسۋشىلار ءوز مۇشەلەرىن تۋىستارىنا بەرگەن دەگەن قۇجات جاساعان.
ايتا كەتەيىك, ءۇندىستاندا ترانسپلانتاتسيا ءۇشىن ورگاندار جەتىسپەيدى. وسىنىڭ سالدارىنان زاڭسىز ارەكەتتەر ءجيى ورىن الادى.
ايان ءابدۋالي.
دەرەك, فوتو: inform.kz.