سەمەيدە بۇرىنعى ەرلى-زايىپتىلار اجىراسقاننان كەيىن ءتورت بالاسىنىڭ كىمنىڭ تاربيەسىندە بولاتىنى جونىندە ءبىر-بىرىمەن كەلىسە الماي, سوتقا جۇگىنگەن ەدى. ەندى ولار ءبىر شەشىمگە كەلىپ وتىر. شىعىس قازاقستان وبلىسىنىڭ №2 كامەلەتكە تولماعاندار ءىسى جونىندەگى مامانداندىرىلعان اۋدانارالىق سوتىنىڭ حابارلاۋىنشا, قىزدار – شەشەسىمەن, ۇلدار اكەسىمەن قالاتىن بولدى. جاسوسپىرىمدەر سوتى سوت وتىرىسىنا دايىندىق بارىسىندا تاراپتاردىڭ مەدياتسيا جولىمەن ءوزارا كەلىسىمگە كەلگەنىن حابارلادى.
ناتيجەسىندە, بۇرىنعى ەرلى-زايىپتى جاندار قىزداردى – اناسىنا, ۇلداردى اكەسىنە قالدىرۋ جونىندە شەشىم قابىلداۋعا كەلىسكەن. وسىعان بايلانىستى, اتا-انالار بالالاردىڭ ءبىر-بىرىمەن ارالاسۋىنا شەكتەۋ قويماۋعا كەلىسىپ, اليمەنت تولەمدەرىنەن دە بوساتىلدى.
دۋمان اناش,
«ەگەمەن قازاقستان»
سەمەي