تالدىقورعان. 2 ماۋسىم. الماتى وبلىسىنىڭ تۇرعىنى تۋعان اناسىن ءولتىرىپ, سوڭىنان ءوزىن دە ءولتىرىپ تاستاماقشى بولدى. بىراق ءوزى امان قالدى. بۇل تۋرالى وبلىستىق ىشكى ىستەر دەپارتامەنتى ءباسپاسوز قىزمەتىنىڭ دەرەگىنە سۇيەنگەن egemen.kz ءتىلشىسى حابارلادى.
قازىر كۇدىكتى روليتسەيلەردىڭ كۇزەتۋىمەن اۋرۋحانادا جاتىر.
كىسى ءولتىرۋ وقيعاسى 30 مامىر كۇنى قاپشاعاي قالاسىنداعى كوپ قاباتتى ۇيلەردىڭ بىرىندەگى پاتەرلەردىڭ بىرىندە ورىن الدى. وقيعا ورنىنا كەلگەن پوليتسەيلەر پىشاق جاراقاتى سالدارىنان قايتىس بولعان ەگدە ايەلدىڭ دەنەسى ۇستىنەن ءتۇستى.
شاقىرىلعان «جەدەل جاردەم» كولىگى زارداپ شەگۋشىنىڭ 36 جاستاعى ۇلىن اۋرۋحاناعا الىپ كەتتى. سويتسە, ونىڭ دا العان پىشاق جاراقاتى بار ەكەن.
«وقيعانى جان-جاقتى زەرتتەۋدىڭ بارىسىندا زەينەتكەر ايەلدى ءولىم حالىنە جەتكىزگەن پىشاق جاراقاتىن سالعان ونىڭ ۇلى ەكەنى انىقتالدى. كىسى ءولىمى ەكەۋ ارا ورىن العان ۇرىس-كەرىستىڭ سالدارىنان بولعان. اناسىن ءولتىرىپ العاننان كەيىن ەر كىسى ءوزىنىڭ ىشىنە پىشاق سالادى. بىراق ولمەي امان قالعان», - دەلىنگەن حابارلامادا.
سوتقا دەيىنگى تەرگەۋ امالدارىن قاپشاعاي اۋداندىق ىشكى ىستەر ءبولىمى جۇرگىزىپ جاتىر.
نۇربول الدىباەۆ.
دەرەك: الماتى وبلىستىق ىشكى ىستەر دەپارتامەنتىنىڭ ءباسپاسوز قىزمەتى.