كۇمان كەلتىرۋ ابدەن نەگىزدى

قازاقستان رەسپۋبليكاسى كونستيتۋتسيالىق كەڭەسى توراعاسىنىڭ «قازاقستان رەسپۋبليكاسىنىڭ كونستيتۋتسياسىنا وزگەرىس پەن تولىقتىرۋ ەنگىزۋ تۋرالى» قازاقستان رەسپۋبليكاسىنىڭ زاڭىن قازاقستان رەسپۋبليكاسىنىڭ كونستيتۋتسياسىنا سايكەستىگى تۇرعىسىندا تەكسەرۋ تۋرالى» قازاقستان رەسپۋبليكاسى كونستيتۋتسيالىق كەڭەسىنىڭ نورماتيۆتىك قاۋلىسىنا تۇسىندىرمەسى كونستيتۋتسيالىق كەڭەس شەشىمىنىڭ ءمانى مىنادا. كونس­تيتۋ­تسيا­لىق كەڭەستىڭ پايىم­داۋىنشا: كونستيتۋتسيا رەسپۋبليكالىق رەفەرەندۋمدى حالىقتىڭ ءوز بيلىگىن تىكەلەي جۇزەگە اسى­رۋى­نىڭ نىسانى جانە مەملەكەت ءومىرىنىڭ اسا ماڭىزدى ماسەلەلەرىن شەشۋدىڭ دەمو­كراتيالىق ءادىسى دەپ اي­قىن­داي­دى, دەمەك, تۇڭعىش پرەزيدەنتتىڭ – ەلباسىنىڭ پرەزيدەنتتىك وكى­لەتتىگىن ۇزارتۋ دا وسىنداي ماسەلە بولۋى مۇمكىن. پارلامەنت ءوزىنىڭ كونستيتۋتسيالىق وكىلەتتىگى نەگىزىندە, ونىڭ پىكىرىنشە مەملەكەت باس­شىسىنىڭ پرەزيدەنتتىك وكىلەتتىگىن رەسپۋبليكالىق رەفەرەندۋمدا ۇزارتۋ جونىندە حا­لىقتىڭ ەرىك ءبىلدىرۋىن قامتاماسىز ەتۋگە قۇقىقتىق نەگىز جاساۋعا ءتيىس بولاتىن زاڭدى قابىلدادى. الايدا, زاڭدى زەردەلەۋ بارىسىندا كونستيتۋتسيالىق كەڭەس بۇل زاڭنىڭ پرەزي­دەنتتىڭ وكىلەتتىگىن ۇزارتۋدى كوزدەيتىن نورماسى زاڭ­دىق تۇرعىدان ءدال جازىلماعانىن انىقتادى. زاڭنىڭ 1-تارماعىنان قازاقستان رەسپۋبليكاسى تۇڭعىش پرەزي­دەن­تىنىڭ – ەلبا­سىنىڭ پرەزيدەنتتىك وكىلەتتىگى قاي مەرزىمگە ۇزار­تى­لا­تىنى بايقالمايدى, مۇنداي ۇزار­تۋدىڭ ءبىر جولعى الدە قاي­تا­لاناتىن سيپاتتا بولاتىنى, نە بولماسا مەملەكەت باس­شىسىن سايلاۋدان تولىعىمەن باس تارتۋ كوزدەلەتىنى انىق ەمەس. وسى كونستيتۋتسيالىق نورمانىڭ انىق جازىلماۋى كونستيتۋتسيادا كوزدەلگەن مەملەكەتتىك جانە قوعامدىق ينستيتۋتتاردىڭ تاجىريبە ءجۇ­زىندە ۇيلەسپەۋشىلىگىنە اكەلىپ سوق­تى­رۋى مۇمكىن. سوندىقتان, ەل پرەزيدەنتىنىڭ پارلامەنت قابىلداعان زاڭنىڭ كونستيتۋتسيالىعىنا كۇمان كەلتىرۋى ابدەن نەگىزدى بولىپ شىقتى دەپ اتاپ وتۋگە بولادى. كونستيتۋتسيالىق كەڭەس بۇل زاڭدى كونستيتۋتسياعا سايكەس ەمەس دەپ تاپتى. بۇل – زاڭعا قول قويىلمايتىنىن جانە ونىڭ قول­دا­نىسقا ەنگىزىلمەيتىنىن بىلدىرەدى. سونىمەن بىرگە, كونستيتۋتسياعا ساي قازاقستان رەسپۋب­لي­كا­سى­نىڭ پرەزيدەنتى كونستيتۋتسيالىق كەڭەستىڭ شەشىمىنە ءبىر اي ءىشىن­دە قارسىلىق بىلدىرۋگە قۇقىلى ەكەندىگىن نازاردا ۇستاۋ كەرەك. وسىلايشا, رەفەرەندۋمنىڭ تاعدىرىنا قاتىستى سوڭعى ءسوزدى مەملەكەت باسشىسى عانا ايتا الادى.