جىلى ءجۇزدى جۇزدەسۋلەر

اقوردادا مەملەكەت باسشىسى نۇرسۇلتان نازارباەۆ ۇلىبريتانيانىڭ ەكس-پرەمەر-ءمينيسترى ەنتوني بلەردى قابىل­دادى. كەزدەسۋ بارىسىندا تاراپتار ەكىجاقتى ىقپالداستىق ماسەلەلەرىن تالقىلادى. * * * مەملەكەت باسشىسى نۇر­سۇل­تان نازارباەۆ ءابۋ-ءدابيدىڭ مۇ­را­گەر حانزاداسى شەيح مۇحام­مەد بەن زايد ءال-ناحايانمەن كەزدەستى. اڭگىمە بارىسىندا تاراپتار قازاقستان مەن ءباا اراسىنداعى ەكىجاقتى ىنتىماقتاستىققا قا­تىس­تى بىرقاتار ماسەلەلەردى تال­قىلادى. ءال-ناحايان ازيادانىڭ ءمىنسىز ۇيىمداستىرىلعانىنا تاڭ­دانىسىن ءبىلدىردى. *  *  * مەملەكەت باسشىسى نۇر­سۇل­تان نازارباەۆ حالىقارالىق وليم­­پيادا كوميتەتىنىڭ توراعا­سى جاك روگگەنى قابىلدادى. كەزدەسۋدە تاراپتار ەكىجاقتى ىقپالداستىق, قازاقستاننىڭ سپورت­­­­­تى دامىتۋداعى جوعارى جەتىستىكتەرى جايلى ءسوز قوزعادى. ج.روگگە قازاقستان پرەزيدەنتىنە قىس­قى ازيا ويىندارىن حالىق­ارالىق جوعارى دەڭگەيدە ۇيىم­داس­تىرعانى ءۇشىن شىنايى العىسىن ءبىلدىردى. – ازيادا قارساڭىندا قازاق­ستان­دا كوپتەگەن جاڭا بىرەگەي سپورت عيماراتتارى سالىنعانىن اتاپ ايت­قىم كەلەدى. بۇل ازيا­دا­نىڭ ۇيىم­داستىرىلۋى ەڭ جوعارى دەڭگەيدە بولعانىن كورسەتەدى. سونىمەن قاتار, پرەزيدەنتپەن كەز­دەسۋىمىز بارىسىندا ءبىز 2022 جىلعى قىسقى وليمپيادا ويىن­دارىن قازاق­ستان­دا وتكىزۋ ءمۇم­كىن­دىگى جايىندا پىكىر الىستىق, – دەدى ج.روگگە. *  *  * ەلباسى نۇرسۇلتان نازارباەۆ ازيا وليم­پيا­دالىق كەڭە­سىنىڭ پرەزيدەنتى, شەيح احماد ءال-فاحاد ءال-سا­باحپەن كەزدەستى. كەزدەسۋ بارىسىندا تاراپتار ەكىجاقتى ىنتىماقتاستىق ماسە­لە­لەرىن, سونىمەن قاتار ءVىى قىس­قى ازيا ويىندارىن وتكىزۋ جاي­ىن تالقىلادى. ءال-ساباح پرەزيدەنت ن.نازارباەۆقا ازيادانى تاماشا ۇيىمداستىرعانى ءۇشىن ريزاشىلىعىن ءبىلدىردى. – مەن قازاقستان پرەزيدەنتىنە ازياداعى بارلىق سپورت ۇيىم­دارى مەن قوزعالىستارى اتىنان ەل تاۋەلسىزدىگىنىڭ 20 جىلدىق مەرەيتويىمەن قۇتتىقتاۋىن جەتكىزدىم, – دەدى شەيح ءال-ساباح جۋرناليستەرگە ارنالعان بريفينگتە.