استانادا قازاقستان رەسپۋبليكاسىنداعى ادام قۇقىقتارى ءجونىندەگى ۋاكىل اسقار شاكىروۆ ادام قۇقىقتارىن قورعاۋ سالاسىنداعى بۇۇ ساراپشىسى, «ازاپتاۋلارعا قارسى كۇرەس: قازاقستاندا ۇلتتىق الدىن الۋ تەتىگىن قۇرۋ» جوباسىنىڭ ىسكە اسىرىلۋىن باعالاۋ ءۇشىن كەلگەن ۇلىبريتانيا سىرتقى ىستەر مينيسترلىگىنىڭ وكىلى ەميلي ساممەرسپەن كەزدەستى.
كەزدەسۋ بارىسىندا تاراپتار ازاپتاۋلارعا جانە باسقا دا قاتىگەز, ادامگەرشىلىككە جاتپايتىن جانە ار-نامىستى قورلايتىن ءىس-ارەكەتتەر مەن جازالاۋ تۇرلەرىنە قارسى بۇۇ كونۆەنتسياسىنا ءبىزدىڭ ەلىمىز راتيفيكاتسيالاعان فاكۋلتاتيۆتىك حاتتاما اياسىندا «حالىقارالىق تۇرمە رەفورماسى» (PRI) ۇيىمىنىڭ قازاقستاندىق ومبۋدسمەن وفيسىمەن بىرلەسىپ جۇزەگە اسىرعان جوباسىنىڭ ءناتيجەلەرىن وڭ باعالادى.
سونداي-اق, ازاپتاۋلارعا قارسى ۇلتتىق الدىن الۋ تەتىگىن قازاقستاندا قۇرۋ ماسەلەسى بويىنشا پىكىرتالاس ءوتتى, قازىرگى ۋاقىتتا ونىڭ تۇجىرىمداماسىن قازاقستان رەسپۋبليكاسىنىڭ ۇكىمەتى ءازىرلەۋدە, دەپ حابارلادى ادام قۇقىقتارى جونىندەگى ۋاكىل اپپاراتىنىڭ ءباسپاسوز قىزمەتى.