كەشە قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ پەن يسلام كونفەرەنتسياسى ۇيىمىنىڭ باس حاتشىسى ەكمەلەددين يحسانوگلۋ تەلەفون ارقىلى سويلەستى, دەپ حابارلادى قر ءسىم-ءىنىڭ باسپاسوز قىزمەتى.
حالىقارالىق مارتەبەلى ۇيىمنىڭ باس حاتشىسى قازاقستان حالقى مەن ەلباسى نۇرسۇلتان نازارباەۆتى قازاقستاننىڭ ەۋروپاداعى قاۋىپسىزدىك جانە ىنتىماقتاستىق ۇيىمىنداعى توراعالىعىمەن جانە استانا ءسامميتىنىڭ تابىستى وتكىزىلۋىمەن قۇتتىقتادى. سونىمەن قاتار, باس حاتشى قازاقستاننىڭ الداعى يكۇ-عا توراعالىعىنا ۇلكەن ءۇمىت ارتاتىنىن مالىمدەدى.
وسى رەتتە تاراپتار يكۇ قىزمەتىنىڭ وزەكتى ءماسەلەلەرىن تالقىلادى. ۇستىمىزدەگى جىلدىڭ ناۋرىز ايىنا جوسپارلانىپ وتىرعان ماڭىزدى ماسەلەلەر قاتارىندا شارم ءال-شەيحتە وتەتىن يسلام كونفەرەنتسياسى ۇيىمىنىڭ ءسامميتى مەن ەگيپەت اراب رەسپۋبليكاسىندا ورىن الىپ جاتقان وقيعالار ءسوز ەتىلدى.
ارىپتەستەر ۇيىم اياسىندا جانە حالىقارالىق ماسەلەلەر بويىنشا ناقتى جانە تىعىز بايلانىستاردى ودان ءارى قاراي جالعاستىرۋعا ۋاعدالاستى.