ازيا ويىندارىندا جارىستاردىڭ العاشقى كۇنى كونكي تەبۋ سپورتىنان قۇرلىقتىڭ جاڭا رەكوردى جاسالدى. كۇنشىعىس ەلىنىڭ وكىلى ماساكو حودزۋمي 3 مىڭ مەترلىك قاشىقتىقتى 4 ءمينوت 7,82 سەكونتتە ءجۇرىپ ءوتىپ, جاپونيانىڭ قورجىنىنا وسىمەن ءۇشىنشى التىن مەدال قوستى.
ال كەشە ازيادانىڭ ەكىنشى رەكوردى ومىرگە كەلدى. كورەيلىك كونكيشى سيۋن حۋن لي 5 مىڭ مەترلىك قاشىقتىقتاعى جارىستا التىن مەدالدى موينىنا تاقتى. ونىڭ الدىندا وتكەن جىلدىڭ قاڭتار ايىندا ازيا رەكوردىن (6 ءمينوت, 26,38 سەكونت) لي سىن حۋن جاساعان. ال بيىلعى سىندا وڭتۇستىككورەيالىق كونكيشى 5 مىڭ مەتر قاشىقتىقتى 6 ءمينوت 25,56 سەكونتتە ءجۇرىپ ءوتىپ, باس جۇلدەنى جەڭىپ الدى. وسى جارىستاعى ەكىنشى جاقسى كورسەتكىشتى دميتري بابەنكو كورسەتتى. ول اتالمىش قاشىقتىقتى 6 ءمينوت 28,4 سەكونتتە ءجۇرىپ ءوتتى.