قازاقستان رەسپۋبليكاسى كونستيتۋتسيالىق كەڭەسىنىڭ نورماتيۆتىك قاۋلىسى

2011 جىلعى 31 قاڭتار № 2 استانا قالاسى

«قازاقستان رەسپۋبليكاسىنىڭ كونستيتۋتسياسىنا وزگەرىس پەن تولىقتىرۋ ەنگىزۋ تۋرالى»

قازاقستان رەسپۋبليكاسىنىڭ زاڭىن قازاقستان رەسپۋبليكاسىنىڭ كونستيتۋتسياسىنا سايكەستىگى تۇرعىسىندا تەكسەرۋ تۋرالى

قازاقستان رەسپۋبليكاسى كون­س­تيتۋتسيالىق كەڭەسى, توراعا ي.­ي.رو­گوۆ, كەڭەس مۇشەلەرى ءى.­ج.باق­تى­باەۆ, ن.ۆ.بەلورۋكوۆ, ا.­ن.جا­يىل­عانوۆا, ۆ.ا.مالينوۆسكي, ا.­م.­نۇر­ماعام­بە­توۆ, ءۇ.­م.ستام­قۇ­لوۆ قاتىسقان قۇ­رام­دا, مى­نا­لار­دىڭ: قازاقستان رەسپۋبليكاسى ۇكى­مە­تىنىڭ وكىلى – قازاقستان رەس­پۋب­لي­كاسىنىڭ ادىلەت ءمينيسترى ر.ت.ءتۇ­سىپبەكوۆتىڭ, قازاقستان رەسپۋبليكاسى پارلامەنتى سەناتىنىڭ وكىلى – قا­زاق­ستان رەسپۋبليكاسى پارلامەنتى سەناتىنىڭ زاڭناما جانە قۇقىق­تىق ماسەلەلەر كوميتەتىنىڭ حات­شى­سى س.ب.اقىلبايدىڭ, قازاقستان رەسپۋبليكاسى پارلامەنتى ءماجىلىسىنىڭ وكىلى – قا­زاق­ستان رەسپۋبليكاسى پارلامەنتى ءماجىلىسىنىڭ زاڭناما جانە سوت-قۇقىقتىق رەفورما كوميتەتىنىڭ ءتور­اعاسى ر.ج.مۇقاشەۆتىڭ, قازاقستان رەسپۋبليكاسى جو­عار­عى سوتىنىڭ توراعاسى م.­ت.ءالىم­بەكوۆتىڭ, قازاقستان رەسپۋبليكاسىنداعى ادام قۇقىقتارى جونىندەگى ۋاكىل ا.و.شاكىروۆتىڭ, قازاقستان رەسپۋبليكاسى باس پروكۋراتۋراسىنىڭ وكىلى – قا­زاق­ستان رەسپۋبليكاسى باس پروكۋ­رو­رىنىڭ ورىنباسارى ا.­ق.دا­ۋىل­باەۆ­تىڭ, قازاقستان رەسپۋبليكاسى ور­تا­لىق سايلاۋ كوميسسياسىنىڭ وكىلدەرى – قازاقستان رەسپۋب­لي­كا­سى ورتالىق سايلاۋ كوميسسيا­سى­نىڭ حاتشىسى ب.س.مەلدەشوۆتىڭ جانە قازاقستان رەسپۋبليكاسى ور­تالىق سايلاۋ كوميسسياسىنىڭ مۇشەسى م.ا.سارسەمباەۆتىڭ, قازاقستان رەسپۋبليكاسى سىرت­­قى ىستەر مينيسترلىگىنىڭ وكىلى – قازاقستان رەسپۋبليكاسى سىرتقى ىستەر ءمينيسترىنىڭ ورىن­باسارى ق.ە.وماروۆتىڭ قاتى­سۋى­مەن, ءوزىنىڭ اشىق وتىرىسىندا قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ «قا­زاق­ستان رەسپۋبليكاسىنىڭ كونس­تي­تۋتسياسىنا وزگەرىس پەن تولىق­تىرۋ ەنگىزۋ تۋرالى» قازاقستان رەسپۋبليكاسىنىڭ زاڭىن قازاق­ستان رەسپۋبليكاسىنىڭ كونستي­تۋتسياسىنا سايكەستىگى تۇرعىسىندا تەكسەرۋ تۋرالى ءوتىنىشىن قارادى. بايانداماشى – كونستيتۋ­تسيا­لىق كەڭەستىڭ مۇشەسى ۆ.­ا.ما­لي­نوۆ­سكي­دىڭ حابارلاۋىن, وتى­رىس­قا قاتى­سۋ­شىلاردىڭ, سونداي-اق «قۇقىقتىق زەرتتەۋلەر جانە تالداۋ ينستيتۋتى» جاۋاپكەرشىلىگى شەكتەۋلى سەرىك­تەس­تى­گىنىڭ ديرەك­تو­رى ا.ق.عۇسمانوۆتىڭ, قازاق­ستان­نىڭ ادۆوكاتتار وداعى­نىڭ پرەزيدەنتى ءا.ق.تۇگەلدىڭ, «ادام قۇ­قىق­تارى ءۇشىن حارتيا» قو­عام­دىق قو­رىنىڭ اتقارۋشى دي­رەك­تورى ج.ءو.تۇرماعامبەتوۆانىڭ ءسوي­لە­گەن سوزدەرىن تىڭداپ, ساراپشىلار مەن مامانداردىڭ: زاڭ عىلىم­دا­رى­نىڭ دوكتورى, پروفەسسور, ل.­ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى حالىق­ارا­لىق قۇقىق كافە­دراسىنىڭ مەڭ­گە­رۋشىسى ە.­م.اباي­دىلدينوۆتىڭ; زاڭ عى­لىمدارىنىڭ دوكتورى, پروفەسسور, «مەملەكەت ءجا­نە قۇقىق» جۋر­نالىنىڭ باس رە­داكتورى, رەسەي عىلىم اكادەمياسى مەملەكەت جانە قۇقىق ينس­تي­تۋتىنىڭ باس عىلىمي قىزمەتكەرى ا.­س.اۆ­تو­نوموۆتىڭ; زاڭ عىلىمدا­رى­نىڭ دوك­تورى, پروفەسسور, ە.­ا.ءبو­كەتوۆ اتىنداعى قاراعاندى مەملەكەتتىك ۋنيۆەرسيتەتى كونستيتۋتسيالىق قۇ­قىق كافەدراسىنىڭ مەڭگەرۋشىسى س.ك.اماندىقوۆانىڭ; زاڭ عىلىم­دارىنىڭ دوكتورى, «تۇران» ۋنيۆەرسيتەتى زاڭتانۋ جانە حالىق­ارا­لىق قۇقىق كافەدراسىنىڭ پرو­فەس­سورى ە.ب.مۇحامەدجانوۆتىڭ; قازاقستان رەس­پۋبليكاسى ۇلتتىق عىلىم اكا­دەمياسىنىڭ اكادەميگى, زاڭ عى­لىم­دارىنىڭ دوكتورى, پروفەسسور س.­ن.ءسا­­بىكەنوۆتىڭ; جا­ڭا تەحنولوگيالار مەن پروتسەستەر بويىنشا تاۋەلسىز ساراپشى, پروفەسسور ش.­س.ءتول­باي­دىڭ; زاڭ عى­لىم­دارىنىڭ دوكتورى, قازاق گۋ­ما­نيتارلىق-زاڭ ۋنيۆەر­سي­تەتىنىڭ پروفەسسورى س.ف.ۋدارتسەۆتىڭ; برەمەن ۋنيۆەرسيتەتىنىڭ پرو­فەس­سورى ر.كنيپەردىڭ جانە حالىق­ارا­لىق ىنتىماقتاستىق جونىندەگى گەرمان قوعامىنىڭ قازاقستانداعى قۇ­قىق­تىق باعدارلاماسىنىڭ باس­شىسى ي.پۋدەلكانىڭ (گەرمانيا) قورى­تىن­دىلارىن زەردەلەپ; ءال-فا­رابي اتىنداعى قازاق ۇلتتىق ۋنيۆەر­سي­تە­تىنىڭ مەملەكەت جانە قۇقىق ينس­تي­تۋتىنىڭ جانە وسى ۋنيۆەرسيتەتتىڭ كونستيتۋتسيالىق جانە اكىمشىلىك قۇ­قىق كافە­درا­سى­نىڭ; ل.ن.گۋميلەۆ اتىن­داعى ەۋرازيا ۇلتتىق ۋني­ۆەر­سيتەتىنىڭ; قازاق گۋمانيتارلىق-زاڭ ۋنيۆەر­سي­تەتىنىڭ; «زاڭگەرلەر – ءادى­لەت­تى ساي­لاۋ ءۇشىن» رەسپۋبليكالىق قوعامدىق بىرلەستىگىنىڭ قورىتىن­دى­لارىمەن; سونداي-اق كونستيتۋ­تسيا­لىق ءىس جۇرگىزۋدىڭ وزگە دە ما­تە­ريال­دا­رىمەن تانىسىپ, قا­زاق­ستان رەس­پۋبليكاسى كونستي­تۋ­تسيا­لىق كەڭەسى انىقتادى: «قازاقستان رەسپۋبليكاسىنىڭ كونستيتۋتسياسىنا وزگەرىس پەن تو­لىق­تىرۋ ەنگىزۋ تۋرالى» قازاق­ستان رەسپۋبليكاسىنىڭ زاڭىن قا­زاقستان رەسپۋبليكاسىنىڭ پارلامەنتى 2011 جىلعى 14 قاڭتاردا قابىلداپ, سول كۇنى مەملەكەت باس­شىسىنىڭ قول قويۋىنا ۇسىندى. قازاقستان رەسپۋبليكاسى كون­س­تيتۋتسياسىنىڭ 72-بابى 1-تار­ما­عى­نىڭ 2) تارماقشاسىنا جانە «قا­زاقستان رەسپۋبليكاسىنىڭ كون­ستي­تۋتسيالىق كەڭەسى تۋرالى» كونس­تي­تۋتسيالىق زاڭىنىڭ 17­-بابى 2-تار­ماعىنىڭ 1) تار­ماق­شاسىنا سايكەس قازاقستان رەس­پۋبليكاسىنىڭ پرەزيدەنتى بۇل زاڭدى رەسپۋبليكانىڭ كونس­تي­تۋتسياسىنا سايكەستىگى تۇرعى­سىندا تەكسەرۋ ءۇشىن قازاقستان رەس­پۋب­ليكاسىنىڭ كونستيتۋتسيالىق كە­ڭە­سىنە جولدادى. «قازاقستان رەسپۋبليكاسىنىڭ كون­ستيتۋتسياسىنا وزگەرىس پەن تو­لىقتىرۋ ەنگىزۋ تۋرالى» قا­زاق­ستان رەسپۋبليكاسى زاڭىنىڭ (بۇدان ءارى – زاڭ) كونستي­تۋ­تسيا­لىعىن تەكسەرگەن كەزدە كونس­تي­تۋ­تسيالىق كەڭەس مىنانى نەگىزگە الدى. 1. تاۋەلسىز جاڭا مەملەكەت – قازاقستان رەسپۋبليكاسىنىڭ نەگىزىن قالاعان, مەملەكەتتىڭ بىرلىگىن, كونستيتۋتسيانىڭ, ادامنىڭ جانە ازاماتتىڭ قۇقىقتارى مەن بوس­تان­دىقتارى قورعالۋىن قام­تا­ما­سىز ەتكەن نۇرسۇلتان ءابىش ۇلى نازارباەۆتىڭ تاريحي ءرولى مەن ميسسياسى قازاقستان رەس­پۋب­لي­كا­سى تۇڭعىش پرەزيدەنتىنىڭ – ەل­با­سىنىڭ ەرەكشە مارتەبەسىن كونس­تيتۋتسيالىق-قۇقىقتىق تۇرعىدان بەكىتۋ قاجەت ەكەنىن جانە ونىڭ ماقساتقا ساي كەلەتىنىن كورسەتتى. پارلامەنتتىڭ «قازاقستان رەس­پۋبليكاسىنىڭ كونستيتۋتسياسىنا ءوز­گەرىستەر مەن تولىقتىرۋلار ەنگىزۋ تۋرالى» 2007 جىلعى 21 ما­مىرداعى № 254-ءىىى قازاقستان رەسپۋب­لي­كا­سىنىڭ زاڭىن قا­بىل­داۋى ارقىلى نەگىزگى زاڭنىڭ 42-بابى 5­­-تارماعىنىڭ ەكىنشى ءبو­لىگىنە «قا­زاقستان رەسپۋبلي­كا­سى­نىڭ تۇڭعىش پرەزيدەنتى» دەگەن ۇعىم قوسىلدى, ال 46-باپ «قازاق­ستاننىڭ تۇڭعىش پرە­زيدەنتىنىڭ مارتەبەسى مەن وكىلەتتىگى رەسپۋب­ليكا كونستيتۋتسياسىمەن جانە كونس­تيتۋتسيالىق زاڭمەن اي­قىن­دا­لادى» دەلىنەتىن 4-تارماقپەن تو­لىق­تىرىلدى. وسىلايشا, قازاقستاندا ەل كونستيتۋتسياسىمەن جانە «قا­زاق­ستان رەسپۋبليكاسىنىڭ تۇڭعىش پرەزيدەنتى – ەلباسى تۋرالى» 2000 جىلعى 20 شىلدەدەگى № 83-ءىى قا­زاقستان رەسپۋبليكاسى كونس­تي­تۋتسيالىق زاڭىمەن رەس­پۋب­لي­كا­نىڭ تۇڭعىش پرەزيدەنتىنىڭ – ەل­با­سىنىڭ ەرەكشە مارتەبەسى رەگلامەنتتەلدى. كونستيتۋتسيانىڭ 42-بابىنىڭ 5-تارماعىنا جانە 46-بابىنىڭ 4-تارماعىنا «ەلباسى» ۇعى­مى­نىڭ ەنگىزىلۋى رەسپۋبليكانىڭ تۇڭ­­عىش پرەزيدەنتىنىڭ – ەل­با­سىنىڭ كونس­تي­تۋتسيالىق-قۇقىق­تىق مارتەبەسىنەن قيسىندى تۇردە كەلىپ شىعادى جانە نەگىزگى زاڭ­نىڭ ەرەجەلەرى مەن نور­ما­لارىنا سايكەس كەلەدى. 2. قازاقستان رەسپۋب­ليكا­سى­نىڭ كونستيتۋتسياسىندا رەسپۋب­لي­كالىق رەفەرەندۋم مەملەكەت ءومىرىنىڭ اسا ماڭىزدى ماسەلەلەرىن شەشۋدىڭ دەموكراتيالىق ءادىسى رەتىندە (1-باپتىڭ 2-تارماعى), سون­داي-اق, سايلاۋمەن قاتار, حالىق­تىڭ ءوز بيلىگىن تىكەلەي جۇزەگە اسىرۋىنىڭ نىسانى (3-باپتىڭ 2-تارماعى) دەپ ايقىندالعان. كونستيتۋتسيانىڭ 3-بابىنىڭ 1-تارماعىندا جاريالانعان «مەملەكەتتىك بيلىكتىڭ بىردەن-ءبىر باس­تاۋى – حالىق» دەگەن ەرەجەدەن كەلىپ شىعاتىنى – قازاقستان حالقى قازاقستان مەملەكەتىنىڭ, ونىڭ ەگە­مەندىگىنىڭ, تاۋەلسىزدىگى مەن كونستيتۋتسيالىق قۇرىلىسىنىڭ نەگىزى بولىپ تابىلادى (كونس­تي­تۋتسيالىق كەڭەستىڭ 2003 جىلعى 1 جەلتوقسانداعى № 12 قاۋلىسى). تۇبەگەيلى كونستيتۋتسيالىق قۇن­دىلىقتاردىڭ ءبىرى بولا وتى­رىپ, حالىقتىڭ ەركى بىلدىرىلەتىن اكت رەسپۋبليكالىق رەفەرەندۋمدا نەمەسە ەلىمىزدە مەزگىل-مەزگىلىمەن وتكىزىلىپ وتىراتىن رەسپۋبليكا پرەزيدەنتى جانە پارلامەنتى ساي­لاۋىندا داۋىس بەرۋ ارقىلى مىندەتتى زاڭ كۇشىنە يە بولادى. ماسەلەن, ءوزىنىڭ ەگەمەندىك قۇ­قىعىن نەگىزگە الا وتىرىپ, قازاق­ستان حالقى ەلىمىزدىڭ قولدانىس­تاعى كونستيتۋتسياسىن 1995 جىل­عى 30 تامىزدا ناق وسى رەسپۋبلي­كالىق رەفەرەندۋمدا قابىلدادى. بۇل ورايدا كونستيتۋتسيالىق كەڭەس, رەسپۋبليكالىق رەفەرەندۋمدا داۋىس بەرۋ ارقىلى رەسپۋبليكا ءومىرىنىڭ اسا ماڭىزدى كەز كەلگەن ماسەلەسى, سونىڭ ىشىندە قا­زاقستان رەسپۋبليكاسى تۇڭعىش پرە­زيدەنتىنىڭ – ەلباسىنىڭ پرەزيدەنتتىك وكىلەتتىگىن ۇزارتۋ تۋرا­لى ماسەلە دە شەشىلۋى مۇمكىن دەپ پايىمدايدى. كونستيتۋتسيادا بەلگىلەنگەن مەملەكەتتىڭ ءبىرتۇتاس­تى­عىن جانە اۋماقتىق تۇتاستىعىن, رەسپۋبليكانى باسقارۋ نىسانىن (91-باپتىڭ 2-تارماعى) وزگەرتۋگە باعىتتالعان باستامالار رەسپۋب­لي­­كالىق رەفەرەندۋمنىڭ نىسانى بولا المايدى. كونستيتۋتسيالىق زاڭدا رەسپۋبليكالىق رەفەرەن­دۋم­عا شىعارىلاتىن ماسەلەلەرگە قاتىستى وزگە دە شەكتەۋلەر بەلگىلەنۋى مۇمكىن. 3. نەگىزگى زاڭنىڭ 41-بابى 1 – 3 جانە 5-تارماقتارىنىڭ, 42­-بابى 1 – 3-تارماقتارىنىڭ نور­­ما­لا­رى­مەن پرەزيدەنتتىك مان­دات­تىڭ پايدا بو­لۋى جانە توق­تا­تىلۋى تۋرالى ەرەجەلەر جۇيەلى تۇردە رەگلامەنتتەلگەن. مۇنداي­لار­دىڭ قاتارىندا: مەملەكەت باس­شىسىن جالپىعا بىردەي, تەڭ جانە توتە سايلاۋ قۇقىعى نەگىزىندە رەس­پۋبليكانىڭ كامەلەت­كە تولعان ازا­ماتتارىنىڭ جاسى­رىن داۋىس بە­رۋ ارقىلى سايلاۋى; ەل پرەزيدەنتتىگىنە كانديداتقا قو­يىلاتىن تالاپتار; پرەزيدەنتتىك وكى­لەت­تىك­تىڭ مەرزىمى, سايلاۋ وتكى­زى­لۋ مەزگىلى جانە ونىڭ قورىتىندى­لارىن انىقتاۋ ەرەجەسى; انتتىڭ ءما­تىنى جانە قىزمەتكە كىرىسۋ ءتار­تىبى; رەسپۋبليكا پرەزيدەنتىنىڭ وكى­لەت­تى­گىن توقتاتۋدىڭ نەگىزدەرى مەن ءتار­تىبى. بۇل رەتتە كونستيتۋتسيانىڭ 42-بابىنىڭ 5-تارماعى ارنايى ماقساتتى كوزدەيدى. ءبىر ادامنىڭ قاتارىنان ەكى رەتتەن ارتىق رەسپۋبليكا پرەزيدەنتى بولىپ سايلا­نۋىنا تىيىم سالىنۋىن جالپى ەرەجە رەتىندە بەلگىلەي وتىرىپ ء(بى­رىنشى بولىك), بۇل شەكتەۋدى ول قازاقستان رەسپۋبليكاسىنىڭ تۇڭ­عىش پرەزيدەنتىنە قول­دان­بايدى (ەكىنشى بولىك). قارالىپ وتىرعان زاڭدا كونس­تي­تۋتسيانىڭ 42-بابى 5-تارماعى­نىڭ ەكىنشى بولىگى مىناداي جاڭا رەداكتسيادا جازىلعان: «بۇل شەكتەۋ پرەزيدەنتتىك وكىلەتتىكتەر مەر­زىمى رەسپۋبليكالىق رەفەرەندۋمدا ۇزارتىلۋى مۇمكىن قازاق­ستان رەسپۋبليكاسىنىڭ تۇڭعىش پرەزيدەنتىنە – ەلباسىنا قول­دا­نىلمايدى». كونستيتۋتسيالىق كەڭەس زاڭ­نىڭ بۇل نورماسىنا باعا بەرە وتىرىپ, زاڭنىڭ 1-تارماعىندا قا­زاقستان رەسپۋبليكاسى تۇڭعىش پرەزيدەنتىنىڭ – ەلباسىنىڭ پرەزيدەنتتىك وكىلەتتىگى قاي مەرزىمگە ۇزارتىلاتىنى انىقتالماعانىن اتاپ كورسەتەدى. مۇنداي ۇزارتۋ­دىڭ ءبىر جولعى نەمەسە قاي­تا­لاناتىن سيپاتتاعى ەكەنى, نە بولماسا مەملەكەت باسشىسىن سايلاۋدان تولىعىمەن باس تارتۋ كوز­دە­لەتىنى ايقىندالماعان. بۇل كونستيتۋتسيالىق نورما­نىڭ انىق جازىلماۋى كونستيتۋتسيادا كوزدەلگەن مەملەكەتتىك ءجا­نە قوعامدىق ينستيتۋتتاردىڭ پراكتيكا جۇزىندە ۇيلەس­پەۋ­شى­لى­گىنە اكەپ سوقتىرۋى مۇمكىن. بۇل ورايدا, كونستيتۋتسيالىق كەڭەس زاڭ زاڭدىق تۇرعىدان ءدال­مە-ءدال جانە اكەپ سوقتىراتىن سال­دارى بولجاۋلى بولۋعا ءتيىس ەكەنىن, ياعني ونىڭ نورمالارى جەت­كىلىكتى دارەجەدە انىق تۇجى­رىمدالىپ, سول ارقىلى زاڭ ەرەجەلەرىن وزىنشە پايىمداۋ جانە قول­دانۋ مۇمكىندىگىن جوققا شى­عارۋعا ءتيىس ەكەنىن بىرنەشە رەت اتاپ ءوت­كەن بولاتىن (كونستيتۋتسيالىق كە­ڭەستىڭ 2008 جىلعى 27 اق­پان­داعى № 2, 2009 جىلعى 11 اق­پان­داعى № 1 جانە 2009 جىلعى 20 تا­مىز­داعى № 5 نورماتيۆتىك قاۋلىلارى). وسىلايشا, قازاقستان رەس­پۋبلي­كاسىنىڭ پارلامەنتى 2011 جىلعى 14 قاڭتاردا قابىلداپ, قا­زاقستان رەسپۋبليكاسى پرە­زي­دەن­تىنىڭ قول قويۋىنا ۇسى­نىلعان «قازاقستان رەسپۋبلي­كاسىنىڭ كونس­­­تيتۋتسياسىنا ءوز­گەرىس پەن تو­لىق­تىرۋ ەنگىزۋ تۋ­رالى» قازاق­ستان رەس­پۋبليكاسى زاڭىنىڭ 1-تارماعى قازاقستان رەسپۋب­لي­كا­سى كونس­تيتۋ­تسيا­سى­نىڭ 2­-بابىنىڭ 1­-تارماعىنا سايكەس كەلمەيدى. باياندالعاننىڭ نەگىزىندە, قا­زاقستان رەسپۋبليكاسى كونس­تي­تۋتسياسىنىڭ 72-بابى 1­-تارماعىنىڭ 2) تارماقشاسىن, «قازاقستان رەس­پۋبليكاسىنىڭ كونستيتۋتسيالىق كە­ڭەسى تۋرالى» 1995 جىلعى 29 جەلتوقسانداعى № 2737 قازاقستان رەسپۋبليكاسى كونستيتۋتسيالىق زا­ڭىنىڭ 17-بابى 2-تارماعىنىڭ 1) تار­ماقشاسىن, 31-33 جانە 37­-باپتارىن, 38-بابىنىڭ 1-تارماعىن, 39-بابىنىڭ 1-تارماعىن جانە 41-بابى 1-تارماعىنىڭ 2) تارماقشاسىن باس­شىلىققا الىپ, قازاقستان رەس­پۋب­ليكاسى كونس­تيتۋتسيالىق كە­ڭەسى قاۋلى ەتەدى: 1. قازاقستان رەسپۋبليكا­سى­نىڭ پارلامەنتى 2011 جىلعى 14 قاڭتاردا قابىلداپ, قازاقستان رەسپۋبليكاسى پرەزيدەنتىنىڭ قول قويۋىنا ۇسىنىلعان «قازاقستان رەسپۋبليكاسىنىڭ كونستي­تۋ­تسيا­سى­نا وزگەرىس پەن تولىقتىرۋ ەنگىزۋ تۋرالى» قازاقستان رەسپۋب­لي­كاسىنىڭ زاڭى قازاقستان رەس­پۋبلي­كاسىنىڭ كونستيتۋتسياسىنا سايكەس ەمەس دەپ تانىلسىن. 2. قازاقستان رەسپۋبليكاسى كونستيتۋتسياسىنىڭ 74-بابىنىڭ 1-تارماعىنا ساي, قازاقستان رەس­پۋبليكاسىنىڭ پارلامەنتى 2011 جىلعى 14 قاڭتاردا قابىلداعان, كونستيتۋتسياعا سايكەس ەمەس دەپ تانىلعان «قازاقستان رەس­پۋب­لي­كاسىنىڭ كونستيتۋتسياسىنا ءوز­گە­رىس پەن تولىقتىرۋ ەنگىزۋ تۋرالى» قازاقستان رەسپۋبليكاسىنىڭ زا­ڭىنا قول قويىلمايدى جانە ول قولدانىسقا ەنگىزىلمەيدى. 3. قازاقستان رەسپۋبليكاسى كونس­تيتۋتسياسىنىڭ 74-بابىنىڭ 3-­­تارماعىنا سايكەس قاۋلى ونى قابىلداعان كۇننەن باستاپ كۇشىنە ەنەدى, شاعىمدانۋعا جات­پايدى, رەس­پۋبليكانىڭ ءبۇ­كىل اۋماعىندا جالپىعا بىردەي مىندەتتى جانە قازاقستان رەس­پۋبليكاسى كونس­تي­تۋ­تسيا­سىنىڭ 73-بابىنىڭ 4-تارماعىندا كوز­دەلگەن رەتتى ەسكەرە وتىرىپ, تۇپكىلىكتى بولىپ تابىلادى. 4. وسى قاۋلى رەسپۋبليكالىق رەسمي باسىلىمداردا قازاق جانە ورىس تىلدەرىندە جاريالانسىن. قازاقستان رەسپۋبليكاسى كونستيتۋتسيالىق كەڭەسىنىڭ توراعاسى    ي.روگوۆ.