ۇستىمىزدەگى جىلدىڭ 22 مامىرىندا استانا قالاسىندا «استانا قالاسىنىڭ سول جاعالاۋ بولىگىندەگى جىلۋ ماگيسترالى» جوباسىنا سايكەس كوپىر وتكەلىن مونتاجداۋمەن بايلانىستى استانا ستانساسى بويىنشا جولاۋشىلار پويىزدارىنىڭ كەستەسىنە وزگەرىستەر ەنگىزىلەتىن بولادى.
قۇرىلىس جۇمىستارىن ءجۇرگىزۋ ءۇشىن استانا – قىرقىنشى باعىتىنداعى 3 نەگىزگى جول جابىلسا, وسىعان بايلانىستى پويىزدار قوزعالىسىنىڭ كەستەسىنە جاڭا نۇسقالار جاسالىپ ەنگىزىلەدى. جولاۋشىلاردىڭ كەلۋى مەن كەتۋى 22 مامىر كۇنگى ساعات 00.00-دەن سول كۇنگى 12.00 ارالىعىندا قىرقىنشى ستانساسى ارقىلى جۇزەگە اسىرىلادى.
ستانسادا جولاۋشىلاردىڭ اۆتوبۋستارعا تەمىرجولدار ارقىلى ءوتۋى مەن وتىرعىزىلۋى قاۋىپسىز دەڭگەيدە جۇرگىزىلەدى. وسى ماقساتتا استانا ۆوكزالى – قىرقىنشى ستانساسى مارشرۋتى بويىنشا جولاۋشىلار قاتىناسى ۇيىمداستىرىلىپ, تەمىرجول الاڭدارىنان ءوتۋ ءۇشىن ول جەرلەر قوسىمشا جارىقتاندىرىلادى.
تەحنيكالىق «تەرەزە» كەزەڭىندە پويىزدار قوزعالىسى مەن مانەۆرلەر ءوندىرىسىنىڭ قاۋىپسىزدىگىن قامتاماسىز ەتۋ ءۇشىن جاۋاپكەرشىلىك «قازاقستان تەمىر جولى» ۇك» اق-تىڭ قۇرىلىمدىق ءبولىمشەلەرىنىڭ ءبىرىنشى باسشىلارىنا جۇكتەلىپ وتىر.
«ەگەمەن-اقپارات»