كەشە قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆ ماسكەۋدە ەۋرازيالىق ەكونوميكالىق كوميسسيا (ەەك) كەڭەسىنىڭ وتىرىسىنا قاتىستى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەڭەس مۇشەلەرى ەۋرازيالىق ەكونوميكالىق وداق (ەاەو) مەملەكەتتەرىنىڭ 2016-2017 جىلدارعا ارنالعان ماكروەكونوميكالىق ساياساتىنىڭ نەگىزگى باعدارلارىنا قولداۋ ءبىلدىردى. ءوزارا ءىس-قيمىلدار باعىتىن جۇزەگە اسىرۋ ماكروەكونوميكالىق تۇراقتىلىقتى قامتاماسىز ەتۋ ءۇشىن, ەكونوميكالىق ءوسىمدى جانە ارىپتەس ەلدەردىڭ ودان ءارى دامۋىن قالپىنا كەلتىرۋ ءۇشىن جاعدايلار جاساۋعا مۇمكىندىك تۋعىزادى.
سونداي-اق, ەاەو-عا مۇشە-مەملەكەتتەردىڭ ۋاكىلەتتى ورگاندارىنىڭ ۋاقىتشا سانيتارلىق, ۆەتەرينارلىق-سانيتارلىق جانە كارانتيندى فيتوسانيتارلىق شارالاردى ەنگىزۋدەگى ءوزارا ءىس-قيمىلدارىنىڭ ءتارتىبى دە قارالدى.
مەديتسينالىق بۇيىمداردىڭ ورتاق رىنوگىن قالىپتاستىرۋ شەڭبەرىندە مەديتسينالىق بۇيىمدارعا زەرتتەۋ جۇرگىزۋ ەرەجەلەرى مەن ومىرگە جانە (نەمەسە) ادامداردىڭ دەنساۋلىعىنا قاۋىپ توندىرەتىن مەديتسينالىق بۇيىمداردى قولدانۋدى توقتاتۋ نەمەسە تىيىم سالۋ بويىنشا قولدانۋ شارالارىنىڭ ءتارتىبى تالقىلاندى. ءوندىرىستىڭ, مەديتسينالىق بۇيىمداردى تىركەۋدىڭ بىرەگەي ەرەجەلەرىمەن ورتاق رىنوك قۇرۋ ەاەو ەلدەرىندە مەديتسينالىق بۇيىمداردى ءوزارا جەتكىزۋدەگى باسى ارتىق كەدەرگىلەردى جويۋعا باعىتتالعان.