قازاقستان رەسپۋبليكاسى ۇكىمەتىنىڭ 2015 جىلى تابيعي اپاتتان زارداپ شەككەن تاجىكستان رەسپۋبليكاسىنىڭ تۇرعىندارىنا رەسمي گۋمانيتارلىق كومەك كورسەتۋ تۋرالى شەشىمىنە سايكەس, قازاقستان تاراپى 18 ۆاگون گۋمانيتارلىق كومەك جىبەردى, ۆاگوندار بىرتىندەپ دۋشانبە قالاسىنا كەلە باستادى.
12 مامىردا گۋمانيتارلىق كومەكتى رەسمي تۇردە بەرۋ راسىمىنە قازاقستاننىڭ تاجىكستانداعى ەلشىسى نۇرلان سەيتىموۆ پەن تاجىكستان رەسپۋبليكاسى ۇكىمەتىنىڭ جانىنداعى مەملەكەتتىك ماتەريالدىق رەزەرۆتەر اگەنتتىگى ديرەكتورىنىڭ ورىنباسارى سوحيبدجون زيەدۋللوەۆ قاتىستى.
قۇنى 873 مىڭ اقش دولل. قۇرايتىن بيداي ۇنىن, ماكارون ونىمدەرىن, ەت جانە ءسۇت قالبىرلارىن, كەپتىرىلگەن كوكونىستەردى, وسىمدىك مايىن, سارى ماي مەن ءشاي جىبەرىلدى.
تاجىكستان رەسپۋبليكاسى ۇكىمەتىنىڭ وتىنىشىنە قازاقستان 2015 جىلى 4,7 ملن. اقش دوللارى كولەمىندە كومەك كورسەتتى, بۇل تاجىكستاننىڭ وتكەن جىلى قابىلداپ العان گۋمانيتارلىق كومەگىنىڭ جالپى كولەمىنىڭ 9,5%-ىن قۇرادى.
«ەگەمەن-اقپارات»