پىكىرلەر .
وتكەندە جاڭا ءبىر ءفيلمنىڭ تۇساۋكەسەرىنە باردىق. اۆتورى – جاس رەجيسسەر. كينونى كوردىك, كەي ساتتەرىنە تەبىرەندىك, «اتتەگەن-ايلارىن» دا ءتۇرتىپ وتىردىق. دەگەنمەن سالىستىرمالى تۇردە ايتار ويى بار, اكتەرلەردىڭ شەبەرلىگى دە جامان ەمەس. ايتەۋىر جەڭىل-جەلپى كومەديادان ادا, ەموتسيالىق تولقىنىسى بار اۋىر تاقىرىپتى كورسەتۋگە تالپىنعان. ءتاۋىر-اق دەستىك.
21 تامىز, 2024
ءبىر ءسات كۇيبەڭ تىرلىكتەن ارىلىپ, ميداعى مىڭ-سان ويدان الىستاپ, ءسال توقتاپ, تىنىشتىق تاۋىپ اينالاڭا قاراساڭ, ءومىردىڭ قالاي ءوتىپ جاتقانىن كورەسىڭ. زىمىراپ جاتقان ۋاقىت. سول ۋاقىتپەن جارىسىپ, جەتە الماسىن بىلسە دە قۇلشىنا قۋىپ بارا جاتقان ادامدار. ەشكىمنىڭ ارتىق ۋاقىتى جوق – ءبارى ءبىر جاققا, ياكي ءبىر ماقساتقا جەتۋگە اسىعادى. الەۋمەتتىك جەلىنى بايقاساق تا جاي جۇرگەن ادام كورمەيسىڭ: ءبارى بىردەڭە ىزدەپ ءجۇر – باقىت, بايلىق, تىنىشتىق, ۇيلەسىم, بالكي, ءوزىن. قازىر ءوزى سونداي زامان بولدى ما, ەشكىم تىنىش, قاراپايىم ءومىر سۇرگىسى كەلمەيدى ەكەن. ەشكىم ءوز ومىرىنە ريزا ەمەس: ءبارى بىردەڭە وزگەرتكىسى كەلەدى, ءبارى ءبارىن باسىنان باستاعىسى كەلەدى, ءبارى باسقا ادام بولعىسى كەلەدى.
24 جەلتوقسان, 2023
كەيدە كەشقۇرىم جاياۋلاتىپ «مەلومان» كىتاپ دۇكەنىنە بارامىن. جاستار كوپ جۇرەدى. ءيا, ءورىستىلدى جاستار. ءبىز دە جاڭا شىققان كىتاپتاردى كورۋگە, مۇقاباسى مەن ساپاسىن, بەزەندىرىلۋىن بايقاۋ ءۇشىن كىرەمىز. جاقسى كىتاپ كورسەك, ىشتەي قازاقشا كىتاپتار دا وسىنداي فورماتتا, ساپالى شىقسا دەپ قىزىعاسىڭ. ەندى ءبىر ويىڭ, كىتاپ شىعارۋعا كەرەكتى ەڭ باستى دەتال – قاعاز وندىرمەيتىن ەلدە باسپا سالاسى قارقىندى دامي قويار ما ەكەن دەيدى. ءسويتىپ تۇرعاندا قازاقشا كىتاپتاردىڭ سورەسىنە جاقىندايسىڭ: سول اباي, سول بەيىمبەت, سول اۋەزوۆ... سىرت كوزگە بۇگىنگى ادەبيەت وتكەن داۋىردەگى كلاسسيكتەرمەن توقتاپ قالعانداي كورىنەدى (ونىڭ ءوزى وقىلمايدى). جاڭا زامان ادەبيەتى جوقتىڭ قاسى. سوندىقتان قوعام كىتاپ وقىمايدى دەگەن – جاڭساق تۇسىنىك. وقيدى. بىراق قازاق ادەبيەتىن ەمەس.
15 قاراشا, 2023
قوعام اۋىسقان سايىن قۇندىلىقتار دا وزگەرەتىنى ءمالىم. ءار زامانداعى جاڭالىقتار مەن يگىلىكتەر دە ادامعا ءارتۇرلى اسەر ەتەدى. قازىرگى ۋاقىتتا ءومىر ءسۇرۋ جەڭىل دەيمىز. جاھاندانعان الەم. بەيبىتشىلىك زامان. سمارتفوندى قوعام. قولجەتىمدى اقپارات. كوپتەگەن مۇمكىندىك. ايعا ۇشامىن دەسەڭىز دە – قالاۋىڭىز. بۇرىنعىداي حات تانىمايتىن قاراڭعى قازاق جوقتىڭ قاسى. سويتە تۇرا بۇگىندە, سالىستىرمالى تۇردە الساق, گازەت-جۋرنال, كىتاپ وقيتىن ادام از. تەاترعا باراتىن كورەرمەن كوپ ەمەس. زاماننىڭ قيىن كەزىندە ءار ۇيگە گازەت كەلەتىن, جاستار كىتاپ وقىپ جارىساتىن دەسەدى. قىز بەن جىگىت قول ۇستاسىپ, تەاترعا اسىعاتىن دەپ جاتادى. ال بۇگىنگىدەي تاۋەلسىز ءارى ءبارى قولجەتىمدى ۋاقىتتا رۋحاني قۇلدىراۋ بەلەڭ العانى – ۇلكەن پارادوكس.
06 قاراشا, 2023
جاز سوڭىنا تاياعاندا بارىمىزگە ۇنايتىن «الپامىس مەكتەپكە بارادى» ءفيلمىن كەزەكتى رەت كورگىڭ كەلەدى دە تۇرادى. ءار كورگەن سايىن بۇرىنعى اسەرىڭدى سۋىتىپ, كينوداعى جىپ-جىلى سەزىمدەرمەن قايتا قاۋىشۋعا اسىعاسىڭ. بالا كەزدەن قالىپتاسقان ءداستۇر بولعان سوڭ, ساناڭ دا ءدال وسى كۇندەردە التى جاسار الپامىستى ىزدەيدى. نەگە ولاي, بەيمالىم. بالكىم, تامىزداعى تامىلجىعان كوڭىل كۇي سولاي بولار. بالكىم, ءتۇۋ جىراقتا قالعان الاقانداي اۋىلىمىزدى اڭسايمىز. الپامىس سياقتى مەكتەپكە بارمايتىن بولعان سوڭ, جىراقتا قالعان سول ءبىر اياۋلى شاقتى ساعىنامىز با الدە؟ ايتەۋىر تۇگەسىلمەيتىن ساعىنىش.
15 تامىز, 2023
قازاق كينوسىنىڭ بۇگىنگى دەڭگەيىنە قانداي دا ءبىر انىقتاما بەرىپ, ارتىق-اۋىس ءسوز ايتىپ, ياكي زەرتتەۋ جۇرگىزۋدىڭ قاجەتى جوق. ۇيىڭىزدەگى كوگىلدىر ەكراندى قوسا قويساڭىز, ءبارى اپ-انىق كورىنىپ تۇر. وتاندىق سەريالداردى قاراپ وتىرىپ, ەرىكسىز كۇلكىڭ كەلەدى (سەنىڭىز, بۇل ءاجۋا كۇلكى ەمەس, كۇيىنىشى كوپ كۇلكى): ارزان ستسەناري, جاساندى ويىن, قۇلاققا تۇرپىدەي تيەتىن قازاقشا. ۇلت زيالىلارىنىڭ وزگەرگەن وبرازى تىپتەن بولەك اڭگىمە. ال تاريحي كينولاردا القاقوتان وتىرعان, دومبىرا تارتقان, قىمىز ىشكەن, اتقا قونعان بايىرعى قازاقتى عانا تانيمىز.
21 ماۋسىم, 2023
ءبىز «ەگەمەن قازاقستان» كوشەسىندە تۇرامىز. ءۇيىمىز گازەت رەداكتسياسىنىڭ ىرگەسىندە بولعان سوڭ, كەلىپ-كەتەر تاكسيدىڭ ءبارى جۇمىستىڭ الدىنان وتەدى. بۇل تاكسيشىلەر قاۋىمى دەگەنىڭىز اڭگىمەشىل بولادى ەمەس پە (اسىرەسە «ساياسي ساۋاتى مىقتى»). سەگىز قاباتتى مەكەمەنىڭ سول باياعى «ەگەمەن» ەكەنىن ءبىلىپ, سوناۋ الىس-الىس قىراتتاردا قالعان بالا شاقتا ۇستەل ۇستىندە جاتاتىن گازەتتى ەمىس-ەمىس ەسىنە تۇسىرەدى. ىلە-شالا «گازەت ءالى شىعا ما؟ ونى بىرەۋ وقي ما؟» دەپ تاڭعالادى. توسىن تاڭعالىسىنا قوسا ميىعىنداعى ەرىكسىز كۇلكى دە كورىنىپ قالادى. ەندى ءبىر كەزدە «سوندا نە جازاسىڭدار؟» دەپ توبەدەن ءبىر-اق قويادى. سوندا ءوزىڭدى اۋادان كوبەلەك اۋلاپ جۇرگەندەي ءبىرتۇرلى سەزىنەسىڭ. كوز الدىڭنان مۋزەيدەگى قاڭقاسى قالعان سۇيكىمدى ءبىر مامونت ەلەستەپ وتەدى.
17 ءساۋىر, 2023
استاناعا كوشىپ كەلگەن الماتىلىقتاردىڭ باس قالاعا ءسىڭىسۋى قيىن. ءتىپتى كوبى اقىرىندا سول الماتىسىنا كەرى قايتىپ جاتادى. ەلوردالىقتار ايتاتىن «الماتىلىق قۇستار» دەگەن ءاجۋا تىركەس (كەيدە اسەرلى ەستىلەدى) وسىدان پايدا بولدى ما دەيسىڭ. ەندى ءبىر جاعىنان, الاتاۋدى اڭساۋعا اسەر ەتۋشى فاكتور دا كوپ. ماسەلەن, سونىڭ ءبىرى – كىتاپ. ءيا, استانادا كىتاپ دۇكەنى از. بازار ماڭىندا, ياكي جەراستى جولدارى قاسىندا كىتاپ ساتىپ تۇراتىن اتالار مۇندا جوق. ەسكى كىتاپتار ساتىلاتىن جەرتولەدەگى دۇكەندەردى دە تاپپايسىز. الماتىداعىداي ەمەس. بىلەتىنىمىز, سول «اباي», سول «فوليانت», سول «مەلومان».
15 ناۋرىز, 2023
وسى كۇنى جانىڭ جاقسى كىتاپ ىزدەيدى. سورەدەگى ساعىنىسا كورىسەتىن شىعارمالار تۇگەسىلگەن سوڭ جاڭا ءبىر دۇنيەگە اڭسارىڭ اۋادى. ءوزىڭدى تولىققاندى باقىتتى سەزىنۋگە سول عانا جەتپەي تۇرعانداي الاسۇراسىڭ. تۋلاپ-تۋلاپ باسىلعان سوڭ ءسال تەرەڭدەي ءھام ءسال مۇڭايا ويلاناسىڭ. بۇل ويىڭىز قازىرگى قازاق پروزاسىنداعى تىنىشتىقتان باستالىپ, دۇكەندەگى سىقيعان شەتەل ادەبيەتىنە بارىپ تىرەلەدى. القيسسا.
01 ناۋرىز, 2023
اركىمنىڭ قولىندا سمارتفون ءھام الەۋمەتتىك جەلىلەر ايتارلىقتاي كۇشكە يە بولعان قازىرگى ۋاقىتتا قوعامدا ءبىر مىنەز پايدا بولدى: كىنالاۋ دا وڭاي, داتتاۋ دا وڭاي, اقتاۋ دا وڭاي. حالىق توبىر سەكىلدى ەشتەڭەنىڭ بايىبىنا بارماستان شالا پىكىردىڭ سوڭىنان ەرە كەتەدى. الەۋمەتتىك جەلىنى اشا قالساڭىز, بۇگىن ءبىر ادامدى, ەرتەڭ تاعى بىرەۋدى جاپا-تارماعاي تابالاپ جاتقان جۇرت. ول «كىنالى», بالكي شەنەۋنىك ياكي اكىم, بولماسا, مۇعالىم, دارىگەر, ءتىپتى زيالى قاۋىم بولۋى مۇمكىن. جابىلا ماقتاۋدىڭ دا ءجونى سولاي. سوندا بۇل حالىقتا ادىلەت جوق پا دەيسىڭ.
28 قىركۇيەك, 2022
ايتىلا-ايتىلا مەملەكەتتىك ءتىلدىڭ مۇڭى دا «جىلاۋىق» جىرعا اينالدى. بىراق ناتيجە جوق. حالىق ءالى دە شەنەۋنىكتەر, دەپۋتاتتار قازاقشا سويلەسە, قاراپ وتىرىپ قۋانادى. ال وزگە ەتنوس وكىلى قازاق تىلىندە ءبىراۋىز ءسوز ايتسا, ءتىپتى ريزا بولادى. كەز كەلگەن مەملەكەتتىڭ ازاماتى سول تىلدە سويلەسە, ول قالىپتى جاعداي ەمەس پە؟ وعان نەگە تاڭعالامىز؟ ءوز ەلىڭدە ءوز ۇلتىڭ ءوز تىلىڭدە سويلەگەنىنە ءىشىڭ جىلۋ – قوراشسىنۋدىڭ قاي دەڭگەيى؟..
22 تامىز, 2022
