راۋان قابيدولدين«Egemen Qazaqstan»
323 ماتەريال تابىلدى

قوعام • 12 ءساۋىر، 2022

تۇرعىن ءۇي كوپ، ءبىلىم وشاعى تاپشى

ەسىلدىڭ بويىندا ەڭسە تىكتەگەن ەلورداعا تاڭىرقاپ، و شەتى مەن بۇ شەتىن ارالاساڭىز، توبەدەگى كۇننىڭ ءوزىن كولەگەيلەيتىن بيىك-بيىك تۇرعىن ءۇي كەشەندەرى مەن بيزنەس، ساۋدا، ويىن-ساۋىق ورتالىقتارىنان كوز سۇرىنەدى. راس، كەيىنگى جىلدارى ەل استاناسى ادام تانىماستاي وزگەرىپ، قۇرىلىس جۇمىستارى قارقىندى ءجۇرىپ جاتىر. اتتەگەن-ايى سول، باس شاھاردىڭ باس جوسپارى ءسات سايىن بۇزىلىپ، ءبىلىم بەرۋ ۇيىمدارىنىڭ تاپشىلىعى سەزىلە باستادى. سونىڭ سالدارىنان كوپتەگەن بالا ۇيدەن تىم قاشىق جەردەگى مەكتەپكە قاتىناۋعا ءماجبۇر.

قوعام • 10 ءساۋىر، 2022

بالاباقشا ماسەلەسى: الدانعان اتا-انالار اراشا سۇرايدى

بالا تاربيەسى بالاباقشادان باستالادى. دەگەنمەن ەلىمىزدە مەكتەپكە دەيىنگى ءبىلىم بەرۋ ماسەلەسى ءالى دە تۇبەگەيلى شەشىمىن تاۋىپ، جۇيەلى جولعا قويىلعان جوق. ءبىر وكىنىشتىسى، بۇعان جاۋاپتى تۇلعالاردىڭ «باياندى» باياندامالارى مەن قاعاز بەتىندەگى ء«مىنسىز» ەسەبى بۇگىنگى ءومىر شىندىعىمەن سايكەس كەلمەي جاتىر. وزگە وڭىرلەردەگى وزەكتى ماسەلەلەر بىلاي تۇرسىن، ەل جۇرەگى سانالعان ەلوردانىڭ وزىندە بالاباقشا تاپشىلىعى بايقالادى. ال جانايقايىن جان بالاسىنا ەستىرتە الماعان اتا-انا بولسا كىمدى كىنالارىن، كىمگە جۇگىنەرىن بىلمەي سارساڭعا سالىنىپ ءجۇر.

قازاقستان • 06 ءساۋىر، 2022

شابىت شىڭدايدى، ونەر وڭالتادى

اۋتيزم – تاعدىرعا تاڭبالانعان، ماڭدايعا باسىلعان دەرت ەمەس، وڭالتۋعا كونەتىن اۋىتقۋ دەسە دە بولادى. الايدا كوپ اتا-انا بالانىڭ بويىنداعى بۇل ەرەكشەلىكتى ەرتە بايقاي بەرمەيدى. كوبىنە-كوپ دارىگەرلەر انىقتاپ، دياگنوز قويىپ جاتاتىنى بەلگىلى. ال ەرتە انىقتالعان ءاربىر اقاۋ تۇزەتۋگە، وڭالتۋعا، الدىن الۋعا كونەتىنى انىق. سوندىقتان وسى ەرەكشەلىك تۋرالى اتا-انانى نەعۇرلىم كوپ اقپاراتتاندىرعان ءجون.

قوعام • 05 ءساۋىر، 2022

ەرەكشە بالانى تاربيەلەۋ – ەرەكشە پارىز

ءاربىر اتا-انا شوڭگە بالاسىنىڭ تابانىنا كىرگەنشە ءوزىنىڭ ماڭدايىنا كىرگەنىن قالايدى. الايدا ءومىردىڭ ءوز دەگەنى بار. اسىرەسە اينالاسىن تانىپ-تۇسىنە بەرمەيتىن، قورشاعان ورتاعا بەيىمدەلمەگەن اۋتيزمگە شالدىققان بالالار تۋرالى ايتۋ اركىمنىڭ بولسىن جانىنا باتاتىنى انىق. ايتۋ بىلاي تۇرسىن، سونداي ەرەكشە بالالاردى باعىپ-قاعىپ، ءالى جەتكەنشە تاربيەلەپ، وڭالتىپ وتىرعان اتا-انانىڭ جاي-كۇيىن ءتۇسىنۋ ودان دا قيىن. ونداي اتا-انا ەڭ الدىمەن قولداۋعا، تۇسىنىستىككە، مەيىرىمگە مۇقتاج.

تەحنولوگيا • 03 ءساۋىر، 2022

جاساندى ينتەللەكت: جاھاندىق دامۋدىڭ جاڭا كەزەڭى

بىلەكتىڭ كۇشى مەن نايزانىڭ ۇشىنا سەنەتىن كەزەڭ كەلمەسكە كەتكەنىمەن، عىلىم مەن ءىلىمدى، جاڭا تەحنولوگيالاردى جارىتىپ يگەرىپ جاتقانىمىز شامالى. وتكەن ءۇش ونجىلدىقتا روبوتتەحنيكانىڭ، جاساندى ينتەللەكتىنىڭ جالىنا جارماسىپ، اۋىز تولتىرىپ ايتۋعا بولاتىن وتاندىق ءونىم دە وندىرە المادىق. بۇل – اعا بۋىنعا ايتىلعان وكپە-ناز ەمەس، جالىندى جاستاردىڭ جىگەرىن جانۋدىڭ، قاجىر-قايراتىنا قامشى سالۋدىڭ امالى. جاڭالىقتى وسكەلەڭ ۇرپاقتان كۇتەمىز.

قوعام • 01 ءساۋىر، 2022

اۋەلگى ماسەلە – تۇراقتى جۇمىس

ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەرجان ءبىرجانوۆ پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا مەملەكەت باسشىسىنىڭ قازاقستاندىقتاردىڭ تابىسىن ارتتىرۋ جانە جۇمىسپەن قامتۋدى قامتاماسىز ەتۋ جونىندەگى تاپسىرمالارىن ىسكە اسىرۋ بارىسى تۋرالى باياندادى.

قوعام • 01 ءساۋىر، 2022

ەرىگەن قار ەلدى الاڭداتپاۋى كەرەك

كوكتەمنىڭ العاشقى ايى اياقتالعانىمەن قارلى بوراننان ءالى دە بولسىن ارىلا قويعان جوقپىز. سوعان قاراماستان، قار ەرىپ، قىزىل سۋ جايىلىپ جاتقان جاعدايلار دا از ەمەس. توتەنشە جاعدايلار ءمينيسترى يۋري يلين ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا وڭىرلەردە سۋ تاسقىنى كەزەڭىنىڭ ءوتۋى، سونداي-اق كۇن رايىنىڭ ناشارلاۋىنا بايلانىستى قاۋىپسىزدىكتى قامتاماسىز ەتۋ شارالارى تۋرالى باياندادى.

مەديتسينا • 31 ناۋرىز، 2022

مامموگرافياعا ءمان بەرەتىن كەز كەلدى

قاتەرلى ىسىك قاي تۇستان كەلىپ، اعزانى قالاي زاقىمدايتىنىن ءالى دە تاپ باسىپ ايتۋ قيىن. اسىرەسە ايەلدەر اراسىنداعى ءسۇت بەزى وبىرى جامان اۋرۋدىڭ اسا كەڭ تاراعان ءتۇرى سانالىپ وتىر. عالىمداردىڭ پايىمداۋىنشا، ەلىمىزدە جىل سايىن ءدال وسى دەرتكە شالدىققانداردىڭ 5 مىڭعا جۋىق جاڭا جاعدايى انىقتالادى. سوعان قاراماستان، قاتەرلى ىسىككە جەتە ءمان بەرىپ، ونىڭ الدىن الۋعا اسىعاتىندار از. ءبىر وكىنىشتىسى، بۇل اۋرۋ بۇرىن كوبىنە-كوپ قىرىقتان اسقان ايەلدەردە كەزدەسەتىن ەدى. بۇگىندە بۇل كورسەتكىش تاعى ون جىلعا جاسارىپ، وتىزدى القىمداعان ارۋلار اراسىندا انىقتالا باستادى.

قوعام • 28 ناۋرىز، 2022

بالالار ءاۋتيزمى: الەۋمەتتەندىرۋدىڭ الەگىن اركىم بىلە بەرمەيدى

كەز كەلگەن اتا-انانىڭ ومىرلىك مۇراتى – ۇرپاعىن اياقتاندىرىپ، ءوز بەتىمەن ءومىر سۇرە الاتىن، ء«وز قولى ءوز اۋزىنا جەتەتىن» بالا تاربيەلەۋ. وكىنىشكە قاراي، ەلىمىزدە وزگە بالالارمەن وينامايتىن، قارىم-قاتىناس ورناتۋ قابىلەتى بۇزىلعان، الەۋمەتتىك ورتاعا بەيىمدەلمەگەن بالالاردىڭ قاتارى كوبەيىپ بارادى.

ەكونوميكا • 15 ناۋرىز، 2022

ۋتيل الىمى: ەلدىڭ ءسوزىن ەستىپ تۇرعان ەشكىم جوق

ەلىمىزدەگى ءبىرىنشى نەسيە بيۋروسىنىڭ مالىمەتىنە سۇيەنسەك، بىلتىر وتانداستارىمىز باس-اياعى 1،1 ترلن تەڭگە اۆتونەسيە رەسىمدەپتى. نەبارى 3 ملن ازاماتتىڭ عانا نەسيەسى جوعىن ەسكەرسەك، قارىزعا باتىپ وتىرعان قازاقستاندىقتار ءۇشىن بۇل از اقشا دەپ ايتا المايمىز. مۇندايدا ونسىز دا جىرتىعىن جاماي الماي وتىرعان حالىق نەلىكتەن سونشاما كوپ قاراجاتقا كولىك رەسىمدەدى دەگەن زاڭدى ساۋال تۋىندايدى. ونىڭ جالعىز جاۋابى بار – قازاقستاندا كولىك قىمبات. ال ونى قىمباتتاتىپ وتىرعان ەڭ الدىمەن ۋتيل الىمى ەكەنى انىق.