ساپالى مەديتسينا: ساقتاندىرۋ ىسىنە سالعىرت قارامايىق

ءباسپاسوز ءماسليحاتىندا مەديتسينالىق قىزمەت تۇرلەرىنە (العاشقى مەديتسينالىق-ساني­تارلىق كومەك, كونسۋلتاتيۆتىك-دياگ­­نوستيكالىق قىزمەت, جوعارى تەحنو­لوگيا­لىق مەديتسينالىق كومەك, پالليا­تيۆ­تىك كومەك, وڭالتۋ, كۆي جانە تاعى باسقاعا) بولىنگەن قاراجات مولشەرى, ءدارى-دارمەكپەن قامتاماسىز ەتۋ قادامدارى, مەديتسينالىق قىزمەت ساپاسىن مونيتورينگىلەۋ جۇمىس­تا­رى, پاتسيەنت قۇقىعىن قورعاۋ امالدارى تۋرالى ايتىلدى. ماسەلەن, بيىل ەلوردادا ءمامس جۇيەسىندە جانە تمككك اياسىندا مەديتسينالىق كومەك كورسەتۋگە 197,5 ملرد تەڭگە ءبولىندى.

– ساتىپ الۋ جوسپارى بويىنشا 2022 جىلى ەلوردادا ءمامس جۇيەسىندە جانە تمككك اياسىندا مەديتسينالىق كومەك كور­سەتۋگە 197,5 ملرد تەڭگە (تمككك-گە – 101 ملرد, ءمامس-كە – 94,5 ملرد) ءبولىندى. بۇگىندە قور نۇر-سۇلتان قالاسىنىڭ اۋماعى بويىنشا 114 مەديتسينالىق قىز­مەت جەتكىزۋشىمەن شارت جاسادى. سونىڭ 77-ءسى – جەكەمەنشىك كلينيكالار. جىل وتكەن سايىن حالىققا مەديتسينالىق قىز­مەت كورسەتەتىن جەكەمەنشىك قىزمەت كور­سە­تۋشىلەر ۇلەسى ارتىپ كەلەدى. بۇل پا­­تسيەنت­تىڭ ۇزدىك كلينيكانى تاڭداۋىنا مۇمكىندىك بەرەدى. مەديتسينالىق قىزمەت كور­سە­تۋشىلەر ءتىزىمىن قوردىڭ fms.kz ساي­تىنان قاراۋعا بولادى, – دەدى ن.قابدى­قا­پاروۆ.

نۇر-سۇلتان قالاسىنداعى جەكەمەنشىك مەديتسينالىق قىزمەت كورسەتۋشىلەردىڭ ۇلەسى – 67%. الەۋمەتتىك مەديتسينالىق ساق­تاندىرۋ قورىنىڭ نۇر-سۇلتان قالاسى بو­يىنشا فيليالى وڭالتۋ قىزمەتتەرىن كور­سەتەتىن 45 مەديتسينا ۇيىمىمەن كەلى­سىمشارت جاسادى. سونىڭ ىشىندە, جە­كەمەنشىك – 20, مەملەكەتتىك – 22, رەس­پۋبليكالىق 3 مەديتسينا ۇيىمى بار.

– 2021 جىلمەن سالىستىرعاندا, 2022 جىلى وپەراتسيا جاساۋ كورسەتكىشى 16,5%-عا ءوستى. تەك جوعارى تەحنولوگيالىق مە­دي­­تسي­­نالىق كومەك قولدانىسى ارقىلى ءمامس بويىنشا 4,4 ملرد تەڭگە سوماسىنا قوسىمشا 1 549 قىزمەت كورسەتىلدى. كار­ديو­حيرۋرگيالىق وپەراتسيا 565 پاتسيەنتكە جاسالسا, نەيروحيرۋرگيالىق وپەراتسيا (نەيرو­نا­ۆيگاتسيالىق جۇيە قولدانىلعان) – 71 ادامعا, ورتوپەديالىق وپەراتسيا 70 پاتسيەنتكە جاسالدى, – دەدى سپيكەر.

امبۋلاتورلىق ءدارى-دارمەكپەن قام­تا­ماسىز ەتۋ دەنساۋلىق ساقتاۋ ءمينيس­ترى­نىڭ 2021 جىلعى 5 تامىزداعى № قر دسم-75 «تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە جانە مىندەتتى الەۋمەتتىك مەديتسينالىق ساق­تاندىرۋ جۇيەسىندە دارىلىك زاتتارمەن جانە مەديتسينالىق بۇيىمدارمەن قامتاماسىز ەتىلۋگە, ونىڭ ىشىندە بەلگىلى ءبىر اۋرۋلارى (جاي-كۇيى) بار ازاماتتاردىڭ جەكەلەگەن ساناتتارىن, امبۋلاتورلىق دەڭگەيدە تەگىن جانە (نەمەسە) جەڭىلدىكپەن بەرىلەتىن دارىلىك زاتتاردىڭ, مەديتسينالىق بۇيىمداردىڭ جانە مامانداندىرىلعان ەمدىك ونىمدەردىڭ تىزبەسىن بەكىتۋ تۋرالى» بۇيرىعىنا سايكەس ىسكە اسىرىلادى.

2022 جىلعى 1 مامىرداعى مالىمەتكە سايكەس, نۇر-سۇلتان قالاسىندا 4 ملرد 370 ملن تەڭگە سوماسىنا 306 211 تە­گىن رەتسەپت بويىنشا 121 886 پاتسيەنت تەگىن ءدارى-دارمەكپەن قامتىلدى. سونىڭ ىشىندە ءمامس جۇيەسىندە ءدارى-دار­­مەكپەن قامتىلعان بالالار دا بار. ماسە­لەن, ءجىتى رەسپيراتورلىق ينفەكتسيامەن, ياعني جوعارعى تىنىس جولدارىنىڭ اۋرۋ­لا­رى بار 683 بالا جانە تومەنگى تىنىس جول­دا­رىنىڭ اۋرۋلارى بار 2 182 بالا, تەمىر جەتىسپەۋشىلىگى انەمياسىنا شال­دىق­قان 290 بالا, راحيت اۋرۋىمەن اۋىراتىن 324 بالا, پنەۆمونياعا شالدىققان 598 بالا, سينۋسيتپەن/ بادامشا بەزى (ميندالين) جانە ادەنويد اۋرۋلارىمەن اۋىراتىن 158 بالا بار.

امبۋلاتورلىق قامتاماسىز ەتۋ جو­نىندەگى بۇيرىققا سايكەس, ەمحانا ءدارى­حانالارى ءمامس جۇيەسىندە تەگىن بە­رى­لە­تىن بارلىق قاجەتتى دارىلەرمەن (انتيبيوتيكتەر, ىستىق تۇسىرەتىن پرەپاراتتار, تەمىرقۇرامدى پرەپاراتتار, سونداي-اق باسقا دا سپەتسەفيكالىق پرەپاراتتار) قام­تىل­دى.

– ەلوردا تۇرعىندارى كوروناۆيرۋس ينفەك­تسياسى مەن پنەۆمونيا كەزىندە مە­­دي­­تسي­نالىق كومەكتى الەۋمەتتىك مە­دي­تسي­نالىق ساقتاندىرۋ قورىنداعى مار­­تە­­بەسىنە قا­راماستان تەگىن الادى. بيىل نۇر-سۇلتان قالاسى بويىنشا COVID-19 كو­رو­نا­ۆي­رۋ­سىنىڭ تارالۋىن بولدىرماۋعا جانە COVID-19 كورونا­ۆي­رۋسىمەن اۋىراتىن ناۋقاستاردى ەمدەۋگە 7,6 ملرد تەڭگە ءبو­لىن­دى. سونىڭ ىشىندە, جۇقپالى اۋرۋلارمەن اۋىراتىن ناۋقاستارعا مەديتسينالىق كومەك كورسەتۋگە – 3,1 ملرد تەڭگە, COVID-19 كو­­روناۆيرۋسىنىڭ تارالۋىن بول­­دىرماۋ جانە COVID-19 كو­رو­نا­ۆي­رۋ­سى­­مەن اۋى­راتىن ناۋقاستاردى ەمدەۋگە – 4,5 ملرد تەڭگە (ينفەكتسيالىق كۆي – 2,9 ملرد تەڭگە, كارانتيندىك كۆي – 137,3 ملن تەڭگە, امبۋلاتوريالىق دەڭگەيدە كۆي پا­تسيەنتتەرىن پتر زەرتتەۋ – 563,8 ملن تەڭگە, ۇيدەگى ستاتسيونار – 4,5 ملن تەڭگە, ءمو­بيل­دى بريگادالار شاقىرتۋعا شىعۋى ءۇشىن – 919,2 ملن تەڭگە) قاراستىرىلدى, – دەدى ن.قابدىقاپاروۆ.

كوروناۆيرۋس ينفەكتسياسىمەن نەمەسە ورتاشا, اۋىر جانە اسا اۋىر دەڭ­گەي­دەگى پنەۆمونيامەن اۋىرعان پاتسيەنتتەر مەديتسينالىق ساقتاندىرۋ قورى­نىڭ قا­را­جاتى ەسەبىنەن وڭالتۋدان وتە الادى. ازاماتتار ۇيىندە ەمدەلدى مە, الدە اۋرۋ­حانادا ەمدەلدى مە, وعان قارا­ماي­دى. مە­دي­تسي­نالىق وڭالتۋعا جولداما رەابيليوتولوگ ماماننىڭ قاتىسۋىمەن اۋرۋحا­نا­نىڭ نەمەسە ەمحانانىڭ مۋلتي­ديس­­تسيپ­لي­نارلىق كومانداسىنىڭ قورىتىن­دى­سى بويىنشا بەرىلەدى.

– نۇر-سۇلتان قالاسى بويىنشا 2022 جىلدىڭ 3 ايىندا كورسەتىلگەن مەديتسي­نا­لىق قىزمەت ساپاسى مەن كولەمىنە جۇرگى­زىل­گەن ءتۇرلى مونيتورينگتەر اياسىندا 9 390 كەمشىلىك (دەفەكت) انىقتالىپ, 415 ملن 837 مىڭ تەڭگە الىندى. سونىڭ ىشىندە, تەگىن مەديتسينالىق كەپىلدەندىرىلگەن كومەك كولەمى (تمككك) اياسىندا 300 ملن 13 مىڭ تەڭگە سوماسىنا 2 004 كەمشىلىك انىقتالدى. ال مىندەتتى الەۋمەتتىك مەديتسينالىق ساق­تان­دىرۋ ء(مامس) جۇيەسىندە 115 ملن 824 مىڭ تەڭگە سوماسىنا 7 386 كەمشىلىك انىق­تال­دى, – دەدى سپيكەر.

پرواكتيۆتى مونيتورينگ اياسىندا 12 مەدي­تسينا ۇيىمىنا تەكسەرۋ جۇرگىزىلدى. وسى­لايشا, 1-كەزەڭدە 16 ملن 237 مىڭ تەڭگە سوماسىنا 3 846 كەمشىلىك (دەفەكت) انىقتالدى. ال ماقساتتى مونيتورينگ اياسىندا 410 كەمشىلىك (دەفەكت) تابىلدى. مەديتسينالىق قىزمەتتەردى ساتىپ الۋ شارتىن ورىنداۋدا 12 بۇرمالاۋشىلىق فاكتىسى انىقتالىپ, ايىپ تولەۋ ەسەبىندە 8 ملن 899 مىڭ تەڭگە الىندى.

– سونداي-اق قوردىڭ نۇر-سۇلتان قا­لا­سى بويىنشا فيليالىنىڭ مەديتسي­نا­لىق قىزمەت ساپاسى مەن كولەمىن مو­ني­تورينگىلەۋ ءبولىمى جوسپاردان تىس مونيتورينگ بويىنشا 48 قورىتىندى جا­سادى. سونىڭ 17-ءسى نەگىزدى شاعىم ەكەنى دا­لەل­دەندى. جوسپاردان تىس تەكسەرىس نا­تي­جەسىندە الىنعان سوما 2 ملن 701 مىڭ تەڭ­گەنى قۇرادى. اقپاراتتىق جۇيەلەردەن الىنعان مالىمەتتەر بويىنشا, جوسپارلى ەم­د­ەۋگە جاتقىزۋدى كۇتۋ مەرزىمى 2021 جىل­­دىڭ سايكەس كەزەڭىمەن سالىستىرعاندا 1,9%-عا وسكەنى بايقالادى. ءبىزدىڭ ساراپشىلار مە­ديتسينالىق قىزمەتتىڭ قولجەتىمدى بولۋى جانە ساپاسىنىڭ جاقسارۋى ءۇشىن, ياعني پاتسيەنت قۇقىعى ساقتالۋى ءۇشىن تۇ­راق­تى جۇمىس جۇرگىزەدى, – دەدى سپيكەر.

قور تۇرعىنداردى مەديتسينالىق ساق­تان­دىرۋ جۇيەسىمەن قامتۋ جۇمىستارىن جالعاستىرىپ جاتىر. بۇگىندە نۇر-سۇلتان قالاسى بويىنشا تۇرعىنداردىڭ 83,2%-ى ءمامس جۇيەسىندە ساقتاندىرىلعان. 2022 جىلى ەلوردا اۋماعىندا ءمامس جۇيەسىنە قاتىسۋشىلار سانى 17 406 ادامعا كوبەيدى. ياعني 2022 جىلدىڭ قاڭتار ايىندا 1 025 256 ادام بولسا, 1 مامىرداعى كورسەتكىش – 1 042 662, ادام.

– الايدا 210 142 قالا تۇرعىنى قام­تىل­ماي, ءمامس جۇيەسىنەن تىس قالىپ وتىر. بۇل ازاماتتار ءمامس جۇيە­سىن­دە ساقتاندىرۋ مارتەبەسى بولماسا دا تەگىن مەدي­­تسينالىق كەپىلدەندىرىلگەن كومەك كولە­مىندە مەديتسينالىق (شۇعىل مەديتسي­نا­لىق كومەك, جەدەل جاردەم بريگاداسىن شاقىرۋ, ۋچاسكەلىك دارىگەر قابىلداۋى جانە تاعى باسقا) كومەك الا الادى, – دەدى ن.قابدىقاپاروۆ.

مەديتسينالىق ساقتاندىرۋ قورىنىڭ نەگىزگى باسىمدىقتارىنىڭ ءبىرى – پاتسيەنت قۇقىعىن قورعاۋ. وسىعان وراي كەرى بايلانىس قۇرالدارى ارقىلى تۇسەتىن شاعىم-وتىنىشتەر ەرەكشە باقىلاۋدا بولادى.

«2022 جىلى قاڭتار-مامىر ارا­لى­عىن­دا قوردىڭ نۇر-سۇلتان قالاسى بويىن­شا فيليالىنىڭ قىزمەتكەرلەرى 2 687 ءوتىنىشتى قابىلداپ, قارادى. سونىڭ ىشىندە, 1 363 – شاعىم, 173 – العىس, 104 – شاعىن جانە ورتا بيزنەس ءۇشىن ساقتاندىرۋ مارتەبەسىن تۇزەتۋ, 1 047 – جەڭىلدىك ساناتى بو­يىن­شا ۋاقىتشا مارتەبە بەرۋ جونىندە شاعىم-وتىنىشتەر بار. مۇنداي وتىنىشتەر مەن شاعىمداردىڭ نەگىزگى بولىگى 1406 بايلانىس ورتالىعى مەن Qoldau 24/7 ءموبيلدى قوسىمشاسى ارقىلى تۇسەدى. بۇل وتىنىشتەر ءۇش دەڭگەيلى وڭدەۋدەن وتەدى. قور تۇرعىندارمەن كەرى بايلانىستا تۇراقتى جۇمىس جۇرگىزۋى ناتيجەسىندە, ەلوردا تۇر­عىندارى الەۋمەتتىك مەديتسينالىق ساق­تان­دىرۋ قورىنا, 1406 بايلانىس ور­تالىعى مەن Qoldau 24/7 ءموبيلدى قوسىمشاسى ارقىلى ءجيى حابارلاسادى, – دەدى سپيكەر.

تۇسكەن بارلىق شاعىم بويىنشا شارا قابىلدانىپ, ءوتىنىش يەلەرىنە جاۋاپ بە­رىل­دى. تۇرعىندار كوبىنە كونسۋلتاتيۆتىك-دياگ­نوستيكالىق قىزمەتتەردىڭ ازدىعىنا (قۇرال-جابدىقتاردىڭ بولماۋى, كەزەكتى كوپ كۇتۋ, جولداما بەرمەۋ, كادر جەتىسپەۋ), مەديتسينا قىزمەتكەرلەرىنىڭ دورەكى سويلەۋى مەن قىزمەتىن بىلمەۋىنە, مەديتسينالىق قىزمەت ساپاسىنا, قىزمەتتەردى كوپ كۇتۋ جاعدايلارىنا شاعىمدانادى. ال ءمامس جۇيەسىندەگى ساقتاندىرۋ مارتەبەسى تۋرالى نەمەسە مەديتسينالىق كومەك الۋ بو­يىنشا قانداي دا ءبىر سۇراقتار تۋىنداعان جاعدايدا قوردىڭ ەلورداداعى فيليالىنا 1406 بايلانىس ورتالىعى نەمەسە Qoldau 24/7 ءموبيلدى قوسىمشاسى, Telegram-داعى SaqtandyryBot, قوردىڭ fms.kz سايتى ارقىلى حابارلاسۋعا بولادى.