كورەر جارىعى بار نارەستە

اناسى قايتىس بولعان سوڭ  55 كۇننەن كەيىن تۋىلدى پولشادا ءبىر نارەستە اناسى قايتىس بولعان سوڭ 55 كۇننەن كەيىن دۇنيە ەسىگىنەن اتتادى. دارىگەر­لەردىڭ مالىمدەۋىنشە, وسىناۋ تاڭ­عالارلىق وقيعا قازىرگى زامانعى وزىق مەديتسينالىق جابدىقتاردىڭ ارقاسىندا مۇمكىن بولعان. بۇقارالىق اقپارات قۇرالدارى بايانداعانداي, 45 جاستاعى پولياك ايەلى وبىر اۋرۋىمەن اۋىرعان. ونىڭ جۇكتىلىگىنىڭ 17-اپتاسىندا ميى ءول­گەنى بەلگىلى بولعان. الايدا, ەس-ءتۇس­سىز جاتقان ايەلدىڭ جۇرەگى ءبارىبىر توق­تاۋسىز سوعىپ تۇرعان. وسىدان كەيىن دارىگەرلەر ونىڭ قۇرساعىندا جاتقان بالانى امان الىپ قالۋ جونىندە شەشىم قابىلداعان. العاشقى تاجىريبە ءساتتى وتكەن. ارنايى جابدىقتىڭ ارقاسىندا دارىگەرلەر ايەلدىڭ ءتىرى تۇرۋىنا جاعداي جاساپ كەلگەن. وسى ارا­لىقتا وتكەن 55 كۇندە ولار نارەس­تەنى اناسىنىڭ قارنىن جارۋ ارقىلى الىپ شىققان. RMF FM راديوسىنىڭ اقپا­راتىنا قاراعاندا, شارانا بيىلعى  9 اقپاندا دۇنيەگە كەلگەن. تۋعان كەزىندە ونىڭ سالماعى نەبارى 1 كيلو تارتقان. وعان قارقىندى تەراپيا جاسالعان. ءبىر ايدان كەيىن بالا رەسپيراتوردان اجىراتىلعان. تاعى ەكى ايدان كەيىن ۇيىنە شىعارىلادى. قازىر بالا امان-ەسەن ءوسىپ كەلەدى. ونىڭ سالماعى 3 كيلوعا جەتكەن. قازىر ول اكەسىنىڭ باعىمىندا ءوسىپ جاتىر. مۇرات ايتقوجا