شىمكەنتتە Ontustik tourism center اشىلادى

شىمكەنت. 25 ءساۋىر. وڭتۇستىك قازاقستان وبلىسىندا «Ontustik tourism center» اشىلادى. بۇل تۋرالى وبلىستىق كاسىپكەرلىك, يندۋستريالدى-يننوۆاتسيالىق دامۋ جانە تۋريزم باسقارماسىنىڭ ءبولىم باسشىسى پەريزات قونىسباەۆانىڭ اقپارى بويىنشا  ەgemen.كz ءتىلشىسى حابارلادى. تۋريزم-تابىسى كوپ سالا. الەمدەگى كۇردەلى جاعدايلارعا بايلانىستى كوپتەگەن مەملەكەتتەر جىلداعى دەمالۋشىلارىنان ايىرىلىپ قالدى. تەڭىز جاعالاۋى بوس قالعان تۇركيا مەملەكەتىندە قوناق ۇيلەر ساتىلىمعا شىعارىلىپ جاتىر. وسىندا جاعدايدا حالىقارالىق تەرروردان قاۋپى جوق قازاقستاننىڭ تۋريستتىك الەۋەتى جوعارى كورىنەدى. «بۇگىنگى تاڭدا تۋريستەردى شاقىرۋ ماقساتىندا ورتالىقپەن جاقىن جانە الىس شەتەلدىك ۇيىمداردىڭ ءتىزىمى بەلگىلەنگەن. ناقتىراق ايتساق, باسىم ەلدەر اراسىنان ورتالىق ازيا نارىعىنا جۇمىس جاسايتىن 500 تۋروپەراتور مەن كونۆەنشن ورتالىقتارىنىڭ ءتىزىمى ءتۇزىلدى. سونىمەن قاتار, 505 زيارات جاسايتىن تاريحي-ارحەولوگيالىق نىساندار مەن ءجيى باراتىن ورىنداردىڭ ءتىزىمى جاسالدى», دەدى پەريزات تايبەكقىزى. باقتيار تايجان. دەرەك, فوتو: egemen.kz