«عاسىرلار ءۇنىنىڭ» عازالى

استانا فيلارمونياسى كوپشىلىككە جاڭا تۋىندىلاردى تانىستىردى ناۋرىز مەيرامى قارساڭىندا استاناداعى «كونگرەسس-حولل» سارايىندا استانا مەملەكەتتىك اكادەميالىق فيلارمونياسىنىڭ قازاق حالىق اسپاپتارى وركەسترىنىڭ «عاسىرلار ءۇنى» اتتى كونتسەرتى ءوتتى. بۇل كونتسەرت بىرنەشە جاڭا تۋىندىلاردىڭ العاش رەت ورىندالۋىمەن ەرەكشەلەندى. وركەستردىڭ كوركەمدىك جە­تەك­شىسى جانە باس ديريجەرى, قا­زاقستاننىڭ ەڭبەك سىڭىرگەن قايراتكەرى, پروفەسسور ايتقالي جايىموۆتىڭ ديريجەرلىك ەتۋى­مەن بىرنەشە شىعارمالار ورىندالدى. سونىڭ ءبىرى – ارمان جاي­ىم­نىڭ فورتەپيانو مەن وركەسترگە ارنالعان «ماحامبەت» اتتى № 2 كونتسەرتتەن فينال. بۇل تۋىندىنى وركەستردىڭ قولداۋىمەن اۆتور ارمان جايىمنىڭ ءوزى ورىن­داپ بەردى. وسى شىعارما دا كورەرمەندەر نازارىنا العاش رەت ۇسىنىلعانىن ايتا كەتكەنىمىز ءجون. ماعجان جۇماباي ۇلىنىڭ «باتىر بايان» پوەماسى بويىنشا جازىلعان كومپوزيتور دۋلات ءابىلدينوۆتىڭ «با­تىر بايان» مۋزى­كالىق شىعارماسى العاش رەت كورەرمەندەر نازارىنا ۇسى­نىلدى. سول سەكىلدى كومپوزيتور توعجان ءجاحيننىڭ «ەدىل پاتشا», «جاڭا زامان» اتتى مۋزىكالىق پوەمالارىن ەلوردالىقتار جىلى قابىل الدى. كومپوزيتور ءمادينا تۇرسىن­باەۆانىڭ «سامعا, استانا» ءانى دە حا­لىق­ارالىق بايقاۋلاردىڭ لاۋرەاتى كۇنسۇلۋ تۇرلىبەكوۆانىڭ ورىن­­داۋىندا العاش رەت شىرقالدى. بۇ­دان كەيىن وركەستر كومپوزيتور ارداق تاڭىربەرگەن ۇلىنىڭ «جو­رىق­تا» شىعارماسىن دا العاش رەت تىڭ­دارماندارعا تانىستىردى. ديريجەرلىك جاساعان مادەنيەت قايراتكەرى نۇرلان بەكەنوۆ. بۇدان ءبىر-ەكى جىل بۇرىن كومپوزيتور نۇرلان بەكەنوۆ قا­زاق­تىڭ ءور رۋحتى اقىنى, باتىرى ماحامبەت وتەمىس ۇلىنا ارناپ «قىزعىش قۇس» دەگەن كۇي شى­عارعان بولاتىن. مىنە, وسى كۇيدى اتالعان وركەستر العاش رەت كورەر­مەندەرگە تارتۋ ەتتى. جەكە دومبى­رادا مەملەكەتتىك «دارىن» جاستار سىيلىعىنىڭ يەگەرى انار مۇز­داحانوۆا ورىندادى. وركەستر مەن جەكە ورىنداۋشى اراسىنداعى ءۇي­لەسىم كۇردەلى كۇيدىڭ كوركىن اشا ءتۇستى. ءانشى, رەسپۋبليكالىق باي­قاۋ­لار­دىڭ لاۋرەاتى دانيار مۇ­­قان كوم­­پوزيتور بازارالى ءتۇسىپ­­جانوۆ­تىڭ «دومبىرا» ءانىن نا­قىشىنا كەل­تىرە شىرقاپ, انسۇيەر قاۋىمنىڭ قوشەمەتىنە ءبو­لەندى. سونىمەن قاتار, كومپوزيتور جانار ءجۇسىپوۆانىڭ «گۇل­سىم حانىمعا» ءانى تۇڭعىش رەت شىرقالدى. بۇل ءان ماعجان جۇما­باي­ ۇلىنىڭ سوزىنە جازىلعان. كەلەسى كەزەكتە كومپوزيتور ارمان جايىمنىڭ «ءاز-ءتاۋ­كە», تولە بي كانتاتاسىنان «قارلى­عاشتىڭ ءانى», بەيبارىس وپەراسىنان «ايدانانىڭ ارياسى» سياقتى بىرقاتار مۋزىكالىق شى­عار­مالارى ورىندالدى. بۇل شى­عارمالارداعى تەرەڭ تەبىرەنىسكە تولى اندەردىڭ سوزدەرىن وركەس­تردىڭ سۇيەمەلدەۋىمەن ءانشى, رەس­پۋب­ليكالىق بايقاۋلاردىڭ لاۋ­رەاتى شاحريزادا تىنىشتىق كورەر­مەندەرگە جەتكىزدى. ءار كورەرمەننىڭ جانىنا شا­بىت بەرىپ, كوڭىلىن كۇيگە بولەگەن كونتسەرتتە باسقا دا اندەر شىرقالدى, كۇيلەر تارتىلدى. «ەگەمەن-اقپارات».