«التاي» ۆولەيبول كلۋبى

جاڭا جاڭعىرۋ جولىنا ءتۇستى شىعىس قازاقستان وبلى­سىنىڭ «التاي» ۆولەيبول كلۋبى تۇڭعىش رەت قازاقستان ۇلتتىق ليگاسىنىڭ چەمپيونى اتاندى. وبلىس ورتا­لىعىندا ءبىر اپتاعا سوزىلعان ۇلت­تىق ليگانىڭ ەرلەر كوماندالارى اراسىنداعى گەننادي گونچاروۆتى ەسكە الۋعا ارنالعان ەل چەمپيوناتىنىڭ ءتور­تىنشى اينالىم ويىندارى بارىسىندا ۇزدىك شىققان وسكەمەن كلۋبى جەرلەستەرىنىڭ ريزاشىلىعىنا بولەندى. ەل بىرىنشىلىگىن ۇتقان «التاي» كلۋبى ازيا چەمپيوناتىنا شىقتى. اتالعان ماتچتى ءوڭىر باسشىسى دانيال احمەتوۆ تاماشالادى. وتكەن جىلى ءوڭىر باسشى­سىنىڭ تاپسىرماسى بويىنشا, وسكەمەن مەن سەمەي قالالا­رى­نىڭ ۆولەيبول كوماندالارى بىرىكتىرىلگەن بولاتىن. وسى ارقىلى بيۋدجەتتى ۇنەمدەۋگە عانا ەمەس, جاقسى ناتيجەلەر كور­سەتۋگە دە قول جەتكىزىلگەنىن باي­قاۋعا بولادى. «التاي» كلۋبىنىڭ باس جاتتىقتىرۋشىسى يگور نيكول­چەنكونىڭ ايتۋىنشا, بۇگىندە ۆولەي­بولشىلاردىڭ ءساتتى ويىن كورسەتۋىنە بارلىق جاع­داي جاسالىپ وتىر. جاتتىق­تىرۋشىلار مەن جەرلەستەرىنىڭ بىلدىرگەن سەنىمىن اقتاۋ ءۇشىن شىعىسقازاقستاندىق ۆولەيبولشىلار ءار ويىندا جەڭىسكە جەتۋگە بار كۇش-جىگەرىن جۇمساپ كەلەدى. – ەكى كلۋبتى بىرىكتىرۋ ارقىلى ءبىز ەڭ ۇزدىك ۆولەيبولشىلاردى ىرىكتەدىك. قارجىمىزدى ۇنەمدەۋگە قول جەتكىزدىك. جەر­لەستەرىمىز ءوز كۇش-جىگەرىن ورتاق ماقساتقا ءبى­رىك­تىرۋىنىڭ ناتيجەسىندە ۇلكەن تا­بىس­تارعا جەتە باستادى. كۇردەلى جۇ­مىستىڭ العاشقى ناتيجەسى, شىعىس قازاقستان وبلىسىنىڭ ءوز تاريحىندا العاش رەت ۇلتتىق چەم­­پيو­ناتتا توپ جارۋى دەر ەدىم. ءدال وسى ىسپەتتى جۇيەمەن «التاي» فۋتبول كلۋبى دا جۇمىس ىستەۋدە. كەلەسى ماۋسىمدا فۋتبولدا دا جا­ڭا بيىكتەردى باعىندىرامىز دەپ ۇمىتتەنەمىن, – دەدى وبلىستىق سپورت جانە دەنەشىنىقتىرۋ باس­قار­ماسىنىڭ باسشىسى ەلدوس شىكەنوۆ. قازىرگى كەزدە جەڭىمپاز كوماندا ازيا چەمپيوناتىنا قىزۋ ازىرلىك ۇستىندە. ۆولەيبولدان 16 كوماندا قاتىساتىن قۇرلىقتىق باسەكە ميانمە قالاسىندا 23-31 تامىز ارالىعىندا وتەدى. دۋمان اناش, «ەگەمەن قازاقستان». وسكەمەن.