اقتوبەدە «نۇرلى جول» باعدارلاماسى بويىنشا باسپانا بەرىلدى

استانا. 24 ناۋرىز. اقتوبە قالاسىندا «نۇرلى جول» باعدارلاماسى بويىنشا بالالارعا ارنالعان سپورت كلۋبى بار باسپانا پايدالانۋعا بەرىلدى. تۇرعىن ءۇي مەن كلۋب اقتوبە قالاسىنىڭ بەلسەندى دامىپ جاتقان بولىگى - باتىس-2 شاعىن اۋدانىندا ورنالاسقان. بۇل تۋرالى egemen.kz ءتىلشىسى حابارلادى. «قازاقستان يپوتەكالىق كومپانياسى» يۇ» اق ينفراقۇرىلىمدى دامىتۋدىڭ «نۇرلى جول» مەملەكەتتىك باعدارلاماسى اياسىندا وپەراتورلاردىڭ ءبىرى بولا وتىرىپ, ساتىپ الۋ قۇقىعىمەن جالعا بەرىلەتىن تۇرعىن ۇيلەردى سالۋ/ساتىپ الۋدى قارجىلاندىرۋدى قامتاماسىز ەتەدى. اتاپ ايتقاندا, كومپانيا جاو-دا كەزەكتە تۇرعاندار ءۇشىن باتىس-2 شاعىن اۋدانىندا ورنالاسقان ۇيدەن جالپى اۋدانى 17 394,1 شارشى مەتر بولاتىن 262 پاتەردى ساتىپ الدى. پاتەرلەر تازا ارلەنگەن, سانتەحنيكالىق قۇرالدارمەن جانە اس ۇيگە ارنالعان پليتالارمەن «نۇرلى جول – بولاشاققا باستار جول» اتتى مەملەكەت باسشىسى نۇرسۇلتان نازارباەۆتىڭ قازاقستان حالقىنا جولداۋىن ىسكە اسىرۋ اياسىندا اقتوبە وبلىسىنداعى جاو-دا كەزەكتە تۇرعاندارعا بەرىلگەن. باتىس-2 شاعىناۋدانىندا تۇرۋعا جايلى جاعدايلار جاساۋ ءۇشىن قۇرىلىس سالۋشى - «سوللەرس» جشس كومپانياسىنىڭ قاتىسۋى ارقىلى جەرگىلىكتى اتقارۋشى ورگاندارىمەن ايماقتى اباتتاندىرۋ بويىنشا جۇمىستار جۇرگىزىلدى: كىرە بەرىس جولدار اسفالتتالدى, اۆتوبۋس ايالدامالارى ورناتىلدى. سونىمەن قاتار «سوللەرس» جشس مەملەكەتتىك-جەكە سەرىكتەستىك (مجس) اياسىندا بالالارعا ارنالعان سپورت كلۋبىن اشۋ ءۇشىن كولەمى 400 ش.م. ءۇي-جايدى اقتوبە قالاسىنا اقىسىز بەردى. وسىلايشا, وڭىرلەردى دامىتۋ باعدارلاماسىن ويداعىداي جۇزەگە اسىرۋ بارىسىندا تەك قانا جاو-دا كەزەكتە تۇرعاندارعا پاتەر بەرۋ عانا ەمەس قازاقستاندىقتاردىڭ جايلى ءومىر ءسۇرۋى ءۇشىن جاعداي جاساۋدىڭ جاقسى ۇلگىسى كورسەتىلدى. داستان كەنجالين. دەرەك, سۋرەت: «قازاقستان يپوتەكالىق كومپانياسى» يۇ» اق جارناما جانە جۇرتشىلىقپەن جۇمىس جۇرگىزۋ باسقارماسى.