ءدىني بىرلەستىكتەردىڭ كەزەكتى وتىرىسى

استانا قالاسىنداعى «ءازى­رەت سۇلتان» مەشىتىندە ءدىني ءبىر­لەستىكتەر وكىلدەرى جينالى­سىنىڭ كەزەكتى وتىرىسى ءوتتى. ءىس-شاراعا قازاقستاندا تىركەلگەن ءدىني بىرلەستىكتەردىڭ, قازاقستان ءدىنتانۋشىلار كونگرەسىنىڭ, مادەنيەتتەر مەن دىندەردىڭ حالىقارالىق ورتالىعى مەن قازاقستان رەسپۋبليكاسىنىڭ مادەنيەت جانە سپورت مينيسترلىگى ءدىن ىستەرى كوميتەتىنىڭ باسشىلارى جانە وكىلدەرى قاتىستى. وتىرىس اياسىندا مەملەكەت پەن ءدىني بىرلەستىكتەر اراسىنداعى ىنتىماق­تاستىقتىڭ, رۋحاني كەلىسىمدى نىعايتۋدىڭ وزەكتى ماسەلەلەرى تالقىلاندى, سونىمەن قاتار, قازاقستاننىڭ ءدىني بىرلەستىكتەر وكىلدەرىنىڭ اتىنان ناۋرىز مەيرامىنا بايلانىستى قازاقستان حالقىنا قۇتتىقتاۋ حاتى بەكىتىلدى. رەسمي باعدارلاما اياقتالعاننان كەيىن جينالىستىڭ مۇشەلەرى مەن قوناقتارى ءۇشىن «ازىرەت سۇلتان» مەشىتىنە ەكسكۋرسيا ۇيىمداستىرىلدى. ءىس-شارانىڭ رەسمي بولىگىنەن كەيىن وعان قاتىسۋشىلارعا ىستىق ءشاي, «ناۋرىز كوجە» ءداستۇرلى تاعامى, شىعىس تاماقتارى ۇسىنىلدى. سونداي-اق, ءتۇرلى كونفەسسيا وكىلدەرى «اسىق اتۋ», «ارقان تارتۋ» ۇلتتىق ويىندارىنا بەلسەنە قاتىستى. «ەگەمەن-اقپارات».