بارساكەلمەس قورىعى

دۇنيەجۇزىلىك بيوسفەرا جەلىسىنە قوسىلدى يۋنەسكو-نىڭ «ادام جانە بيوسفە­را» باعدارلاماسىنىڭ حالىقارالىق ۇيلەس­تىرۋ كەڭەسى «بارساكەلمەس» قورىعىن دۇنيە­جۇزىلىك بيوسفەرالىق قورىقتار قاتارىنا قوستى. اتالعان ۇيىمنىڭ حابارلاۋىنشا, بارساكەلمەس بيوسفەرالىق قورىعى ساحا­رادان گوبيگە دەيىن جالعاساتىن شولەيتتى بەلدەۋدىڭ قاق ورتاسىندا, ارال تەڭىزىنىڭ باسسەينىندە ورنالاسقان. – ارال تەڭىزىنىڭ ايماعى ءشولدى بات­پاق جۇيەلەرى مەن جىل قۇستارىنىڭ ميگراتسيالىق با­عىتتارىن ساقتاپ قالۋ ءۇشىن ماڭىزدى ايماق بولىپ تابىلادى. قورىق تەڭىزدىڭ بيو­­الۋانتۇرلىلىگىن ساقتاۋ ىسىندە باستى ءرول اتقارادى. اتاپ ءوت­كەندە, مۇندا 2 مىڭ­عا جۋىق ومىرت­قاسىزدار, ءسۇت­قورەكتىلەردىڭ 30 ءتۇرى, قۇستاردىڭ 178 ءتۇرى جانە رەپ­تيليالاردىڭ 20 ءتۇرى بار. قورىقتىڭ اۋماعىندا سونداي-اق, قازاق كوشپەندىلەرىنىڭ كونە جىبەك جولىندا ورنالاسقان ءتورت ورتاعاسىرلىق ورتالىق قونىستانعان, – دەدى يۋنەسكو ۇيىمىنىڭ ماماندارى. ايتا كەتەيىك, بيىل دۇنيە­جۇزىلىك قو­رىق­تار قاتارىنا الەمدەگى 20 تاريحي قو­رىق ەن­گىزىلدى. سونداي-اق, اتال­عان ۇيىم­نىڭ مۇشەلەرى بيو­سفەرالىق قورىقتاردىڭ ءدۇ­نيەجۇزىلىك جەلىسى جىل سايىن جاڭا نىساندارمەن تولىعىپ وتىرادى. جالپى, «ادام جانە بيوسفەرا» باع­­دارلاماسى ادام مەن تابيعاتتىڭ ءوز­ارا ىقپال­داس­تىعىن جاھاندىق وڭ­تاي­لان­دىرۋ­عا باعىت­تالعان عىلىمي ۇكى­مەتارالىق جوبا 70-جىلداردىڭ باسىندا قۇرىلعان. تورەبەك تۇرمانوۆ.