ورالدا ۇلىستىڭ ۇلى كۇنىندە جاپالاقتاپ قار جاۋدى

ورال. 23 ناۋرىز. كەشە, ۇلىستىڭ ۇلى كۇنىندە باتىس قازاقستان وبلىسىندا تابيعات توسىن مىنەز تانىتتى. اتاپ ايتقاندا, جاپالاقتاپ جاۋعان قار كەشكە دەيىن تولاستاماي, اقجايىق اتىرابىن ءاپ-ساتتە اق كورپەگە ورادى دا تاستادى. بۇل تۋرالى egemen.kz ءتىلشىسى حابارلادى. ناۋرىزدا جاۋعان قاردى جاقسىلىققا جورىعان حالىق بيىل جىل جاقسى, استىق مول بولادى دەگەن بولجام جاسادى. سونداي-اق, اپپاق قار, كىرشىكسىز اق كوڭىلدەر ادامداردىڭ الداعى ارماندارىنا جول اشقانداي اسەرگە بولەدى. ناۋرىزدىڭ اقشا قارى جونىندە حالقىمىزدىڭ اۋىز ادەبيەتىندە دە ايتىلاتىن ءاپسانالار از ەمەس. سونىڭ ءبارى تەك تامسانۋ مەن جانە شەكسىز سۇيىسپەنشىلىكپەن ايتىلادى. مىنە, قاراڭىز! «قىز جىبەك» ەپوسىندا بىلاي دەلىنبەۋشى مە ەدى؟ قىز جىبەكتىڭ اقتىعى, ناۋرىزدىڭ اقشا قارىنداي. اق بەتىنىڭ قىزىلى, اق تاۋىقتىڭ قانىنداي. تاماشا ەمەس پە؟! ءسۇرى قاردى ەرىتىپ, جەردىڭ بەتىنىڭ جىلۋىنا جول اشاتىن بۇل قاردى قۇسقاناتى دەيدى حالقىمىز. ناۋرىزدىڭ وسى اقشا قارى الداعى ىرىس كوزىنە, مەرەكە باستاۋىنا اينالسىن! تەمىر قۇسايىن. دەرەك: egemen.kz. سۋرەت: photopolygon.com.