تەرميندەر قورى تولىقتى

سوڭعى جىلدارى قازاقستان رەسپۋبليكاسى ۇكىمەتىنىڭ جانىن­داعى رەسپۋبليكالىق تەرمينولوگيا كو­ميسسياسىنىڭ مۇ­رىندىق بولۋى­­مەن مەملە­كەتتىك تىلدەگى تەر­­مين­دەر قو­رىن تولىقتىرۋ وراي­ىن­دا ءبىر­قاتار ىلكىمدى جۇمىس­تار اتقا­رى­لىپ كەلەدى. سو­نىڭ ءناتي­جەسىن­دە اتال­عان تەرمينولوگيالىق كوميس­سيا وتكەن جىلدىڭ 6 قا­زان­داعى وتى­رىسىندا تىزبەگە ۇسى­نىل­عان تەر­ميندەردىڭ ءبىر پاراسىن قاراپ, بە­كىتىپ بەرىپ, قولدانىسقا جولدادى. بەكىتىلگەن تەرمي­نو­لو­گيالىق ءتىز­بەدەگى يننوۆاتسيا, يندۋستريا سالالارى بويىنشا – 179, توتەنشە جاع­دايلار بويىنشا – 95, كولىك جانە قاتىناس جولدارى بويىنشا – 846, ماتەماتيكا سالاسى بويىن­شا – 279, مەحانيكا جانە ما­شيناتانۋ سالاسى بويىنشا – 282, بارلىعى – 1745 تەرمين سوزدەر ەندىگى جەردە مەملەكەتتىك ءتىلدىڭ يگىلىگىنە قىزمەت ەتەتىن بولادى. تەرمين سوزدەردى قالىپتاستىرىپ, وسى رەتتە وزىندىك ىزدەنىستەر جاساپ, تەرمينكومعا ۇسىنۋ كەزىندە سالالىق مينيسترلىكتەر مەن ۆە­دومستۆولاردىڭ دا بەلسەندىلىك تانىتىپ وتىرعانىن اتاپ ءوت­كەن ءجون. ايتالىق, اتالمىش ءتىز­بەگە ينۆەستيتسيالار جانە دامۋ مي­نيس­ترلىگى تاراپىنان 22, ىشكى ىستەر مينيسترلىگى تاراپى­نان 23 تەرمين سوزدەر كىرگىزىلگەن. رەس­پۋبليكالىق تەرمي­نو­لوگيالىق كوميسسيا بەكى­تىپ ۇسىنعان وسى تەرميندەر ءتىز­بەسىن «ەگەمەن قازاقستان» گازە­تىنىڭ سايتىنان وقي الاسىزدار. «ەگەمەن-اقپارات». جۇكتەۋ: بەكىتىلگەن تەرميندەر-2015-1