كەنشىلەر كوڭىلى كوركەيە ءتۇستى

استانادا وتكەن «نۇر وتان» پارتياسىنىڭ ءXVIى سەزىنە قا­تى­سۋعا اقسۋ قالاسىنان وبلىس­تىڭ ارنايى دەلەگاتسياسى­مەن كەلدىك. كوڭىل كوتەرىڭكى. ەلباسى بايانداماسىن تىڭداپ ءبارىمىز دە ءبىر سەرپىلىپ قالدىق. قانداي كوپ ماڭىزدى جايلاردى جەتكىزدى. ەلىمىز الەمنىڭ 50 يننوۆاتسيالىق دامىعان ەلىنىڭ قاتارىنا ەن­دى. بۇكىل قازاقستاندىقتار قۋا­نا­تىن جايت قوي. سەرپىلىس دەگەن وسى. تاعى ءبىر قۋانىش سول, بىلتىر ءبىزدىڭ كەن­شىمىز رىشات امىرەنوۆ ەلباسى قولىنان «قازاقستاننىڭ ەڭبەك ەرى» اتاعىن العان بولاتىن. مەن «ەۋرازيالىق ەنەرگەتيكالىق كورپوراتسياسى» اق باستاۋىش پارتيا ۇيىمىن باسقارامىن. ءبىزدىڭ كورپوراتسيادا 3205 پارتيا مۇشەسى بار. پرەزيدەنت «سوڭعى التى جىلدا بىزدە ەكونوميكانىڭ 28 جاڭا سالاسى پايدا بولدى, 890 ءوندىرىس ىسكە قوسىلدى. بۇگىن بىزدە ەشقاشان وندىرىلمەگەن 400 جاڭا ءونىم تۇرلەرى وندىرىلەدى» دەپ اتاپ ءوتتى. مىسالى, ءبىزدىڭ ەۋرازيالىق توپتىڭ قۇرامىنداعى «ەۋرازيالىق ەنەرگەتيكالىق كورپوراتسيا­سى» اق ەلىمىزدەگى ەلەكتر ەنەرگياسىنىڭ 17 پايىزىن, كومىردىڭ 20 پايىزىن وندىرەدى. اقسۋ ەلەكتر ستانساسى, «ۆوستوچنىي» كومىر كەنىشى بار الىپ كاسىپورىندا بۇل كۇندەرى 6222 ادام ەڭبەك ەتۋدە. ورتاشا جالاقىنىڭ كولەمى – 162288 تەڭگە. وسى سەزدە سويلەگەن سوزىندە ەلباسى «قازاقستاندا جۇمىسسىزدىق دەگەن بولماۋى كەرەك. بۇل ءۇشىن بارلىق مۇمكىندىكتەر بار», دەگەنىنىڭ ناقتى مىسالىن ءبىزدىڭ كاسىپورىن جاعدايىنان-اق كورۋگە بولادى. ءبىزدىڭ كاسىپورىننىڭ جەتىستىكتەرى جايلى دا «ەگەمەن قازاقستاندا» ماقالالار جاريا­لانىپ تۇرادى. جۋىردا عانا «ەۋرازيالىق ەنەرگەتيكالىق كورپوراتسياسى» اق ەلەكتر ستانساسى 266 ميلليون تەڭگەدەن استام قارجى جۇمساپ, تەپلوۆوز ساتىپ الدى. جاڭا تەحنولوگيالار وندىرىسكە كەلۋدە. ستانسادا 2001 جىلدان بەرى جابدىقتاردى جاڭارتۋ جانە قايتا قۇرۋ باعدارلاماسى جۇزەگە اسىرىلۋدا. قازىرگى ۋاقىتتا «ەەك» اق-تا­عى 8 ەنەرگيالىق بلوكتىڭ 5-ءۋى قاي­تا جاڭارۋدان ءوتتى. جالپى, پار­تيامىزدىڭ كەزەكتەن تىس ءXVIى سەزىنىڭ ءبىزدىڭ قوعام ءۇشىن ماڭى­زى جوعارى. پارتيامىز قولعا الاتىن مىندەتتەرگە حالىق سەنەدى. V شاقىرىلىمداعى اقسۋ قالا­لىق ءماسليحاتىنىڭ دەپۋتا­تى رەتىندە قالانىڭ الەۋمەت­تىك سالاسى جانە اباتتاندىرۋ ماسە­لەلەرى­مەن اينالىسامىن. بۇگىندە «ەۋ­رازيالىق ەنەرگەتيكالىق كورپوراتسياسى» اق ەل ەكونوميكاسىنىڭ دامۋىنا ەلەۋ­لى ۇلەس قوسۋدا. ءبىز ءوندىرىس كولەمىن ۇلعاي­تۋعا, مەملەكەتىمىزدىڭ تۇراقتى دامۋىنا باعىت­تالعان رەفورمالاردى قولدايمىز. سونىمەن قاتار, ۇجىمىمىزعا الەۋمەتتىك بەلسەندىلىك تە جات ەمەس. سوندىقتان, ءبىز, ءىرى كاسىپورىن رەتىندە, ەلىمىزدە ورىن الىپ جاتقان ما­ڭىزدى وقيعالاردان تىس قالا المايمىز جانە وبلىستىق, قالالىق ءماسليحاتتار دە­پۋتاتتىعىنا التى ۇمىتكەر ۇسىنىپ وتىرمىز. تەك بىرلەسكەن كۇش-جىگەرىمىزدى بىرىكتىرىپ قانا قازاقستاندىق داۋلەتتىلىككە قول جەتكىزەتىندىگىمىزگە نىق سەنىمدىمىن! ءماجىلىس دەپۋتاتتارىنىڭ كەزەكتەن تىس سايلاۋىن وتكىزۋ دە – قازىرگى داعدارىس كەزىن­دەگى دۇرىس قادام. ۋاقىت تالابى وسىنداي. جاۋاپتى. جاڭا مىندەتتەردىڭ ورىندا­لۋى ءۇشىن قوعامعا سەرپىلىس, جاڭارتۋ, جاڭعىرۋ جولى كەرەك. سول ءۇشىن دە جاڭا ءماجىلىس جاساق­تا­لاتىنى ءسوزسىز. ال, پارتيامىزعا حالىق­تان جاڭا سەنىم مانداتىن الۋعا مۇمكىن­دىك تۋىپ تۇر. تاتيانا نوساچەۆا, «ەۋرازيالىق ەنەرگەتيكالىق كورپوراتسياسى» اق ادام رەسۋرستارىن باسقارۋ جانە الەۋمەتتىك ماسەلەلەر بويىنشا ۆيتسە-پرەزيدەنتى. پاۆلودار وبلىسى, اقسۋ قالاسى.