فوتو: 1news.co.nz
G توبىنداعى كەزدەسۋ ينگلۆۋد قالاسىنداعى «سوفي ستەديۋم» ارەناسىندا ءوتىپ, 2:2 ەسەبىمەن اياقتالدى. ويىندا مەكسيكالىق تورەشى سەسار راموس پالاسۋەلوس تورەلىك ەتتى.
ويىننىڭ 7-مينۋتىندا جاڭا زەلانديا شابۋىلشىسى ەلايدجا گەنري دجاست ەسەپ اشتى. الايدا 32-مينۋتتا يران قۇراماسىنىڭ قورعاۋشىسى رامين رەزاەيان تارازى باسىن تەڭەستىردى.
ەكىنشى تايمنىڭ 54-مينۋتىندا دجاست ءوز كومانداسىن قايتا العا شىعارعانىمەن, 64-مينۋتتا يران ساپىنان موحامماد موحەبي جاۋاپ گولىن سوعىپ, ماتچتاعى تەڭ ناتيجەنى ورناتتى. بۇعان دەيىن بەلگيا مەن ەگيپەت قۇراماسى اراسىنداعى ويىن 1:1 ەسەبىمەن اياقتالدى. وسىلايشا, G توبىنداعى ءتورت قۇراما دا العاشقى تۋردان كەيىن ءبىر-ءبىر ۇپايدان ەنشىلەدى.
كەلەسى كەزەڭدە يران ۇلتتىق قۇراماسى بەلگيا كومانداسىمەن كەزدەسسە, جاڭا زەلانديا ەگيپەت قۇراماسىمەن وينايدى. ماتچتار 22 ماۋسىمعا جوسپارلانعان.
ەسكە سالا كەتەيىك, فۋتبولدان XXIII الەم چەمپيوناتىنىڭ ماتچتارىن «Qazaqstan» جانە «Qazsport» تەلەارنالارى تىكەلەي ەفيردە كورسەتەدى. سونىمەن قاتار ويىنداردى qazaqstan.tv, qazsporttv.kz رەسمي سايتتارىنان, «Qazaqstan.tv» ءموبيلدى قوسىمشاسى جانە «Birge.tv» پلاتفورماسىنان ونلاين فورماتتا كورۋگە بولادى.
